Ndaha’éi pe múndo ome’ẽháicha
Umi tembipuru ñaikotevẽva jajapo hag̃ua peteĩ ára omimbivéva ha ñamongakuaa peteĩ py’aporã añete oĩ hetaiterei Jesucristo evangelio-pe.
Upe Páskua ypy guie, Jesús ombopaháramoguare upe ordenanza sacramental ome’ẽva’ekue umi Doce-pe, oñepyrũ upe Idespedida discurso tuichaite ha oguata Getsemaní, traisiõ ha ñemongurusu gotyo. Ha katu, oñandúvo jepy’apy ha ikatu avei kyhyje vai tuicha oiméneva ohechauka, umi kuimba’e, Jesús he’i chupekuéra (ha ñandéve
“Ani ojepy’apy pene korasõ: he’i, peguerovia Tupãme, pecherovia Chéve avei. …
“Ndapohejamo’ãi konsuelo’ỹre: ajúta penerendápe. …
“Py’aguapy aheja peẽme, che py’aguapy ame’ẽ peẽme; che name’ẽi pe múndo ome’ẽháicha. Upévare anítei pene korasõ oñemondýi ni peneangekói.”1
Oúta ára oporombohováiva ko múndo mortal-pe, uvei umi ijeroviarekóvape, ha katu Cristo mensáhe oporombopy’aguapýva Ha’e, pe cordero pascual, ohotaha “ovecháicha umi [i] trasquilador renondépe,”2ha upéi opu’ã jeýta oiko hag̃ua, pe salmista he’i haguéicha, “ñande refugio ha mbarete, [ñane] pytyvõ pya’e umi [jahasa’asy ára jave.”3
Jaikuaávo umi hora hasyetéva oha’arõva Cristo-pe oho aja kurusu gotyo ha Idiscípulokuéra orahataha Iñevanhélio múndore tiempo meridiano-pe, pechemoirũmi peteĩ mensáhe oñerrelasionávare Salvado Tupao miembro-kuérape g̃uarã ko’ã ára pahápe. Oĩ umi hetaite ha hechapyrãva Mormón Kuatiañe’ẽ versikulokuérape oñe’ẽva jeikovai opaichaguáre, upe akóinteva Lamán ha Lemuel ñemboheko vai guie umi ñorairõ paha peve oikehápe cientos de miles soldado-kuéra. Peteĩva mba’ére oñe’ẽte umi ñorairõre ha’e, pe Mormón Kuatiañe’ẽ jehai peteĩ arapahapegua audiencia-pe g̃uarã, ko’ã ohaíva (hetave voi militar) ñandeadverti proféticamente upe violencia ha conflicto ha’etaha peteĩ característica ojehechátava umi relacion apytépe ára pahápe.
Jahechaháicha, che teoría arapahapegua jeikovaíre ndaha’éi oñehendu’ỹva. Haimete 2000 año ojapo, Salvador oadverti arapahápe oĩtaha “ñorairõ ha ñorairõ rerakuã,” 4upéi he’i pe “py’aguapy [oje]pe’ataha yvy árigui, ha pe aña [orekotaha] pu’aka idominioite ári.”5 Salvador, Príncipe de Paz, upe ombo’e mbaretéva ñorairõ aña mba’eha,6hasẽva’erã Itúva Divino-ndi umi familia humana apytépe oĩrõ “ojehayhu’ỹva”, ha ndaikatúiva oiko oñondive mborayhúpe.7
Hermano ha hermana-kuéra, jahecha hetaiterei ñorairõ, jeikovai ha descortesía general ñande jerére. Po’arã niko, generación ko’ag̃agua ndorekói peteĩ Tercera Guerra Mundial oñorairõ hag̃ua, ni ndajahasái peteĩ crisis económica global 1929-ichagua ogueraháva peteĩ Gran Depresión-pe. Ha katu ñambohovaihína peteĩ Tercera Guerra Mundial-chagua ndaha’éiva peteĩ lúcha ñapyrũ hag̃ua ñanderayhu’ỹhakuérape, sino peteĩ conscripción omandáva Tupã ra’ykuérape tojepy’apyve ojuehe ha toipytyvõ omonguera hag̃ua umi ai jajuhúva peteĩ múndo oĩva conflicto-pe. Pe Depresión Guasu ñambohovakéva ko’ág̃a oreko’ỹve umi ñande ahorro ñehundígui oka gotyo ha orekove umi jerovia ñande jehe okañýva, fe défisi añetére, esperanza ha karida ñande jerére. Ha katu umi tembipuru ñaikotevẽva jajapo hagua peteĩ ára omimbivéva ha ñamongakuaa peteĩ py’aporã añete rehegua sosiedápe oĩ hetaiterei Jesucristo evangelio-pe. Ndaikatúi ñañepermiti, ha ko múndondaikatúi oñepermiti: ñande kapasida’ỹ jajapo hag̃ua umi Evanhélio concepto ha opa umi konvénio oporomombaretepáva personal ha públicamente.
Upéicha, peteĩ múndo “ojetyvyróva ára vaíre, ha oñekonsola’ỹvape”, Jehová he’i haguéicha ojehutaha, mba’éicha ikatúta jajuhu pe Ha’e ohenóiva “py’aguapy pacto”? Jajuhu jajerévo Upe he’ívape orekotaha misericordia ñanderehe ha “py’aporã ijapyra’ỹva reheve” ome’ẽtaha py’aguapy ñande ra’ykuérape.8 Upéicha, ambue umi profecía vaiete ha escritura-kuéra ñandepy’apýva he’íva py’aguapy ojepe’apátaha yvy árigui, profetakuéra, oikehápe ñande jahayhuetéva Russell M. Nelson, ñanembo’ékuri nde’séi ojepe’ataha peteĩteĩgui.9 Upéicha, ko Páskuape ñañeha’ã ñamoĩ py’aguapy personal-háicha ñamomba’apóvo gracia ha Ñandejára Jesucristo expiasiõ bálsamo oporomongueráva ñandejehe, ñane familiar ha umi jahupytývare. Po’arã, uvei ñemondyirã, ko bálsamo oporokalmáva oĩ disponible ñandéve g̃uarã “pirapire’ỹ ha hepy’ỹre”.
Upe pytyvõ ha esperanza oñekotevẽterei ko congregación mundial-pe ko ára oĩgui heta olucháva hina heta desafío: físico térã emocional, social térã financiero, térã peteĩ docena ambueichagua problema reheve. Ha katu heta ko’ãva ñandendaha’éiñanembaretetereíva jajapyhy hag̃ua ñaneaño, upe py’aguapy ñaikotevẽva ndaha’éi pe “múndo ome’ẽva.”11 Nahániri, upéva jajapo hag̃ua ñaikotevẽ Escritura-kuéra ohenóivare “lyvága pokatu,”ha jaike hag̃ua umi pokatúpe jaikova’erã umi escritura ohenóivape “justicia principio-kuéra.”12 Upéva ha’epeteĩmbo’epy familia humana araka’eve ha’etévaicha ndoikuaaiha, péicha he’i Tupã yvága ha yvy arigua.13
Ha máva umi principio? Néi, ojeipapa jeyjey ñande libro sagrado-pe, oñembo’e jeyjey conferencia koichaguápe, ha ñane dispensación-pe, oñembo’e proféta José Smith-pe ombohováivoiversión upe clamor-re. “Che Tupã, che Tupã, mba’ére piko chereja cheañóra’e?14 Pe Liberty cárcel confinamiento ro’ysã ha iñindiferente-vape, oñembo’e chupe umi rectitud principio-kuérape oikehápe umi virtu paciencia, py’aporã, marangatu ha mborayhu añete.15 Ko’ã principio’ỹ rehe, segúro sapy’ánte ñambohovaitaha jeikovai ha ñorairõ.
Upe sentidope, pehejami chéve tañe’ẽ sapy’aite ausencia oĩvare sectorekuérape ko’ã principios de justicia-gui ñande árape. Tapia, che peteĩ kuimba’e ovy’a ha iñoptimístava, ha oĩ ningo heta mba’e imarangatu ha iporãitéva ñane múndope. Jareko hetave tovasapy material oimeraẽ generación-gui historia pukukue, ha katu siglo XXI cultura en general-pe ha py’ỹiete tupaópe, jahecha gueteri tekovekuéra iproblémava, umi kompromiso opytáva heta konvénio ha korasõkuéra oñekebrantávape. Pekonsideránte ñe’ẽ tie’ỹ ojoguaitéva transgresión sexual-pe, omyenyhẽva pelíkulakuéra térã televisión, térã pehechakuaa acoso sexual ha ambueichagua mba’eky’a mba’apohápe jaleetéva ko’ág̃a rupi. Upe pacto potĩme , isagrádovo oñemokomún py’ỹiete ha pe isántova oñeprofana py’ỹieterei. Oimeraẽva oñetentávape oguata hag̃ua, oñe’ẽ térã oñemboheko “múndo ome’ẽháicha”, ja’étarõ, ani oha’ãrõ upéva ogueraha chupe peteĩ experiencia ipy’aguapývape; Apromete peẽme Ñandejára rérape ndaupeichamo’ãiha. “Pe ñaña araka’eve ndaha’éi vy’apavẽ”16peteĩ proféta yma he’i peteĩ jey. Opákuévo jeroky, akóinte ojepagava’erã upe flautista-pe, ha pe monéda jepivegua ha’e tesay ha arrepentimiento.17
Térã ikatu jahecha ambueichagua abuso térã dignida’ỹ. Mokõi jeyve ñañangarekova’erã Ñandejára Jesucristo discípulo-kuéraicha ani hag̃ua japarticipa ãichagua komportamiéntope. Mba’evéicharamo nañaiméiva’erã kulpáble oimeháichagua abuso, dominio injusto térã coerción inmoral, ni física, emocional, eclesiástica ni mba’eveichaguávape. Chemandu’a chekautivahague presidente Gordon B. Hinckley kyre’ỹ oñe’ẽramoguare peteĩ jey ko púlpito guie tupaogua kuimba’ekuérape umi “itiránova hogaitépe”:18
Mba’eichaitépa ivai ha ñanembojeguaru upe tembirekóre ñembosarái”, he’i. Oimeraẽ kuimba’e ko tupaópe oñembosaráiva hembirekóre, o’apo’íva chupe, oja’óva, orekóva hi’ári peteĩ dominio joja’ỹ, noĩri digno oreko hag̃ua sacerdocio. … [Ha’e] ndaha’éi digno oreko hag̃ua recomendación templo-pe g̃uarã.”19 Upéicha avei ojehayhu’ỹete, he’i, oimehaichagua mitã abuso, térã oimehaichagua abuso.20
Michĩ ha ojeipota’ỹháicha, kuimba’e, kuña ha avei mitã ijeroviarekóva ikatu kulpáble oñe’ẽ vai hag̃ua, uvei oporohundíva rehegua, umi ikatúvare oĩ selládo peteĩ ordenanza sántare Ñandejára templo-pe. Opavave oreko derécho ojehayhúvo, oñeñandu py’aguapýpe ha ojuhúvo segurida hogapýpe. Peñeha’ãmína pemantene upe ambiente upépe. Promesa oguerúva upe ha’éramo peteĩ oporombopy’aguapýva ha’e peguerotaha Espíritu Santo pene irũ tapiáramo ha umi tovasapy ojehekuavótaha peẽme “medio obligatorio rehe’ỹ” akoiete.21 Avave noitotevẽi peteĩ kũ hãimbéva térã ñe’ẽ vai opurahéi hag̃ua “upe mborayhu redentor purahéi”.22
Ikatu amboty añepyrũ haguépe. Ko’ẽrõ Páskua, peteĩ ára Jesucristo evangelio principio-kuéra ijojáva ha iñexpiasiõ “ohasánte hag̃ua” upe conflicto ha ñorairõ, ohasánte hag̃ua py’aropu ha animo’ỹ ha, amo ipahápe, ohasánte hag̃ua ñemano. Ha’e moménto oñeprometévo opa lealta Tupã Kordérope, upe “ogueraháva] ñane mba’asy ha mba’e’asy”, ha katu “ndoipe’ái ijuru23hovái Ideterminasiõ ombopahávo salvasiõ rembiapo ñande favor-pe.
Umi traisiõ ha mba’asy ramo jepe, umi jejahéi ha pekadokuéra ijatýva opavave familia humana apytépe, Tupã Oikovéva Ra’y ikatúkuri omaña upe mortalida repére, ñanderecha ha he’i: “Che py’aguapy aheja peẽme. Che py’aguapy ame’ẽ peẽme; Che name’ẽi pe múndo ome’ẽháicha. Upévare ani ojepy’apy pene korasõ ni okyhyje.”24 Tapeguereko peteĩ Páskua ivy’apavẽva, hory ha ipy’aguapýva. Pende posibilida jaipapakuaa’ỹva ojepagámakuri pe Príncipe de Paz-re, ahayhúva opa che korasõ reheve, ko tupao jára ha ame’ẽvagui testimonio, Hérape, Ñandejára Jesucristo. Amén.