ການລາຍງານຂອງພະແນກກວດສອບບັນຊີຂອງສາດສະໜາຈັກ, ປີ 2013
ຮຽນ ຝ່າຍປະທານສູງສຸດຂອງສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ
ຮຽນ ເຈົ້າໜ້າທີ່ຊັ້ນຜູ້ໃຫຍ່: ດັ່ງທີ່ໄດ້ອະທິບາຍໄວ້ໂດຍການເປີດເຜີຍໃນພາກທີ 120 ຂອງ Doctrine and Covenants, ສະພາຈັດການເລື່ອງເງິນສ່ວນສິບ ຊຶ່ງປະກອບດ້ວຍຝ່າຍປະທານສູງສຸດ, ສະພາອັກຄະສາວົກສິບສອງ, ແລະ ຝ່າຍອະທິການຄວບຄຸມ ມີອຳນາດໃນການໃຊ້ຈ່າຍເງິນທຶນຂອງສາດສະໜາຈັກ. ພະແນກຕ່າງໆຂອງສາດສະໜາຈັກຈະໃຊ້ຈ່າຍເງິນທຶນຕາມທີ່ອະນຸມັດ, ຕາມນະໂຍບາຍ ແລະ ຕາມລະບຽບ.
ພະແນກກວດສອບບັນຊີ ຊຶ່ງຮ່ວມດ້ວຍເຈົ້າໜ້າທີ່ອື່ນໆລະດັບມືອາຊີບ ແລະ ເປັນໜ່ວຍທີ່ທຳງານຢ່າງອິດສະລະ ໂດຍບໍ່ຂຶ້ນຢູ່ກັບພະແນກ ຫລື ໜ່ວຍງານໃດໆຂອງສາດສະໜາຈັກ, ມີໜ້າທີ່ຮັບຜິດຊອບທີ່ຈະກວດສອບເພື່ອໃຫ້ແນ່ໃຈກ່ຽວກັບລາຍໄດ້, ລາຍຈ່າຍເງິນບໍລິຈາກ, ແລະ ການປົກປ້ອງດູແລຊັບສິນຂອງສາດສະໜາຈັກ.
ຕາມການດຳເນີນງານການກວດສອບ, ພະແນກກວດສອບບັນຊີລົງຄວາມເຫັນວ່າ ລາຍໄດ້, ລາຍຈ່າຍເງິນບໍລິຈາກທີ່ໄດ້ຮັບ, ແລະ ການໃຊ້ຊັບສິນຂອງສາດສະໜາຈັກ ລະຫວ່າງປີ 2013 ໄດ້ຮັບການຈັດການ ແລະ ບັນທຶກຕາມລະບົບບັນຊີ ທີ່ໄດ້ຮັບອະນຸມັດ, ຕາມນະໂຍບາຍ, ແລະ ຕາມລະບຽບຂອງການປະຕິບັດບັນຊີ. ສາດສະໜາຈັກເຮັດຕາມການປະຕິບັດທີ່ສອນສະມາຊິກຂອງສາດສະໜາຈັກວ່າໃຫ້ດຳລົງຊີວິດຢູ່ໃນຂອບເຂດ, ຫລີກເວັ້ນໜີ້ສິນ, ແລະ ອອມສິນໄວ້ສຳລັບໃນຍາມທີ່ຂັດສົນ.
ດ້ວຍຄວາມນັບຖືເປັນຢ່າງສູງ,
ພະແນກກວດສອບບັນຊີຂອງສາດສະໜາຈັກ
ແຄວິນ ອາ ເຈີເຈັນເຊິນ
ຫົວໜ້າຜູ້ຈັດການ