Pobrecito (Mboriahumi)
Káda barrio ha rrámape oñeikotevẽ opavavére—umi ikatúva imbarete ha umi oluchávare hína. Opavavére oñeikotevẽ
Che mitãramoguare, chemandu’a rohóvo che ru ndie kóchepe ha rohecha tekove tape yképe oĩ vaiva térã oikotevẽvahína ñeipytyvõ. Che ru akóinte he’íva“Pobrecito,”he’íséva “aichejárangai mboriahumi.”
Sapy’ánte, ahecha jesarekópe mba’éichapa che ru oipytyvõ heta umi yvypóra, uvei roho jave México-pe rohecha hag̃ua che abuelo-kuérape. Tapiaite, ojuhuva’erã máva oikotevẽva ha upéi ohova’erã ñemiháme ha ome’ẽ oñeikotevẽva. Areve aikuaa oipytyvõha hína oñeanota hag̃ua mbo’ehaópe, ojogua hag̃ua tembi’u térã oimeháicha oipytyvõ iñeimeporãrã. Oministra peteĩ “Pobrecito(mboriahumi)” osẽvape hapépe. Upéicha, akakuaávo ahávo, ndaikatúi chemandu’a peteĩ moménto ndoguerekoihápe peteĩ oikóva orendie oikotevẽva tenda opyta hag̃ua ikatuha peve ijehegui. Ahechávo ko’ã mba’e omoheñói che pype peteĩ poriahuvereko espíritu che rapicháre ha umi oikotevẽvare.
Pe Pepredika che evangeliohe’i: “Ojerepa nderehe yvypóra. Rehasáramo hendiekuéra tapére, revisita chupekuéra hógape ha reho ijapytepekuéra. Opavave Tupã ra’ykuéra, ne hermano ha hermana-kuéra. … Heta ko’ã yvypóra oheka peteĩ propósito tekovépe. Ojepy’apy henonderã ha ifamiliakuérare” Pepredika che Evangelio: Peteĩ guía servicio misional-pe g̃uarã2018], 1).
Áño ohasávo, aservi aja Tupaópe, añeha’ã aheka umi oikotevẽva ñeipytyvõ hekovépe, temporal espiritualmente-icha avei. Py’ỹi ahendu che ru ñe’ẽpu he’ívo, “Pobrecito,” aichejárangai mboriahumi.
Biblia-pe jajuhu peteĩ ejemplo iporãmbajepéva mba’éichapa ñañangarekova’erã peteĩ mboriahumi poriahúre:
“Pedro ha Juan ojupi oñondie templo-pe ñembo’e hora-pe, ha’éva hora novena.
“Ha ojegueraha peteĩ kuimba’e oguata’ỹva isy rye guie, oñemoĩva ára ha ára templo hérava Hermosa rokẽme, ojerure hag̃ua tupãmba’e umi templo-pe oikévape;
“Upe, ohechávo Pedro ha Juan-pe oike potávo templo-pe, ojerure peteĩ tupãmba’e.
“Ha Pedro, omoĩvo hesa heseJuan ndive, he’i: Emaña orerehe.
“Ha ojesareko hesekuéra, oha’arõvo mba’e chuguikuéra.
“Upémarõ Pedro he’i: Ndarekói plata ni óro; ha katu arekóva ame’ẽta ndéve: Jesucristo Nazaret-gua rérape, epu’ã ha eguata.
“Ha ojapyhy ipo akatúagui ha omopu’ã chupe; ha sapy’aitépe imbarete umi ipy ha ipyñuã” (Hechos 2: 1-7-ñe’ẽ oñemoĩvéva).
Aleévo ko ñemombe’u, aikuaase upe ñe’ẽ jepurujesuheta. Pe ñe’ẽ jesuhetahe’ise oho umi hesa, ijepy’amongeta térã omaña porã ohecha hag̃uáicha (tojehecha “jesuheta,” Dictionary.com). Pedro omañávo pe kuimba’ére, ohecha ambue chupe. Omaña amo gotyove upe oguata’ỹ ha ambue hekokangýgui ha ikatu ohecha ijerovia porãha okuera ha oike hag̃ua templo-pe omog̃uahẽ hag̃ua umi tovasapy ohekáva.
Ahechakuaa ojapyhyha chupe ipo akatúagui ha omopu’ã. Oipytyvõ aja upéicha ko kuimba’épe, Ñandejára omonguera chupe milagrosamente ha “ipy ha ipyñuãme omog̃uahẽ mbarete”Hechos 3:7 Imborayhu ko kuimba’ére ha pe oipytyvõse chupe agueruve peteĩ kapasida ha katupyry upe kuimba’e ikangývape.
Aservi aja Setenta de Área ramo, añongatu káda marte pyhare ajapo hag̃ua umi ministrasiõ visita estáka presidente-kuérandi umi che responsabilida área -pe. A’invita chupekuéra ojapo hag̃ua síta umi oikotevẽvandi peteĩ Jesucristo evangelio ordenanza térã noñongatúivandi hína umi konvénio ojapova’ekue. Ore ministrasiõ meme ha intencional rupive, Ñandejára omongakuaa ore ñeha’ã ha ikatu rojuhu tekove ha familia-kuéra oikotevẽva. Ko’ãva ha’ékuri umi “pobrecito (mboriahumi)” oikóva umi estáka roservihápe.
Peteĩ jey, amoirũ presidente Bill Whitworth-pe, estáka Sandy Canyon View, presidente-pe ojapóvo ministrasiõ visita. Ha’e oñembo’e mávapepa rovisitava’erã, oñeha’ãvo oreko Nefi-ichagua experiencia, “pe ojegiáva Espíritu-re, oikuaa’ỹre umi mba’e [ha’e] ojapova’erã” (1 Nefi 4:6 Ha’e ohechauka ñaministrávo, jajegiava’erãha revelación rupive umi oikotevẽvevape, jajaporãnguénte peteĩ lista térã javisita umi tekovépe jepiveguáichante. Jajegia’ukava’erã pe inspirasiõ pu’akáre.
Chemandu’a aharõguare peteĩ paréha imitãva rógape, Jeff ha Heather, ha imitãmi, Kai. Jeff okakuaa Tupao miembro activo ramo Ha’e peteĩ atleta katupyry ha oreko peteĩ karréra oprometéva. Oñepyrũ oñemombyry Tupaógui imitãrusúpe. Upéi oreko peteĩ accidente automovilístico omoambuéva upe hekove rape. Roikévo hógape ha rojokuaa, Jeff oporandu oréve mba’érepa roho rohecha ifamiliape. Rombohovái oĩ a 3000 miembro rupi oikóva estáka límite ryepýpe. Upéi aporandu chupe: “Jeff, opa umi óga ikatúneva rovisita ko pyharépe, eremína oréve mba’érepa Ñandejára orembou ko’ápe.”
Upevape, Jeff ipy’akyrỹi ha oñepyrũ okomparti orendie umi ijepy’apy ha umi problema ohasáva hína familia-háicha. Roñepyrũ rokomparti heta umi Jesucristo evangelio principio. Ro’invita chupekuéra ojapo hag̃ua umi mba’e ikatúva hasy ñepyrũrã, ha katu ára ohasávo ome’ẽtava chupekuéra tuicha vy’a ha vy’apavẽ. Upéi, presidente Whitworth ome’ẽ Jeff-pe peteĩ sacerdocio jehovasa oipytyvõ hag̃ua chupe umi mba’e ombohováitavape. Jeff ha Heather he’i ojapotaha umi mba’e ro’invitava’ekue chupekuéra ojapo hag̃ua.
Oiméne peteĩ áño ohasa rire, areko privilegio ahechávo Jeff omongaraívo hembireko, Heather-pe, Jesucristo Tupao Santokuéra Ára Pahapegua miembro ramo. Ko’ág̃a oñembosako’i hikuái oike hag̃ua témplope ha ojesellávo familiaháicha ko ára ha ára ijapyra’ỹ meve. Ore visita omoambue hekovekuéra rape temporal espiritualmente-icha avei.
Ñandejára he’íkuri:
“Upévare, tapendejeroviareko; peime upe tenda pomoĩ haguépe; peipytyvõ ikangývape, pemopu’ã umi po ho’áva ha pemombarete umi tenypy’ã ikangýva” (Doctrina y Convenios 81:5.
“Ha pejapóvo ko’ã mba’e, pejapóta mba’e porã tuichavéva pende rapicháre ha pemokyre’ỹta gloria Upe ha’évape peẽme g̃uarã Ñandejára” (Doctrina y Convenios 81:4
Hermano ha hermana-kuéra, apóstol Pablo ombo’e peteĩ elemento clave-ha ñane ministerio-pe. Ombo’e opavave ha’eha “Cristo rete, ha miembro upévare” (1 Corintios 12:27) ha káda tetegua miembro-re oñeikotevẽ ojeasegura hag̃ua upe tete oje’edifikapaitétaha. Upéi ombo’e peteĩ añetegua mbarete oike pypukúva che korasõme aleévo. He’i, “Hetave umi tete miembro-kuéra, ha’etéva ikangyvévare,oñeikotevẽ ha umi tete miembro-kuéra, ñaimo’ãvaipora’ỹvévako’ãva oñemonde porãve” (1 Corintios 12:22–23; ñe’ẽ oñemoĩvéva).
Upévare, káda barrio ha rrámape oñeikotevẽ opavavére: umi imbareteve ha umi ikatúvare oluchahína. Opavavére oñeikotevẽ oñemongakuaapaite hag̃ua tekovépe upe “Cristo rete.” Py’ỹi añeporandu mávapepa japerde umi ñane congregacion-kuérape ñanemombaretétava ha ñanemonguerátava.
Elder D. Todd Christofferson ombo’e: “Tupaópe ndaha’éi doctrina divina añónte jaikuaáva; ha katu jahecha mba’éichapa ojeporu. Cristo retéicha, tupaogua miembro ñaño’ministra ojupe ára ha áragua jeikovépe. Ndaipóri iperfectova ñande apytepe. … Cristo retépe, jahava’erã amo gotyove umi concepto ha ñe’ẽ mbaretégui ha jareko peteĩ experiencia práctica añetéva ña’aprendekuévo jahávo ‘jaiko mborayhúpe oñondive’ [Doctrina y Convenios 42:45]” (“Mba’ére tupao,” Liahona, Nov. 2015, 108–9).
1849-pe, Brigham Young ohecha iképe proféta José Smith-pe oraharõguáicha peteĩ ovecha ha kavara aty guasu. Oĩ umi mymba apytépe umi tuicha ha iporãva; ambuekuérakatu michĩ ha iky’a. Brigham Young imandu’a omañahague profeta José Smith-pe hesápe ha he’i chupe: “José, reguereko pe mymba’aty ivaivéva … ahecháva che rekovépe; mba’e rejapóta hendiekuéra?” Upe Proféta, ha’etévaicha ndohechakuaáiva ko mymba’aty iraríva, ombohováinte, “[Brigham,] opavave oĩporã hendápe.”
Presidente Young opáyvo, ahechakuaa Tupao ombyatyramo jepe hetáichagua “ovecha ha kavara,” ha’e irresponsabilida ogueru opavavépe ha oheja peteĩteĩ tohupyty opa ipotencial tuichavéva oñemohendávo Tupaópe. Ronald W. Walker adaptasiõ, “Brigham Young: Proféta remimbo’e,” Liahona, Feb. 1998, 56–57.)
Hermano ha hermana-kuéra, che ñe’ẽ ñepyrũ oukuri apensa pypuku javepeteĩnoĩriva ko’ág̃a komprometido Jesucristo tupaóndi. Sapy’aite añe’ẽseva’erãmo’ã peteĩteĩndi. Élder Neal A. Maxwell ombo’ékuri “umi yvypóra py’ỹi opyta Tupao ykére, ha katu ndopartisipa meméi ipype. Ndoikéi kapíllape, ha katu nosẽmo’ãi hokẽgui. Ko’ãva umi oikotevẽva ha oñeikotevẽva Tupaópe, ha katu, sapy’ánte, ‘oikóva Tupa’ỹ rehe múndope’ [Mosiah 27:31” (“Mba’ére anichéne ko’ág̃a?,” Liahona, Nov. 1974, 12).
Apoi jeýta ko invitación ñande presidente jahayhuetéva Russell M. Nelson ojapova’ekue oñe’ẽ ñepyrũvo Tupaogua miembro-kuérape. Ha’e he’i: “Ko’ág̃a, káda Tupaogua miembro-pe ha’e, pesegi konvénio rapére. Pene compromiso pesegívo Salvador-pe pejapóvo konvénio Hendie ha upéi peñongatu umi konvenio oipe’áta okẽ opa tovasapy ha privilegio espiritual-pe g̃uarã oĩva umi kuimba’e, kuña ha mitãme g̃uarã oparupi”.
Upéi ojerure’asy: “Ko’ág̃a, resẽ rire tapégui katu, ikatu ro’invita opa che korasõ esperanza-re terejevy jey. Taha’e ha’éva pendepy’apykuéra, taha’e ha’éva pende desafío-kuéra, oĩ peteĩ tenda peẽme g̃uarã ko, Ñandejára Tupaópe. Peẽ ha umi generacion ne’irãva gueteri onase ojehovasáta hembiapóreko’ág̃apejevy hag̃ua konvénio rapére” (“ Jahávo tenonde oñondive”, térã Liahona , abril 2018-pe, pág. 7; ñe’ẽ oñemoĩvéva).
Ame’ẽ testimonio Chugui, uvei Jesucristo, upe mbo’ehára, ministro ha opavave ñande Salvador. Poinvita peteĩteĩme peheka hag̃ua umi “pobrecito,”umi mboriahumíme oikotevẽvape ñande apytépe. Kóva ha’e che esperanza ha che ñembo’e, Jesucristo rérape. Amén.