Sang ni Pepehm en Ehupene Kitail kin Alehdi Manaman rehn Koht
Ni atail pahn rapahki pepehm en ehupene, kitail kak wahdo manaman en Koht pwehn wiahda atail doadoahk en unsekla.
En Gordon nohno indahng ma e pahn kanekehla ah doadoahk kan, e pahn wiahda kene pahi. Me e kin keieu ioukio. Ongete ih. Gordon eri tapiadahr ah doadoahk kan, oh ah nohno tapiada wiahda pahi o. Rie serepein laud Kathy leledo ni ihmwarail o iangahki ienge men. E kilangada pahi o ih edek ma ih oh iengehu kak iang kang ekis.
Gordon inda, “Soh,” “kenei pahi men. Nohno wiahda kenei kelehpw, oh ih anahne doadoahk pwe ien alehdi.”
Kathy mwehlehng rie kisin pwutako. E inenen lehk oh weid. Ia mwomwen ah pahn kanangki koaros kelehpw?
Mwurin awa kei mwuri ansou me Kathy ritingada wenihmw en sidohsa pwe en wahla iengehu, e kilangada pahi laud riau nan sehro. Kathy kosoiahda soai pwoatet ni an Gordon ah mehla pwe en kasalehda ia mwomwen ah kin men wekila oh kasalehda kadek ong irail akan me ekei pak sohte konehng ale.
Nan pahr 1842, Souleng kan inenen dodohk laud pwe en kawada Tehnpas Sarawi en Nauvoo. Mwurin kokoudahn Pwihn en Lih nan Mahs, Soukohp Joseph kin kalapw patehng arail tuhpene kan pwe en kounop irail ong inou sarawi kan me re pahn wiahda mwuhr nan tehnpas sarawi.
Nan Suhn 9, Soukohp “masanih me e pahn padahki duwen mahk[.] Ia duwen ma Sises Krais oh tohnleng kan kalapw mwehlda pahtail pwehki sin mehkot mwahl kan? Kitail anahne kin mahk oh kanengamahieng soahng tikitik kan.” Presiden Smith doulahte, “E kansensued ih ie ma sohte ehupene ni mehlel—ma emen souleng pahn mih nan kahpwal koaros pahn pil koahn—sang ni ehupenehn pepehm kitail kin alehdi manaman en Koht.” 1
Lepin koasoai wet sairie. Sang ni ehupenehn pepehm kitail kin alehdi manamane rehn Koht. Sampah wet kaidehn ih me ih mwahuki en met. Sampah wet udahn apwal. Soahng tohto me ih men kamwakid oh kamwahuila. Ahpw mehlel, pil miehte kaupe ong dahme ih kopworopworki kan, oh ekei pak I kin daidala. I kin kalelapak rehn pein ngehi: Ia mwomwen ai pahn kak wewehkila mehn impei kan? Ia mwomwen ai pahn wiahda “ehupenehn pepehm” ni koaros ar wekipeseng? Songen manaman en Koht da mei pahn kak ale ma I ehuieng mehteikan? Sang dahme I diarehr, I men kihda ire siluh. Mwein re pahn kak pil sewese kumwail.
Ahneki Mahk
Nan Jacob 2:17 kosoia, “Kumwail medewe riamwail akan duwehte pein kumwail oh eseiraila koaros oh mweidehng irail amwail dipwisou kan pwe irail en kak kepwehpwehla duwehte kumwail.” Kitail welianda dipwisouohngmahk—saledek iangahki ahmwmahk pwe irail en kak duwei kumwailla.
Ele kitail kin medewe me dipwisou wehwehki mwenge de mwohni, ahpw mwein me kitail keieu anahne nan atail mour iei mahk.
Ai Kaun en Pwihn en Lih kosoia: “ih … inoukihong … kumwail me I pahn kolokol edamwail kan mwahu. … I pahn kilang ni mwomwen kowe oh ia mwomwen kowe ni mwahu. … I sohte pahn kosoia mehkot sakanakan me pid kumwail, me sohte pahn sawas. I pil peki kumwail en pil wia soahngohte ongie pwe udahn I kahng, kansensuwedih kumwailla.”
Joseph Smith kosoiahieng rie lih soulengko rahn ehu nan Suhn pahr 1842:
“Ansou me aramas emen kin kasalehda kisin wiewia mwahu ieu oh limpoak ong ie, udahn e kin sairie laud. …
“… Ansou me kitail kin kerenlahng Samatail nanleng, atail limpoak ohng irail me luwet kan kin lalaudla—kitail kin men wahda arail katoutou kan, oh pwilikihdi diparail kan mwuri. [Ai padahk dokedoke] koarusie—ma ke mwahuki Koht en mahkehnguhk, eri mahkehng mehteikan. 2
Met e wia peneu keneinei ehu ong Pwihn en Lih. Kitail dehr kadeik emen emen de mweidehng atail koasoai en kamedek. Kitail kolokol eden emen emen ni keneinei oh kihwei kisakis en mahk. 3
Wiahda weremw pwohten enMarahra
Nan 1936, mie pwihn en sei ehu sang University en Washington seilokla Sehmen pwe ren iang towehda Mwadong en Olympic. E wiawi nan ansou en Great Depression. Irail paisuwed eri arail kousapwo sawas iang kihpene pweinarail pwe irail en kak seiloakla Berlin. Koaros me pahn iang mwadong o uhwong irail, ahpw mehkot wiawi nan mwadong o. Nan pelien mwadong en sei, re kin kahdaneki “marahra.” Rong kawehwepe nan pwuhkThe Boys in the Boat
Mie mehkot me ekei pak kin wiawi me kin inenen apwal en alehdi oh apwal en kawewehda. E kahdaneki “marahra.” E kin wiawi ansou me tohn wahro koaros kin wiahkintehiu wie seisei kohwei rasehngete arail wiahla ehu ni mwekid koaros.
Soun seisei koaros pahn wiahla ehu oh ni ansouohte doadoahngki pein arail koahiek. Soun sei kan sohte duwepenehte. Irail kin kehlki en emen emen arail koahiek kan—emen kin katanga irail, emen kin soun kolkol, emen kin peiki pei o, oh emen pahn kin soun kameleilei. Sohte emen soun sei kesempwal sang emen, koaros kesempwal ong pwohto, ahpw ma irail pahn sei mwahupene, emen emen anahne ehukipene ah dodohk ong emen emen—me peh-mwotomwot o pahn song en alehdi me peh reirei o, me peh-reirei o pahn waikodo ekis.
Wekipeseng kak wiahla kamwahupe oh kaidehn kasuedpe. Mwohkinte me ke pahn kak kehn pwohto ah wie mwekimwekid ki pein ih. Ihte mwo pahn karehda medek pwon ah pahn uhd kansenamwahu. Kamwahu pen “marahra” kin kaperen. 4
Mendahte eh inenen apwal, pwihn wet diarada wiepen arail pahn sei inen kohwei oh lau irail kana. Kohl en Olympic o inenen kaperen mehlel, ahpw ehupene me irail kehn rahno me inenen sarawi oh re kolokol erein arail mour.
Kamwakelehda Sohng kan me Sued duwehte Mwadang en Mwahu ah Pahn Keirda
Nan soai kaselel me mih nanJacob 5, Soumas en mwetuwelo padokedi tuhke mwahu kei nan pwehl mwahu, ahpw e tapiada sakanakanla mwurin ansou kis oh kihda wah me sakanakan. Soumas en mwetuwelo kosoia pak waluh: “E inenen kansensued ih ie [ien] kesehla tuhke wet.”
Ladu o kosoiaiong Soumas en mwetuwelo: “Mweidohng [tuhkeht] ekis ansou. Soumas o masanih: Ehi, I pahn mweidohng ekis ansou en.” 5
Eri e kodohng kitail kaweid kan me pahn dodohk ong kitail koaros en song weirada oh diarada wahn tuhke mwahu kan nan pein atail mwetuwel kan: “E pahn kamwakelehsang me suwed akan nin duwen me mwahu kan kin keirda.” 6
Ehupene sohte kin pein pwarada; ke pahn anahne koadohke. E kin inenen ping, ekei pak soansued, e kin wiawi te ansou me kitail kin song en kamwakelehsang me suwed kan pwe me mwahu en kin pweida.
Kitail sohte kelehpw nan atail dodohk en ehupene. Jacob 5 doulahte kosoia, “Ladu ko eri kohla oh tepda dodohk sang arail kehl koaros; oh Soumas en mwetuwelo pil iang irail dodohk.” 7
Emen emen kitail pahn alehdi kahpwal laud, mehkot me sohte konehng wiawi. Ekei pak kitail kin mweidong pohnmwahso oh suwed en kawehla wahn tuhke mwahu me kitail kin weuwa. Ahpw Sises Krais me wia atail Sounkomour. Sapwelime manaman kak sewese koaros oh pahn sewesei kitail ansou koaros me kitail kin peki Reh. Kitail koaros kin peki mahk ong dipatail kan oh atail luwet akan. E kin ketikihdo ni soh isais. Oh E peki rehtail kitail en wia ni sohngohte ong emen emen.
Sises Mahsani ni sansal: “ehupene; oh ma kumwail sohte ehupene eri kaidehn nei aramas kumwail.” 8 Ahpw ma kitail ehupene kitail kak ehukiwei ekis kenetail sin pahi de atail koahiok kan pwe weretail pwohto en kak dahrewei ni mwahu—eri kitail wia Sapwellime. Oh e pahn sewesei kitail oh kihsang sohng suwed akan pwe me mwahu akan en kak pweida.
Inou kan en Kokohp
Kitail mwein saik lel wasa me kitail mwahuki lel ie. I kamehlele wekidek me kitail kin rapahki rehtail oh nan pwihn kan me kitail kin iang sohte pahn kohsang mehkot laud, ahpw sang ni wiewia mwahu en rahn koaros pwehn papah meteikan. Pwehda? Pwehki kitail kaukauwada Saion—pwihn en aramas ekei “me ahneki mongiong ehu oh madamadau ehu.” 9
Kitail wia mehn kahlmang kei. Pwukoah wet kin sansal sang kemwekid tikitik kan en rahn koaros. Kitail ahneki manaman en kihsang kahpwal akan oh kin ehupene.
Pwihn en Lih oh Peinakapw kan sohte wiawihte nan ihmw sarawi. E kak wia mehkot kopwuriamwei ansou lih wekpeseng kan arail pahn ehupene oh doadoahkpene lau irail pweida. Ih kihwei luhk wet: en wia kisehn pwihn ehu me pahn wekidala sampah ong me mwahu. Atail dodohk en inou soutuk wet iei en papah, en sewesehda irail akan me luwetalahr. E sohte apwal en ese dahme kitail anahen wia, ahpw e kin ekei pak kin uhwongada pein atail kahngohdi kan ahpw kitail anahne song. Lih en Mwomwodiso wet ahneki pwukoah laud ehu en wekidala wasa kan. Ih ahneki pepehm kehlail ehu me, ni atail pahn rapahki pepehm en ehupene, kitail kak likwerihdo manaman en Koht pwe en kak wiahda atail doadoahk en unsekla.
Ansou me Mwomwodiso kawawih kaudiahl en prihstuhd nan 1978, President Russell M. Nelson kihwei kapai en kokohp manaman ehu: “E wia ai kapakap oh kapai me ih pahn kihdi pohn koaros me rongorong me kitail pahn kalowehdi katoutou en kahpwal akan oh ehuieng Koht— oh emen emen—nan meleilei kaselel oh onepek mwahu.” 10
Kitail en medemedewe kokohp en kapai oh dodongki pein atail kehl oh kihpene sohng koaros me mwahu pwe en kalaudehla ehupene nan sampah. I kihdi ai kadehde ni mahsen en atail Kaun Sises Krais ah ketin loulou, ni karakarahk: “Pwe koaros en wia ehu; me duwehte, Sahm, kin ketket rehi, oh Ngehi kin mihmi reh, pwe ren kak ehuieng kiht.” 11 Ni mwaren Sises Krais, amen.