Pe añetegua resape ojajáiva
Atestifika pe añetegua resape ojajáiva omimbiha mbarete opa yvy ári ko árape.
Pe Santokuéra Arapahagua purahéi porãite “¡La Luz de la Verdad!” ohechauka ojavy’ỹre pe evangelio plenitu kyre’ỹngue ha vy’a guasu ohóva opa múndore. Ko purahéipe japurahéi:
Oíd, naciones; (¡Pehendu, opa peê Tetânguera!) regocijad. (Pevy’ajoa.)
La voz del cielo ya escuchad. (Pehendúke Yvága ñe’ẽ.)
En esta tierra se restauró: (Ko yvýpe oñemoĩ jey)
¡La luz de la verdad! (¡Pe añetegua resape!)1
Louis F. Mönch, pe jehaipyre apohare, ha’ékuri peteĩ konverso Alemania-gua ohaiva’ekue pe purahéi jehaipyre inspirado oĩ aja Suiza-pe oservívo iservicio misionero ramo Europa-pe.2 Pe purahéi ñe’ẽnguérape ojehechauka hesakãporã pe vy’apavẽ osyrýva ojehechakuaávo ñemomba’eguasu oguerekóva pe Restauración mundo jerére:
Viviamos en obscuridad, (Jaikókuri pytũmbype,)
Antes de ver el amanecer. (Jahecha mboyve pe ko’ẽju)
El alba vino; regocijad. (Ko’ẽtĩ oĝuahẽ; pevy’ajoa.)
¡La luz se deja ver! (¡Pe tesape ojehechauka!)3
Pe Restauración ohomeméva oñepyrũhaguére ojapóma 200 ary, pe “añetegua resape ojajáiva”4ko’áĝa omimbi asy ko yvy ári. 1820-pe José Smith oikuaa, ha millones avei upéguive, Tupã “ome’ẽha opa yvypórape pojerápe, ha ojejoko’ỹre.”5
Tupao oñeorganisa riremi ko dispensación-pe, Ñandejára oñe’ẽ José Smith-pe ha ohechauka chupe Imborayhu tuicha ñanderehe he’ívo:
“Upévare, che, Ñandejára, aikuaávo mbaʼevaiete oútava yvy ári oikovévape, ahenói che rembiguái José Smith, pe taʼýra, ha añeʼẽ chupe yvágagui, ha ameʼẽ chupe tembiapoukapy; …
“Oñemoĩ hag̃ua che konvénio opaveʼỹva;
“Che evanhélio plenitu oñemomarandu hag̃ua umi imbaʼeguasuʼỹ ha iñaranduʼỹva rehe, yvy opaha peve.”6
Ko revelasiõ ojehupyty riremi, misionerokuéra oñepyrũ oñehenói ha oñemondo heta tetãme múndo jerére. Proféta Nefi he’i haguéicha, pe evanhélio rrestaurádo mensahe oñepyrũ oñembo’e “opa tetãnguéra, avaretãnguéra, ñe’ẽnguéra ha tavayguakuéra apytépe.”7
“Jesucristo Tupao Santokuéra Ára Pahapegua” oñemohenda hekopete peteĩ oga’ípe Estado de Nueva York norte-pe 1830-pe.
“Ohasákuri 117 ary, 1947 peve, Tupao okakuaa haĝua umi sei miembro ñepyrũmbýgui peteĩ millón miembro-kuéra peve. Misionero-kuéra ha’ékuri pe tupao jekuaaukaha iñepyrũmby guive, ohóvo umi Ava Americano retãme, Canada ha, 1837-pe, ohasa continente Norteamericano mboypýri Inglaterra peve. Nda’aréi uperire, umi misionero omba’apóma continente Europeo-pe ha mombyryve katu India ha umi Pacifico-gua Isla-pe.
“16 ary rire, 1963-pe ojehupyty pe mokõi millón miembro-kuéra márka, ha 8 ary rire pe mbohapy millón márka.”8
Omomba’eguasúvo pe Tupao jekakuaa pya’e, Presidente Russell M. Nelson ramoite he’íkuri:“ Ko árape, Ñandejára rembiapo Jesucristo Tupao Santokuéra Ára Pahapeguápe ha’e peteĩ ojeho pya’e tenonde gotyo. Ko Tupao orekóta peteĩ ára oútava ijojaha’ỹ ha oñeimo’ã’ỹva.”9
Pe Jesucristo Evanhélio Rrestaurasiõ iplenitúpe, pe Ñandejára tupao oikovéva ñemohenda jey ko yvy ári, ha pe ijekakuaa ijojaha’ỹva upe guive ohupytyka umi sacerdocio jehovasa ko yvy jerére. Umi ordenánsa ha konveniokuéra marangatu ñanembojoajúva Tupã ndive ha ñanemoĩva pe konvénio rapépe ohechaukaporã “pe poriahuvereko pu’aka.”10 Jajapóvo umi ordenánsa marangatu umi oikove ha omanómava rehe, ñambyaty hína Israel-pe mokõive velo ládope ha ñambosako’i pe yvy pe Salvador Jeju Mokõihape ĝuarã.
Abril 1973-pe, che tuvakuéra ha che roje’ói ore Argentina-gui rojesella haĝua templo-pe. Noirimarõ upe árape templokuéra opa Latinoamérica-pe, roveve hetave 6,000 milla-gui(9,700 km) rohokuévo ha rojukuévo rojesella haĝua Lago Salado templo-pe. Aguerekórõ jepe mokõi arýnte uperõguare ha nachemandu’apái upe jehasa porãitere, mbohapy ta’anga upe viahegua opyta atãporã che akãme ha oĩ gueteri upeguive.
Peteĩha, che mandu’a añemoĩrõguare pe aviõ ovetã ykére ha ahecha umi arai morotĩ yvygotyo.
Umi arai porãite omimbíva opyta che akãme ha’erõguáicha mandyju vakapipopo tuichaiche.
Ambue ta’anga opytava’ekue che akãme ha’e umi personahe ichistósova peteĩ párke oñeñembosarakihápe Los Ángeles área-pe. Umi personáhegui hasy ñanderesarái.
Upevére, imba’eguasuve ko ta’anga omimbíva ha ñanderesaraikuaa’ỹvagui:
Che mandu’a porã aĩha peteĩ koty sagrádo Lago Salado templo-pe, ojejapohápe ñemenda ha familiakuéra sellamiento ko árare ha opa eternidáre. Che mandu’a pe templo altar porãitére ha pe kuarahy resape mimbi oikéva pe koty ovetã okapegua rupive. Uperõ añandúkuri, ha upéguive añandu pe akuvy, segurida ha ñemo’ã oúva pe Añetegua resape mimbígui.
Upeichagua temiandu oñemoañete jey che korasõme 20 ary rire, aikévo templo-pe ajesella jey haĝua, ha katu ko jave che mborayhujára ndive ha rojesella ára ha eternidáre. Upevére, upe jave natekotevẽi roho heta kilómetro Buenos Aires, Argentina Templo oñemopu’ãgui ha ojededikamakuri, ha hi’aĝui ore rógagui auto rupi.
Veintidós ary ore ñemenda ha sellamiento rire, rojehovasákuri rohokuaa jeývo upe templo-pe, ha katu ko jave ore rajy porãite ndive, ha rojesella familia ramo ko árare ha opa eternidáre.
Ajepy’amongetávo umi momento sagrado che rekovépe rehe, chepy’arenyhẽ peteĩ vy’apavẽ pypuku ha odurávagui. Añandúkuri, ha añandu gueteri, pe mborayhu asy oguerekóva peteĩ Túva Yvagagua oporohayhúva, oikuaáva umi ñane remikotevẽ personal ha ñane remiandu añeteva.
Oñe’ẽvo Israel ñembyatýre ára pahápe, Jehová Ñandejára he’i, “Amoĩta che rembiapoukapy ipy’ápe ha ahaíta ikorasõme; ha Che ha’éta Tupã Ijára, ha ha’e kuéra katu che retãgua”.11 Cheaguyjevete eternamente, Tupã ley ojegrava pypukuhaguére, che mitãite guive, che korasõme, umi ordenansa sagrado rupive, ajapóva Hóga Marangatúpe. Imba’eguasuete tajaikuaa Ha’e ha’eha ñane Tupã, ha ñande ha’eha Itavayguakuéra ha, oimporta’ỹre mba’épa oiko ñande jerére, ñandejeroviarekórõ ha ñaneñe’ẽrendúrõ umi konvénio jajapo’akuére, ñaimekuaáta “akoiete ñañe’añuávo imborayhu jyva rehe.”12
Kuñanguéra sesiõ aja Conferencia General octubre 2019-guápe presidente Nelson he’i: “Opaite ñane ñeha’ã ñañeministra haĝua unos a otros, ñaproclama pe evangelio, ñaperfecciona umi Santos-pe ha ñarredimi a los muertos ojoaju santo templo-pe.”13
Avei, upe conferencia general aja, presidente Nelson ombo’e: “Hesakã porã pe Restauración joya suprema ha’eha pe santo templo. Iñordenánza ha koveniokuéra sagrados imba’eguasuete ojeprepara haĝua peteĩ pueblo oĩtava listo omoĝuahẽ haĝua pe Salvador-pe Ijeju Mokõiháme”14
Pe Rrestaurasiõ oikomeméva oñemarka templo-kuéra ñemopu’ã ha jededika rehe ipy’avéva ohóvo. Ñañembyatývo ambue velo renda gotyo, ñañeha’ã’asývo jaservi haĝua ha ñamomba’eguasu pe templo ñande rekovépe, Ñandejára añetehápe ñanemopu’ã hína: Ha’e omopu’ã hína Itavayguakuéra konvenioguápe.
La gloriosa luz de la verdad (Pe añetegua resape ojajáiva)
brillará por la eternidad. (Omimbíta eternida pukukue)
Alumbra, cual los rayos del sol,(Ohesape, kuarahy mimbícha,)
todo el mundo hoy. (Opa yvóra ko’árape).15
Atestifika pe añetegua resape ojajáiva omimbiha mbarete opa yvy ári ko árape. Pe “tembiapo hechapyrãva ha peteĩ mba’eguasuete” oprofetisa’akue proféta Isaías16 ha Nefi ohecha’akue17 oiko pya’eterei hína, jepe ko’ã ára hasy mbytépe. José Smith he’ihaguéicha profétikamente, “Pe añetegua poyvi ojehupíma; mba’evéichagua po ijoja’ỹva ojokokuaa ko tembiapo jekakuaa… Tupã propósito oñekumplipa peve ha pe Jehová Guasu he’i ko tembiapo oikopámahague”.18
Hermano ha hermanakuéra, ajerure’asy tañaime dispuesto ko árape ha tajaiporavo ñeñekompromete ñande ha ñande familiakuéra ñahendúvo yvága ñe’ẽ, heẽ, ñande Salvador ñe’ẽ. Ajerure’asy tajajapo ha ñañongatu konveniokuéra Tupã ndive, umi ñanembopytaso atãtava pe tape ñandegueraha jeývape Hendápe, ha tajaguerovy’a Iñevanhélio añetegua resape glorioso jehovasakuéra. Jesucristo rérape. Amén