Meta gotyo jaguata memévo
Ndaha’éi mba’épa jahasáre hína ñande rekovépe, térã katu mba’épepa ñañekonvertíre hína jahávo.
Amoñe’ẽvo aranduka Hechos ha Pablo espístola-kuéra, ahecharamo mba’éichapa oime ra’e ha’e motivado mborayhu ha gratitud rehe, oporoipytyvõvo, oporohekombo’évo ha otestifikávo Jesucristo rehe. Mba’éicha ikatu peteĩ tapicha oporopytyvõ hetaite mborayhu ha gratitud rehe, oñekonsiderávo isufrimiénto hetaite? Mba’e omongu’e Pablo-pe oporoipytyvõ hag̃ua? “Meta gotyo aguata meme, Tupã llamamiento tuichaitéva jopóipe, Cristo Jesús-pe”1
Meta gotyo jaguata meme, ha’e ñakontinua fielmente “tape ipo’ietereívape oporogueraháva tekove opave’ỹvape”2 ñande Salvador ha ñande Ru Yvagagua ykére. Pablo ohecha isufrimiento-kuéra “michĩetereiha ñakompara ramo pe glória ojehechaukátavare ñande rekoverãme”.3 Carta Pablo ohaiva’ekue Filipenses-kuérape, oimerõguare cárcel-pe, ha’e peteĩ carta oguerekóva goso, rregosího ha aliento opaite ñandéve g̃uarã, especialmente ko’ã ára hasyetévape ha ndajaikuaaihápe mba’épa oikóta. Opaite ikatu ñañe’anima, Pablo ñe’enguére: “Opa mba’e ikatuva’erãmo’ãva areko, ndajapói mba’evérõ ambojojátarõ che Jára Cristo Jesús rehe. Cristo rayhupápe ahejava’ekue opa mba’e, ha areko umíva yty ramo, arekóma guive chupe che mba’erã.”4
Jajesarekóvo Pablo servicio rehe, jahupyty inspiración ha ñemombarete umi ñande “Pablo” ko’ã tiempo-gua rehe, avei oservíva, oporombo’éva, ha otestifikáva mborayhu ha gratitud reheve, umi desafío apytépe, ohasáva hekovepekuéra ha umi ohayhúva rekovépe. Peteĩ jehasakue arekoakue ojapóma 9 ary, cheipytyvõ ahechakuaa hag̃ua importancia oguerekóva jaguata meme hag̃ua meta gotyo.
2012-pe, aike ramórõ guare peteĩ reunión liderazgo hápe, conferencia general-pegua, añandu hetaiterei tembiapo ha ndaikatumo’ãivaicha ajapo. Che akãme oĩ peteĩ ñe’ẽ he’íva chéve manterei: “Nde ndaha’éi ko’apegua! Ojejavy tuichaiterei!” Aguata jave ajuhu hag̃ua peteĩ lugar aguapy hag̃ua, élder Jeffrey R. Holland che recha mombyry guive. Ou che aimehápe ha he’i chéve: “Edward, avy’a rohechávo ko’ápe”, ha mborayhúpe oipete mbueguekatumi che rova. Añeñandu mitã ra’ýicha! Imborayhu ha irrecivimiento chemoñeñandu bienvenido, ha cheipytyvõ añandu hag̃ua espíritu de pertenencia ha hermandad. Ambue árape, ajesareko élder Holland ojapo upe ojejapova’ekue cherehéicha, oipete kangymi élder Dallin H. Oaks rova, ha’éva peteĩ apóstol iñantiguovéva chugui!
Upérõ añandu Ñandejára mborayhu, ko’ã kuimba’e rupive, ñasostenéva proféta, vidente ha rrevelador ramo. Élder Holland, hembiapo mborayhu jepivegua rupive, cheipytyvõ avencévo che kyhyje ndaikatuiha ajapo tembiapo. Cheipytyvõ añe’centra hag̃ua Tupã rembiapo sagrádo ha javy’áva pype, añehenói haguépe, agueraha hag̃ua ánga Cristo-pe. Ha’e, Pablo ymaguaréicha, ohechauka chéve aguata memeva’erãha meta gotyo.
Iñintesanteterei mba’éichapa Pablo ñanerenói jasegui hag̃ua tenonde gotyo, upéicha avei ñanerenói ñanderesarái hag̃ua jahejáva tapykuépe, ñande kyhyje ymaveguare, ñande jesareko ymaveguare, ñande frakáso ha jevy’a’ỹ ymaveguare. Ñaneipepirũ, proféta jahauhuetéva ojapoháicha, Presidente Russell M. Nelson, jaguereko hag̃ua “peteĩ enfoque ipyahu ha isantovéva.”5 Promesa Salvador ome’ẽva ha’e añetegua: “Oimeraẽ osalvaséva hekove operdéta, ha oimeraẽ operdéva hekove cherehehápe ojuhúta”.6
Che diskurso peteĩha conferencia general-pe amombe’u che rembiasakue mba’éichapa che sy, cherekombo’e amba’apo hag̃ua kokuépe. Ha’e he’i: “Araka’eve ani remaña tapykue gotyo”. “Emaña tenonde gotyo, jajapova’erã gueterire.”7
Oñembojávo hi’ára paha ko yvy ape ári, che Sy oikovaírõ guare cáncer ndive, ha’e oikókuri Naume ha chendive. Peteĩ pyharépe ahendu chupe hasẽ ikotýpe. Mba’asy oguerekóva hasyeterei chupe, jepe ho’u rire morfina mokõi aravo añónte.
Aike ikotýpe ha che rasẽ hendive. Añembo’e hatã, ha’e ojapyhy hag̃ua alivio upepete imba’asýpe. Ha upépe ha’e ojapo mba’e ojapomiva’ekue kokuépe, opyta ha chembo’e peteĩ lección: Araka’eve ndacheresaraimo’ãi hovágui upe momento hasyetévape: kangy ha henyhẽva tasýgui, omañávo imemby ojedesesperávare. Opukavymi, hesay apytépe, omaña che resa mbytetére ha he’i, “No dependéi nderehe ha avavére ko tasy añandúva oho hag̃ua, odepende Tupãrente”.
Aguapy kirirĩhápe. Ha ha’e avei okirirĩ. Upe ta’anga opyta che akãme. Upe pyharépe, che sy rupive, Tupã cherekombo’e peteĩ lección tapiaite chemoirũtava. Mbeguekatúpe che sy o’aceptávo Tupã rembipota, agueromandu’a mba’érepa Jesucristo osufriakue Jardín de Getsemaní ha Gólgota kurusúpe. Ha’e he’i: Péina ápe che ameʼẽkuri peẽme che evanhélio, ha kóva haʼe evanhélio ameʼẽvaʼekue peẽme—ajuhague yvórape akumpli hag̃ua che Ru rembipota, che Ru chemboúgui”.8
Ajepy’amongeta umi ñeporandu, ñande proféta jahayhuetéva, Presidente Nelson ojapoakue ñandéve última conferencia general-pe. Presidente Nelson oporandu: “Reimépa dispuesto rehejávo Tupã taipu’akapa nde rekovépe? Reimépa dispuesto rehejávo Tupã taha’e influencia tuichavéva nde rekovépe? Rehejátapa Iñe’ẽ toguereko … prioridad opa mba’e reipotáva ári nderekovépe? Reimépa dispuesto nde voluntad oje’absorvévo Hese?”9 Añamindu’u che sy ombohovaiva’eramo’ã peteĩ emotivo ha katu firme “sí” rehe, ha avei ambue Tupaogua miembro-kuéra ifielva, opaite hendapegua he’íne peteĩ emotivo ha katu firme “sí”. Presidente Nelson, aguije ore’inspira ha ore’edifikáre ko’ã ñeporandu profétika reheve.
Nda’aréi aguerekohague peteĩ ñemongeta Pretória, Sudáfrica-pe, peteĩ obispo oñotỹva’ekue hembireko ha itajýrape peteĩ árapente. Ha’ekuéra omano ko pandemia coronavirus káusa. Aporandu chupe, mba’éichapa oñeñandu. Ha ñembohovái Obispo Teddy Thabete ome’ẽva chéve omombarete che resolución aseguívo, Ñandejára proféta, vidente ha rrevelador-kuéra ñe’ẽ ha consejo. Obispo Thabete omobohovái, vokoiete oĩha esperanza ha consuelo jaikuaávo Salvador ohupihague hi’ari ipuéblo mba’asy, oikuaa hag̃ua mba’éichapa ñande sokorréta.10 Jerovia tuichaitereíre ha’e otestifika: “Aime agradecido Plan de Salvación-re, pe plan de felicidad”. Upéi oporandu chéve: “Ndaha’éi upéva pe ñande proféta ñanerekombo’eseakue ko conferencia pahápe?”
Desafíos ko yvy ape arigua oúta ñandéve oimeháicha rei, ñañe’centra kometído “jaguata memévo meta gotyo”, ha’éva “premio supremo llamamiento Tupã mba’e”.11
Che umilde ñeipepirũ opavave ñandéve g̃uarãme ha’e, araka’eve nañanekangýi hag̃ua! Ñañehenói “ñamboyke hag̃ua opaite mba’e pohýi ha pekádo ojeréva ñanderehe, ha ñañani hag̃ua paciencia rehe, carrera jaguerekóva tenonderãme, ñamoĩvo ñande resa Jesús rehe, ha’éva autor ha consumador ñande jerovia rehegua”.12
Ndaha’éi mba’épa jahasáre hína ñande rekovépe, térã katu mba’épepa ñañe’konvertíre jahávo. Oĩ goso jaguata memévo meta gotyo. Atestifika peẽme, Ha’e, pe ovenceva’ekue opaite mba’e, ñaneipytyvõta, ñamañavévo Hese. Jesucristo rérape. Amén