1 இதோ, மனுஷனின் பெலவீனத்தையும், சோதனைக்குட்பட்டவர்களுக்கு எவ்வாறு உதவி செய்வதென்பதையும் அறிந்தவரும், உங்களுடைய மத்தியஸ்தருமான இயேசு கிறிஸ்துவாகிய உங்கள் தேவனாகிய கர்த்தர் சொல்லுகிறார், என்னுடைய சபையின் மூப்பர்களே கேளுங்கள்.

2 இன்னமும் சீயோன் தேசத்திற்குப் போகாதவர்கள் மேல் மெய்யாகவே என்னுடைய கண்கள் நோக்கமாயிருக்கின்றன; ஆகவே உங்களுடைய ஊழியம் இன்னும் நிறைவாகவில்லை.

3 ஆயினும் நீங்கள் பாக்கியவான்கள், ஏனெனில் நீங்கள் சாட்சி சொன்னவைகளை தூதர்கள் பார்க்கும்படியாக பரலோகத்திலே எழுதப்பட்டிருக்கிறது; அவர்கள் உங்களினிமித்தம் களிகூர்ந்தார்கள், உங்கள் பாவங்கள் உங்களுக்கு மன்னிக்கப்பட்டன.

4 இப்பொழுது உங்களுடைய பயணத்தை நீங்கள் தொடருங்கள். சீயோன் தேசத்திலே கூடிச்சேருங்கள்; ஒரு கூட்டத்தை நடத்தி ஒருமித்து சந்தோஷப்படுங்கள், உன்னதத்திலிருப்பவருக்கு ஒரு திருவிருந்தை செலுத்துங்கள்.

5 ஆம், உங்களுக்கு நன்மையாகத் தோன்றுகிறபடி ஒருமித்து அல்லது இருவர் இருவராக, பின்னர் சாட்சியளிக்க நீங்கள் திரும்பலாம், எனக்கு அது ஒரு பொருட்டல்ல. விசுவாசமாகமட்டும் இருங்கள், பூமியின் குடிகளுக்கு அல்லது துன்மார்க்கரின் சபைகளுக்கு மத்தியில் நற்செய்திகளை அறிவியுங்கள்.

6 இதோ, வாக்குத்தத்தம் நிறைவேறவும், உங்களுக்கு மத்தியிலுள்ள விசுவாசிகள் காக்கப்படவும் மிசௌரி தேசத்தில் ஒருமித்து களிகூரவும் கர்த்தராகிய நான் உங்களை ஒன்று கூட்டியிருக்கிறேன். கர்த்தராகிய நான் விசுவாசிகளுக்கு வாக்களிக்கிறேன், பொய் சொல்லமுடியாது.

7 கர்த்தராகிய நான் சித்தமாயிருக்கிறேன், உங்களுக்கு மத்தியிலே யாராவது குதிரைகள்மேல், அல்லது கழுதைகள்மேல் அல்லது ரதங்களில் சவாரி செய்ய விரும்பினால், சகல காரியங்களிலும் ஒரு நன்றியுள்ள இருதயத்துடன், கர்த்தரின் கரங்களிலிருந்து அதை அவன் பெற்றால், இந்த ஆசீர்வாதங்களை அவன் பெறுவான்.

8 நியாயமாய்த் தோன்றுகிறபடியும் ஆவியின் வழிகாட்டுதல்களின்படியும் செய்யப்பட இந்தக் காரியங்கள் உங்களோடு நிலைத்திருக்கும்.

9 இதோ, ராஜ்யம் உங்களுடையது. இதோ, எப்பொழுதும் நான் விசுவாசிகளுடனேயே இருக்கிறேன். அப்படியே ஆகக்கடவது. ஆமென்.