Obispokuéra—umi Ñandejára Ovecha’aty rerekua
Obispo oreko función principal oservi pastor ramo ha oisãmbyhy generación opu’ãva Jesucristope g̃uarã.
Che hermano-kuéra sacerdocio-gua ahayhúva, peteĩ línea mandu’apyrãvéva himno ojehayhuetéva oporandu, “¿Mitãrusukuéra Sión-gua piko ikangýta?”1 Che py’aite guive ha’e ambohovái hatãvo ko ñeporandu “Nahániri!”
Amoañete hag̃ua ko’ã mba’e, che atestifika ñaipytyvõramo ko generasiõ opu’ãvape ko ára ijetu’úva ha oĩháme tentación ijojaha’ỹva túicha responsabilida Túva Yvagagua ome’ẽva túva ha obispadokuérape.2 Pehejami chéve tahechauka upe obispado importancia peteĩ che experiencia personal rupive.
Che ha’éramoguare diákono, che familia ova peteĩ óga pyahúpe ambue barrio-pe. Añepyrũ’aína escuela secundaria, ha upéicha añepyrũ peteĩ mbo’ehao pyahúpe. Oĩkuri peteĩ diákono quórum aty porã. Heta ituvakuéra ha’éva miembro activo. Che sy ha’éva activa-ite; che ru hempiapo porã ramojepe ndaha’éiva miembro activo.
Segundo consejero obispadopegua,3 Hermano Dean Eyre, ha’eva’ekue peteĩ líder ojededikáva. Che ajepokuaa aja ore barrio pyahúpe, oñeanunsia peteĩ evénto túva ha ta’ýrape g̃uarã Bear Lake-pe—65 km rupi opytáva. Che naimo’ãi aháne hag̃ua che ru’ỹre. Ha katu Hermano Eyre ojapo chéve peteĩ invitación especial aha hag̃ua hendive. Oñe’ẽ porã ha respetuosamente che ru rehe ha omombe’u chéve mba’épa he’ise pe oportunida aparticipa hag̃ua ambue miembro-kuéra diakono quórum-guándi. Upévare, adecidi aha Hermano Eyre-ndi, ha ahasa porãiterei.
Hermano Eyre ha’e peteĩ ejemplo porã Cristo mborayhu rehegua ojapóvo upe Obispado responsabilida oapojávo tuvakuéra oipytyvõ hag̃ua imitãvape. Ha’e rupive añepyrũ porã ko barrio pyahúpe ha ha’e avei peteĩ mbo’ehára chéve g̃uarã.
Che aha mboyvemi che misión-pe 1960-pe, Hermano Eyre omano cáncer-gui upérõ oreko 39 áño. Ha’e oheja hembireko ha cinco mitã, imitãvéva 16 áñogui. Ita’yrakuéra tuichavéva, Richard ha Chris Eyre, oasegura chéve pe itúva ndaiporivéima rupi, obispado oipytyvõ ha oñatende hesekuéra ha iñermáno ha hermana imitãvévare Cristo mborayhu rupive, ha upévare che aguyje chupekuéra.
Túvakuéra akóinte orekóta responsabilida ifamiliakuérare.4 Quóru-pegua presidencia avei ome’ẽ pytyvõ esencial oapoja ha ogia quórum miembrokuérape oipytyvõ chupekuéra ojapo hag̃ua hembiaporã ha Sacerdocio Aarónico pu’aka omombyte hag̃ua hekovekuéra.5
Ko árape che propósito ha’e añe’ẽ obispokuéra ha iconseherokuérare, ikatúva oñehenói “Tupã ovecha’aty rerekua” omombaretéva umi ñemoñare opu’ãvape.6 Iñintersánte Apóstol Pedro he’íva Jesucristo ha’eha “ñane angakuéra Pastor ha Obispo.”7
Obispo oreko cinco principal responsabilida oisambyhy hag̃ua peteĩ barrio.
-
Ha’e presidente sumo consejo barrio-pegua.8
-
Ha’e presidente Sacerdocio Aarónico pegua.9
-
Ha’e peteĩ juez común.10
-
Ha’e omotenonde tembiapo salvasiõ ha exaltasiõ rehegua, avei oñatende opavave orekova tekotevẽ rehe.11
-
Ha’e osupervisa registro, finanza, ha mba’éichapa ojeipuru kapílla renda.12
Sumo sacerdote presidente-ramo, Obispo ha’e pe barrio-gua líder espiritual.”13 Ha’e peteĩ “Jesucristo discípulo ijeroviapýva.”14
Avei, “Obispo okoordina barrio-pegua tembiapo salvasiõ ha exaltasiõ rehegua.”15 Obispo oasignava’erã ára ha ára responsabilida oñekomparti hag̃ua evanhélio, omombarete miembro pyahu ha umi oujeyvápe, oministra hag̃ua, ha templo-gua obra historia familiar rehegua quórum de elderes ha sociedad de Socorro presidencia-kuérape.16 Obispo okoordina tembiapo barrio-pegua consejo de barrio ha consejo para la juventud rupive.
Obispo función principal ha’e oservi pastor ramo osãmbyhývo Jesucristo rapére ko generasiõ opu’ãvape, ha’éva jóvenes adultos solteros.17 Presidente Russell M. Nelson omombarete pe función fundamental orekóva obispo ha iconsejero-kuéra. Ha’e ombo’e “opa mba’e mboyve obispo-kuera responsabilida oñatende mitãkuimba’e ha mitãkuñakuérare ibárrio [kuérapegua] raẽvete.”18 Obispado oipytyvõ tuvakuérape toñatende ha tomongakuaa ibarriogua mitãnguéra ha mitãrusukuérape. Obispo ha Mitãkuñakuéra barrio-pegua presidenta oheka consejo oñondive. Oñeha’ã oipytyvõ mitãrusukuérape ojapo hag̃ua umi norma oĩva Fortaleza para la Juventud-pe, omog̃uahẽ hag̃ua ordenanza, ha ojapo ha oñongatu hag̃ua konveniokuéra isagrádova.
Ikatu peñeporandu, “Mba’érepa ojejerure obispado-pe tohasave tiémpo juventukuérandi?” Tupã omopu’ã Itupao ohupyty hag̃ua ko’ã priorida fundamental. Upévare, omopu’ã Itupao orekóvo peteĩ estructura pe Obispo orekohápe mokõi responsabilida. Oreko hikuái responsabilida doctrinal ibarrio entero-pe g̃uara, ha oreko avei responsabilidad quórum presbítero-pe g̃uarã.19
Mitãrusukuéra presbítero ha mitãkuñakuéra orekóva ijeda jojáva oĩhína peteĩ etapa iñimportánteva iñemongakuaápe. Ko etapa mbykymi jave, ha’ekuéra odesidíva orekóta túicha consecuencia hekovekuérape. Umíva ikatúta opermiti chupekuéra oike templo-pe, oservi peteĩ misión,20 oñeha’ã omenda templo-pe, ha oñembosako’i hekove rembiaporãme. Ko’ã decisión, ojejapóvo, oreko consecuencia espiritual ipypykúva opa ára ojeikove aja. Obispo-kuéra, peikuaáva’erã pe mbykymi ára pehasáva peteĩ presbitero térã mitãkuñándi, térã joven adulto ndive peipytyvõ hag̃ua chupekuéra peikuaáta mba’éichapa peipurukuaa upe Jesucrito expiasiõ pu’aka. Ikatu peme’ẽ chupekuéra peteĩ visión orekótava influencia ipypykúva hekovekuérape.
Peteĩ ejemplo iporãve che ahechava’ekue peteĩ Obispo ome’ẽvo peichagua visión juventu-kuérape ha’e Obispo Moa Mahe. Oñehenóiva’ekue primer Obispo Tongano-gua Barrio-pe San Francisco-pe.21 Ha’e ha’e kuri peteĩ inmigrante ouva’ekue Vava’u, Tóngagui. Ibarrio opyta San Francisco, California, aeropuerto ypýpe, ha’e omba’apohápe.22
Ko barrio-pe oiko heta mitãrusu, heta ouva’ekue inmigrante ramo Estados Unido-pe. Obispo Bishop Mahe nombo’éi chupekuéra ñe’ẽ rupi añónte avei ehémplo rupive mba’éichapa oikova’erã Jesucristo discípulo imarangatúva, ha katu oipytyvõ chupekuéra oreko hag̃ua peteĩ visión mba’épa ikatu oiko chuguikuéra oñembosako’i hag̃ua templo, misión, educación, ha mba’apópe g̃uarã. Ha’e oservi aimete ócho áño, ha isuéño ha ipotapy mitãrusukuérape g̃uarã oñemoañete.
Aimete 90 cien-gui mitãrusu quórum Sacerdocio Aaronico-pegua oservi misión. 15 mitãkaria’y ha mitãkuña ha’éva primer miembro ifamilia apytegui ohova’ekue universida-pe.23 Oñerreuni director colegio peguándi (ndaha’éiva ñande jerovia rehegua), ha ha’ekuéra omoñepyrũ amista ha omba’apo mba’éichapa oipytyvõ káda mitãrusúpe ohupyty hag̃ua iméta ha osupera hag̃ua iproblema. Pe director omombe’u chéve Obispo Mahe oipytyvõhague chupe omba’apo hag̃ua inmigrante oiko asývandi. Mitãrusukuéra oikuaa pe obispo ohayhúha chupekuéra.
Oñembyasyete, Obispo Mahe omanoramoguare oservi aja obispo ramo. Araka’eve ndacheresaraichéne pe inspirador ha emocional funeral-gui. Hetaite hénte oho. Pe kórope opurahéi 35 joven oserviva’ekue misión térã ohova’ekue Universidad-pe ha’ekuéra imitãvéramoguare Obispo oservi aja. Peteĩ okomparti mba’eichaitépa mitãrusu ha mitãkaria’ykuéra ohayhu chupe. Ha’e ojapo homenaje obispo Mahe oreko rupi visión ome’ẽva chupe oñembosako’i hag̃ua hekovepe g̃uarã ha oservi hag̃ua mborayhúpe. Opa mba’e ári, Obispo Mahe oipytyvõ chupekuéra omopu’ã hag̃ua ijerovia ha omopyenda hag̃ua hekovekuéra Ñandejára Jesucristo fundación rupive.
Ko’ág̃a, obispokuéra, mamove peservihápe, pende entrevista jave ha ambue peikuaávandi, peẽ ikatu peñemongeta ko’ãichagua visión ha pemopu’ãkuaa jerovia Jesucristo rérape. Peẽ ikatu pemyasãi invitación omoambue hag̃ua heko, oñembosako’i hag̃ua hekovépe g̃uarã, ha pe’inspira chupekuéra toguata hikuái konvénio rapére.
Avei, ikatu peipytyvõ mitãrusukuéra orekóva conflicto ha oñorairõva itúvakuérandi mba’e vyroreívare.24 Mitãrusukuéra oikovaíve jave itúvakuérandi, upe opresidíva iquórum-pe ha ombohováiva eclesiásticamente ha’e avei upe itúvakuéra ojerurévape recomendación templo-pe g̃uarã. Kóva oheja obispo-pe peteĩ tenda único-pe oakonsehakuaahápe mitãrusukuéra ha itúvakuérape upe jeikovai omoñepyrũvo división. Obispo-kuéra ikatu oipytyvõ mokõivévape toma’ẽ hikuái peteĩ perspectiva eterna rupive orresolve hag̃ua problema tuicha térã michĩva . Rorrekomenda obispo-kuérape ani hag̃ua oñeasigna familia oministra hag̃ua upéicha ha’ekuéra ikatúta orekove tiempo ha mbarete oministra hag̃ua mitãrusu ha ifamiliakuérape peichagua situación-pe.25
Aikuaa peteĩ obispo orresolve’akue ñorairõ túva ta’ýrandi, ha oguerúva armonía ógapýpe ha ojeguereko porãvévo compromiso evanhélio-ndi. Pe obispo oipytyvõ tuvakuérape oikuaa hag̃ua pe Jesucristo discípulo ñeha’ã ha’eha iñimportantevéva pe mba’éichapa ha araka’épa oñemopotĩva’erã ogapy peguagui.
Ohasa hag̃ua hetave ára mitãrusukuérandi, toime, oimehápe, taha’e escuela térã activida- hápe, obispado-pe oje’e odelega hag̃ua adulto-kuéra aty ha consejo-kuéra. Obispo-kuéra natekotevẽiramo oakonseha asunto urgente rehegua, rorrekomenda ojedelega hag̃ua consejho ndaha’éiva urgente, asunto noikotevẽiva dignida ikatu oñeasigna miembro-kuéra quórum de elderes terã sociedad de socorro-pe—ikatu presidencia térã hermano ha hermana-kuéra ministrante-pe. Espíritu ogiáta umi líder-kuérape26oiporavo hag̃ua umi miembro ojapokuaátava upe consejo. Umi orresivíva ko konsého asignación ikatúta orresivi revelación. Ko’ã mba’épe, akóinte ojeguerekova’erã estricta confidencialida.
Líder-kuéra ipy’aporãva akóinte ojapo sacrificio umi generacion opu’ãvare. Ko’ápe obispado-pegua oipuru heta ára tupaope oservi jave.
Ko’ág̃a che añe’ẽse directamente mitãrusukuérape ha upe rire obispo-kuérape.
Heta oiméne pende apytépe mitãrusukuéra pende porãitéva ndapeguerekóiva ndapehecha porãiva mávapa eẽ ha mávapepa ikatu peñekonverti. Ha katu pejejuhu umi decisión importante pejapótava pende rekovépe límite rokẽme. Peñemongetami pende ru ha pende Obispo-kuérandi peiporavótavare pende renonderãme. Peheja obispo taha’e pene amígo ha consejero.
Ore roikuaa outaha opáguio prueba ha tentación pende ári. Enterove ñaikotevẽ ñañe’arrepenti ára ha ára, Presidente Nelson haguéicha. Peñemongetami pende obispo-ndi umi mba’e ikatúva como juez común penepytyvõ pemohenda porã hag̃ua pende rekove Ñandejárandi peñemosako’i ko “tembiapo túicha” Ha’e oguerekóva peĕme g̃uarã ko dispensación pahápe.27 Presidente Nelson ojerure haguéicha peẽme, péime calificado pejetopa hag̃ua Tupã mitãrusukuéra batallón apytépe !28
Ko’áĝa añe’ĕta peĕme preciado obispo-kuéra líder ha tupaogua miembrokuéra rérape. Ore rome’ĕ ore aguyje peĕme. Umi ahúste ojejapova’ekue año ohasa ramovápe, obispo pejehayhuetéva, roipota peikuaa mba’eichaitépa pohayhu ha pohechakuaa. Pene rembiapo rréinope ndaijojahái. Tupaope jareko 30,900 obispo ha presidente de rama oservíva hina ko múndo jerére.29 Ore respeto peĕme g̃uarã.
Oĩ ñe’ẽgua ha llamamiento sagrado ha’ekuéra odescribíva orekova peteĩ significado espiritual ha túichaitéva. Ko Obispo llamamiento ha’éva mba’e ijyvatevéva umi ñe’ẽ apytépe. Jaservi Ñandejárape ko kapasidápe ha’e mba’e tuichaitéva. Ko obispo llamamiento, sostenimiento, ha apartamiento ha’e peteĩ experiencia ikatu’ỹva opyta tesaráipe. Chéve ĝuarã, ha’e umi momento sublime sentimiento ipypyku ha túicháva ñañandúva rupi. Ojohupyty umi momento precioso ha’éva matrimonio ha paternida rehegua ndi ndaikatúiva ja’epa ñe’ĕ sa’ípe.30
Obispo-kuéra, ore posostene! Obispo-kuéra, Ore pohayhu! Peĕ añetehápe ha’e Tupã ovechakuéra aty rerekua. Salvador napenemotyre’ỹmo’ãi ko llamamiento sagrado peguerekóvape. Ko’ãvagui atestifika, ko Pascua semána pahápe, Jesucristo rérape. Amén.