“வெள்ளையனாகிலும், கருப்பனாகிலும் அடிமையாகிலும், சுதந்திரவாளியாகிலும், ஆணாகிலும், பெண்ணாகிலும் தேவனுக்கு யாவரும் சமமானவர்களே” (2நேபி 26:33) என மார்மன் புஸ்தகம் போதிக்கிறது. சபை வரலாறு முழுவதிலும் அந்த தேசங்களிலுள்ள சகல இனம் மற்றும் கலாச்சார ஜனங்கள் ஞானஸ்நானம் பெற்று சபையின் உண்மையுள்ள அங்கத்தினர்களாக வாழ்ந்திருக்கிறார்கள். ஜோசப் ஸ்மித்தின் வாழ்நாளில் சபையின் ஒரு சில கறுப்பு ஆண் அங்கத்தினர்கள் ஆசாரியத்துவத்திற்கு நியமிக்கபக்கப்பட்டார்கள். அந்த ஆரம்ப வரலாற்றில் ஆப்ரிக்க வம்சத்திலிருந்து வந்த கறுப்பு ஆண்களுக்கு ஆசாரியத்துவத்தை அருளுதலை சபைத் தலைவர்கள் நிறுத்தி வைத்திருந்தனர். இந்த பழக்கத்தின் ஆரம்பத்தைப்பற்றி சபை பதிவுகள் எந்த தெளிவான குறிப்புகளையும் கொடுக்கவில்லை. இந்த பழக்கத்தை மாற்ற ஒரு வெளிப்படுத்தல் அவசியமென சபைத் தலைவர்கள் நம்பி வழிகாட்டுதலுக்காக ஜெபத்தில் நாடினார்கள். சபைத் தலைவர் ஸ்பென்சர் டபுள்யு. கிம்பலுக்கு வெளிப்படுத்தல் வந்து ஜூன் 1, 1978ல் சால்ட் லேக் ஆலயத்தில் பிற சபைத் தலைவர்களுக்கு அது உறுதி செய்யப்பட்டது. ஒருசமயம் ஆசாரியத்துவத்திற்கு தொடர்புடைய இனம் சம்பந்தப்பட்ட எல்லா தடைகளையும் வெளிப்படுத்தல் நீக்கியது.