Kamwahula sang ni Manaman en Sises Krais
Ni atail alehda Sises Krais sang ni atail dodongki atail pwoson Ih, koaluhla, oh wiewiahda oh kolokol te inou kan, atail ohla kan,—dahme karehda—kak mwahula.
Sang ni toapin pahr wet, kitail lelohng songesongen mwoakid kapwuriamwei tohto me soh koasikpoa. Mehlan aramas oh mwohni sohla itar pwehki sampah ah mihla nan soumwahu ehu me kipoahdi wasahn kousoan oh pai en wehin sampa.
Rerrer en sahpw, kisiniei, oh lapake kan nan wasa koai nan sampah, pil iangahki wasa tohto me lelohng nan kahpwal akan, me oaloahiong sohla kopworopwor rehn aramas akan, oh insensuedla mehlel, medmedewe ma arail mour pahn duduwehte de soh.
Mweidohng ioa ien kosoiahda pein ahi soai ehu me pidada duwen luwetala.
Ansou me nait serihko tikitik, irail medewehda me re men iang ale koasukuhl en piano. Ai pwoud, Rudy, oh ngoahi men kapwaiong nait serihko anahn wet, ahpw sohtoa nait piano. Se sohtoa kak pwainda piano me kapw, eri Rudy toapida rapahkiseli ehu me sohtoa kapw.
Nan pahr o ansoun Krismes, eh kapwuriamwei ih kin kiht piano ehu, oh nan pahr en mwuhri ko, nait serihko kasukuhl ki duwen koasoangki piano.
Ansou me nait pwutangko koairda oh kokohlasang ni imwato, pianohu pwelipar la eri kiht noatikihla. Mwurin pahr koai dou powe, kiht eri nekidala woahn mwohni ehu. Ehu rahn o Rudy kosoia, “I medewe me iei ih ansou me kita anahne alehda ehu piano me kapw.”
Ih kalelapak ki, “Dahme kita pahn alehdaki ehu piano, ni ata koaros sohtoa kin dodohngki?
E kosoia, “Oh, ahpw kita kak ale ehu piano me pahn pein kin keseng! Sang ni amw pahn dodongki iPad, ke kak wiaiong pianohu en kesengki koul 4,000, iangahki koul en sarawi kan, koul en Tabernacle Choir , koaros koul en Praimeri kan, oh sohngen koul tohto kan koaros.”
Rudy wia emen soun netiki mehkot mwahu men.
Se alehda piano kaselel ehu, oh mwurin rahn okoai, ohl riemen, me inenen kehlail ahpw wahdo ni ihmwato.
Ih kasalehiong ira wasa ih mwahuki ira en koasoanehdi ong ioa ngoahi eri kohsang mwoahra.
E inenen toutou mehlel, eri pwe en kak pidelong nan wenihmw o, ira anahne kihsang nehko oh song en kapangapangih ni koailoan sidohsahu pohn dipwisou me re wahkidou.
Ihmwato mih pohn kisin kumwukumw kis, eri mwohn rahno sinoh mweredi, me elehiong sohng koaros ah wisekesek oh likekiris. Ke kak kilang iawasa e kohkola ioa?
Ni ansou me ira weuwahdala piano powehu, e kiris, oh ngoahi rongada ngilen mehkot laud ieu ah pwopwidi. Piano pwopwidi sang nan poahra ko eri kumwur nan pwehlo me oaloahda ah mioahda lipwoa nan pwehlo likin ihmwo.
Ih kosoia, “Oh, ohtier. Kumwa mwahu?
Kalahngan ki ohl riemen ko koaros mwahu.
Pwoaren mesera ko inenen pwuriamwei la ni ara kiloang pene, oh kiloandong ioa oh kosoia, “Menlau mahk se sapwungala. Se pahn kapwurehla ni sidohwau oh padahkiong aht kauno en eker komwi.”
Mwuri kauno wie koskosoiong Rudy pwe en kak kosonehdi ehu peidaid ong piano kapw ehu. Rudy inenen mwahu oh mahk oh padahkiong ara kauno me Mwahu sohng koaros ma irail kamwahuila toa wasa me ohla ni piano oh kapwurehdo toa pianohu toa, ahpw ara kauno nanantiong se en ale ehu me kapw.
Rusy sapengki, kosoia,“ E sohtoa wia songen sakanakan o. Audahte kamwahuila oh wahdo.”
Kauno kosoia,“Tuhkoau ohla, oh ni ansou me tuhkoau pahn kin ohla ngihlehu pil kin wekila. Ke pahn udahn ale ehu piano kapw.“
Rioai peinakapw oh mwanakapw ko, kitail sou duwehtoa pianou, me ekis mwerpeseng, pwal, oh ohla, ahneki pepehm me kitail sohtoa kak duweduwehte? Eri, ni atail kohdo rehn Sises Krais sang ni atail kin dodongki pwoson Ih, koalkoaluhla, oh wiewia te oh kolokol inou kan, atail ohla kan—sohte lipilipil dahme kahreda—kak mwahula. Mwekid wet, me kin luhkedo sapwelimen Soundor manaman en kamwahu o ong nan atail mour kan, e sohte kapwurehiong kitail ong kitail ong ni mour en mahso ahpw e wiahiong kitail en mwahusang mour en mahso I ese me sang rehn Soundor,Sises Krais, kitail kak mwahula, oh unsoakla, oh ngihlamwahula, duwehtoa piano ehu me inenen kapw.
Presiden Russell M. Nelson padahngki: “Ni ansou me kahpwal kamoadoak kan ah kin kodohng kitail, ih ansou me kitail en kalaudehla atail pwoson rehn Koht, pw e kitail en doadoahk laud, oh papah meteikan. Oh E pahn ketin kamwahuiala atail mohngiong ohla kan. E pahn koatikiong kitail pein atail meleilei oh kansenamwahu. Kisakis kaselel pwuko sohtoa kak ohla, pil iangahki mehla.”1
Sises masanih:
“Kumwail kohdo rehi, kumwail koaros me pwangadahr oh toutoukilahr amwail mehn wisik kan, I ahpw pahn kommoaleikumwailla.
“Kumwail ale oh kapaikada ei mehn wisiket, oh kumwail padahngki sang ie, pwe I me opampap oh nan kapehd karakarahk: kumwail ahpw pahn diar kommoalpen ngenomwail kan.
“Pwe mehn wisik me I pahn kihong kumwail me mengei, oh audepe kan me marahra.”(Madiu 11:28–30).
En kamwahuila ohla sang ni atail pahn kohdo Reh, kitail anahne ahneki pwoson rehn Sises Krais. “Ahneki pwoson rehn Sises Krais wewehki kitail en pohnese Ih ni unsoak—koapworopworki sapwelime manaman unsek … oh limpok. E pil patehng ete sapwelime padahk kan. E wewehki me mendahte ma kitail sohte wewehki sohng koaros, E ketin wiewia. Pwehki Ah mwahngiher atail medek kan, sohng kan me kin karehda atail medek la, oh atail luwet en palingehn oh paliwar akan. E mwangih ia mwomwen ah pahn sewese kitail en kesihnenda pohn atail kahpwal akan nan rahn koaros.”2
Ni atail kohdo Reh, “kitail kak audaudkihda peren, meleilei, oh nsenamwahu. Mehkoaros me [apwal oh kasongosong] duwen mour kak kapwungpwungla sang ni Tomwpen Sises Krais.”3 E kaweid kitail ehr, “Rapahkin ioa ni madmadau koaros; dehr peikasal, dehr masak”Doctrine and Covenants 6:36).
Nan Pwuhk en Mormon ansou me Alma oh nah aramas kan kereniong pwopwidihki katoutou kan me kohiong irail, aramas akan poakipoaki irail en kak maiaudasang loale. Kauno sohte ketkihsang arail katoutou kan; ahpw E wiaiong irail inou ehu:
“Oh I pahn pil kihsang katoutou kan me kataur kumwailahr, me kumwail pahn sohte kak pehm wesik toutou pwukat, pil ni ansou me kumwail mih nan katoutou, oh I pahn wia met pwe kumwail en wiahla soun kadede kei, oh kumwail en ese ni mehlel me Ngehi, Kauno Koht, kin ketin pwarek nei aramas akan nan arail kahpwal akan.
“Oh e wiawiher me kotoutou kan me kohiengehr pohn Alma oh rie ko mararadahr; ehi, Kauno ketin kakehlailihrailda pwe irail en kak pitsang arail katoutou kan, oh irail perendahr kouwahlap oh wiadahr soahng koaros me Kauno kupwurki”(Mosiah 24:14–15).
Sang ni en Sounkomouro doadoahk en kamwahuila oh kamararahda katoutou kan Elder Tad R. Callister padahngki me:
“Ehu kisehn kapai kan en Tomwo iei kitail kak alehdi sapwelimen Sounkomouro manaman en sawas akan. Aiseia kapwkapwureiong oh koskosoia sapwelimen Sounkomouro mehn kamwahuilahu, oh mehn kameleilei ih di wasa. E kadehdeki me Sounkomouro me ‘ wia kelepatail ansou me kitail anahne, dorepatail sang ni melimel, oh perepatail sang karakar ’ (Aiseia 25:4). Ong koaros me kin insensued, Aiseia kosoia me Sounkomouro sapwellimaneki manaman en ‘kansenamwahuila koaros me kin insensued’ Aiseia 61:2, oh ‘limwihasang pilen mas akan sang pohn mahs koaros’ Aiseia 25:8pil tehk Kaudial 7:17; kamaurada ngehn en me karakarahk’ Aiseia 57:15; oh ‘kamwahuwiala mohngiong ohla kan’ (Aiseia 61:1; pil tehk Luk 4:18; Melkahka kan 147:3). Inenen tehlap sapwelime manaman en sawas me e kak weliankihdi ‘lingan ong poahs, lehn popohl ong mwahiei, kapwat en kaping ong ngehn en toutou’ (Aiseia 61:3).
“Oh, ia wen koapwoaroapwoar eh kin laudkihla inou ko! … Sapwellime ngehn kin kamwahuihla; kalaudehla; e kin kansenamwahu ihla; oh e kin esingek ki mour kapw ong mongiong me luwetalahr akan. E ahneki manaman en wekidala sohng koaros me sohtoa mwahu oh sakanakan oh sohtoa katepe nan mour wet ong mehkot me laud oh inenen lingan laud. E ahneki manaman en wekidala poahs en mour wet ong lingan en mour kokohdo.”4
I kadehde me Sises Krais iei atail Soundor limpok, Sounkomour, Kaunen Kamwahu, oh kempoakepatail leloapoak men. Ma kitail alehda ih, E pahn ketin kamwahu ih kitaila oh kiong kitail en unsoakla. I kadehde me Sapwellime Mwomwohdiso met oh E koukounop en pwuroahng sapahldo pwe en kaunkihda ki manaman oh lingan. Ni mwaren Sises Krais, amen.