“¡Péina ápe!“ “Che haʼe peteĩ Tupã ojapóva milágro”
Umi milagro, señales ha techapyrã heta Cristo-pe osegíva apytépe ko’ã árape, pende rekovépe che rekovépeicha.
Che hermano ha hermana-kuéra pohayhuetéva ¡Po’a tuichaite ikatuha aĩ penendive ko árape! Ajoaju umi oñe’ẽva’ekue ko conferencia-pe atestifika haĝua Jesús oikoveha. Ha’e oisambyhy Itupao; Ha’e oñe’ẽ Iproféta, presidente Russell M. Nelson-pe, ha ohayhu opavave ñande Ru Yvagagua ta’yrakuérape.
Ko Pascua de Resurrección domingo-pe, jagueromandu’a Jesucristo resurrección, pe ñande Salvador ha Redentor,1 pe Tupã ipu’akapáva, pe Principe de Paz.2 Pe Iñexpiasiõ, opáva Ijeikovejey reheve mbohapy ára rire peteĩ ñeñotỹha ojeipurukávape, ha’e pe milagro tuichavéva tekove historia-pe. “Péina ápe”, he’i Ha’e, “che haʼe Tupã; ha che haʼe peteĩ Tupã ojapóva milágro.”3
“…opa piko milagrokuéra Cristo ojupi haguére yvágape, ha oguapy Tupã akatúape?”4oporandu proféta Mormón Mormón Kuatiañe’ẽme. Ha’e ombohovái: “…nahániri, ni angelkuéra ndohejái yvypóra raʼykuéra ñeministra.”5
Crucifixión rire, peteĩ Ñandejára ánhel ojehechauka Maria ha ambue pokã kuñanguérape, ohova’ekue ñeñotỹháme ambue kuñanguéra ndie ounhi haĝua Jesús rete. Pe ánhel he’i:
“¿Mba’ére piko peẽ peheka omanóva apytépe pe oikovévape?”6
“Ndaipóri ko’ápe. Oikove jeýmagui.”7
Proféta Abinadí, Mormón Kuatiañe’ẽ-pegua omomarandu upe milagro-re:
“Cristo nopuʼãirire omanomavaʼekue apytégui, …, ndaiporivaʼerãmoʼã jeikovejey.
“Ha katu oĩ peteĩ jeikovejey, upévare pe ñeñotỹha ndoguerekói puʼaka, ha pe ñemano popĩa oñemoĩ Cristo poguýpe.”8
Umi Jesucristo rembiapo milagroso ojapo umi discípulo te’i: “¿Máva piko kóva, ko oñe’ẽva yvytu ratã ha y pochýpe, ha iñe’ẽrendúva chupe?.”9
Umi Apóstol ymaguare, osegiva’ekue Jesucristo-pe ha ohendu chupe ombo’évo pe Evanhélio, ha’e testigo heta milagro-gui. Ha’ekuéra ohecha “ohecha’ỹva ohecha jeyha, ijypíva oguata porãha, ipire aipáva okueraha, ohendu’ỹva ohendu jeyha, omanóva oikove jeyha ha imboriahúvape oñehendukaha pe evanhélio.”10
Umi milagro, señales ha techapyrã heta Cristo-pe osegíva apytépe ko’ã árape, pende rekovépe che rekovépeicha. Umi milagro ha’e tembiapo, techaukaha ha jehechauka Tupã pu’akapa divínogui, ha peteĩ ñemoañete Ha’e “peteĩnteha kuehe, ko árape, ha tapiaite.”11 Jesucristo ojapo’akue parakuéra, omombytu’ukuaa umíva; Ha’e, pe ohecha’ỹvape ohechauka jeýva, omopu’ãkuaa ñande jesareko yvága gotyo; Ha’e , omopotĩva’ekue pe ipire’aipávape, omonguerakuaa ñane mba’asykuéra; Ha’e, omonguerava’ekue pe oguatakuaa’ỹvape, ñanemopu’ãkuaa he’ívo “Eju, chesegi.”12
Heta peẽ pehechava’ekue milagro-kuéra, oiméne hetave pehechakuaávagui. Ikatu ojogua michĩetereiha oñembojojávo umi Jesús ojapova’ekuére omopu’ãvo umi omanomava’ekuépe, Ha katu ndaha’éi ituichakue ojapóva chugui peteĩ milagro, sino ouha Tupãgui. Oĩ opensáva umi milagro ha’eha coincidenciante térã po’aite, Ha katu proféta Nefi okondena umi “nomombaʼeguasúi Tupã puʼaka ha milagrokuéra, ha oñomboʼe ojupe iñarandu ha ikuaapykuéra, oñembopirapire heta hag̃ua.”13
Umi milagro oiko Ipu’aka divíno rupive, Ha’e pe “Ipu’akapáva oporosalva haĝua.”14 Umi milagro ha’e Tupã plan eterno jeipyso; ha’e peteĩ pytyvõ esencial oúva yvágagui ko yvýpe.
Otoño ohasávape, hermana Rasband ha che roho hína Goshen, Utah, gotyo, peteĩ evento Cara a Cara-rã oñembohasátava 600.000 persona-kuérape 16 diferente ñe’ẽme.15 Pe programa oñesentrátakuri Jesucristo evanhélio restauración eventokuérape, ha roguerekóta umi porandu oguerukava’ekue umi jóvenes adultos opa yvóra jerereguáva. Hermana Rasband ha che rorrevisákuri umi porandu, ha rohecha ome’ẽha oréve oportunidad rotestifika haĝua José Smith-gui Tupã proféta ramo, pe rrevelasiõ pu’akágui ore rekovépe, pe Jesucristo evanhélio restauración oiko memévagui ha umi añetegua ha tembiapoukapy rohayhuvévagui. Heta peẽ peparticipákuri upe evento milagrósope.
Ñepyrũháme oñetransmitítakuri Arboleda Sagrada guie Nueva York estado norte-pe, José Smith otestifikahaguépe: “Ahecha ára pytúpe che ári, mokõi personahe oñembo’ýva, imimbi ha jajái ndaikatúiva ñamombe’u. Peteĩva oñe’ẽ chéve, cherenóivo che réraipi, ha he’i, ohechaukávo ambuévare—Kóva ha’e che Ra’y Ahayhuetéva: ¡Ehendu Chupe!”16 Hermano ha hermana-kuéra, upéva ha’ékuri peteĩ milagro.
Ko pandemia mundial oremyaña rojapo haĝua pe transmisiõ Goshen, Utah guie, Jesucristo Tupao Santokuéra Ára Pahapegua orreproducihápe peteĩ pe Jerusalén ymaguare pehẽngue ojejapo haĝua umi filmación. Upe domingo, ofaltavo pokã kilometro roĝuahẽ haĝua Goshen-pe, hermana Rasband ah che rohecha tatatĩ anambusu oúva upéguio. Umi incendio forestal ojope hýna umi áreape ha orepy’apy upéva he’íseva pe transmisiõrã. Upeichaite, ofaltávo 20 minuto la sei-rã, oñepyrũva’erãhame ore transmisiõ, oho pe luz eléctrica opa upe tendápe. ¡Ndaipóri electricida! Ndaipóri transmisiõ. Oĩ peteĩ generador opensáva alguno ikatuha roipuru, ha katu ndaipori garantía ohupytytaha umi equipo sofisticado roguerekóvape ĝuarã.
Opavave pe programa-pe, oikévape umi narrador, músico, ha técnico-kuéra— jepe veinte jóvenes adultos che familiaguáva—roĩmbaite involucrado pe oikótavape hína. Añemomombyry’imi umi tesay ha apañuãi oĩvagui ajerure’asy haĝua Ñandejárape peteĩ milagro. “Che Ru Yvagapegua, “ndajerurévai jepi milagro-re, ha katu ko’áĝa ajerure ndeve peteĩ” ha’e che ñembo’épe. Ko reunión oikova’erã ore jóvenes adultos opa yvoragua ñeimeporãrã. “Roikotevẽ electricida upevarã, upéicha ha’érõ Nerembipota”.
Siete minuto la seis rire ou jey sapy’a pe electricida ohohaguéicha. Opa mba’e oñepyrũ oiko, música ha umi micrófono guie umi video ha opa pe equipo de transmisiõ peve. Roñepyrũ pya’eterei. Rohechákuri peteĩ milagro.
Uperire, hermana Rasband ha che roho jeývo ógape ore autope, presidente Nelson ha hembireko ombou oréve ko mensahe: “Ron, roipota peikuaa roikuaamívo pepyta hague electricida’ỹre, roñembo’e rojerurévo peteĩ milagro”.
Ojehai ára pahapegua Escriturakuérape, “Che, Ñandejára, aipysógui che po amomba’apo haĝua yvaga pu’aka; ndaikatúi pehecha ko’áĝa, ha katu mbykymi rire pehecháta, ha peikuaáta Che ha’eha, ha ajutaha ha arreináta che tavayguakuéra ndive”17
Upevaite pe oikova’ekue. Ñandejára oipyso Ipo, ha pe electricida ou jey.
Milagro-kuéra oiko fe pu’aka rupive, ñanembo’e mbarete haguéicha presidente Nelson sesión pahápe. Proféta Moroni omomarandu hentekuérape: “Ha ndaipóriramo jerovia yvypóra raʼykuéra apytépe Tupã ndaikatúi ojapo mbaʼeveichagua milágro ijapytepekuéra; upévare, haʼe ndojehechaukái ojerovia mboyve hikuái.”
Ha’e okontinua:
“Péina ápe, Alma ha Amulek jerovia rupi, ojeitýkuri yvýpe upe kaʼirãi.
“Péina ápe, Nefi ha Lehi jerovia rupive ojejapovaʼekue ñemoambue lamanita-kuérare, péicha oñemongarai chupekuéra tata ha Espíritu Santo-pe.
“Péina ápe, Ammón ha ijoykeʼykuéra jerovia ojapókuri tuichaite milágro lamanita-kuéra apytépe. …
“Ha mbaʼevéichagua árape avave ndojapóvai milágro ndahaʼéiramo ojerovia rire; upévare ojeroviaraẽkuri hikuái Tupã Raʼýre”.18
Ha ko secuencia de Escritura che amoĨvekuaa: “Ha ha’ékuri pe Jóvenes adultos elenco, umi técnico de transmisiõ, lideres ha tupaogua miembrokuéra, peteĩ apóstol ha peteĩ Tupã profeta jerovia pe ojapova’ekue pe milagro guasuete ou jey haĝua pe electricida peteĩ mombyry estudio de filmación Goshen, Utah-pe”.
Umi milagro ikatu ou peteĩ ñembo’e ñembohováiramo. Nda’akóinte ha’e pe jajeruréva térã ñaha’arõva, ha katu jajeroviárõ Ñandejárare, Ha’e oĩta upépe ha ojapóta ijojáva. Ha’e omoambuéta pe milagro ñaikotevẽháicha.
Ñandejára ojapo milagro-kuéra ñanemomandu’a haĝua Ipu’aka ha imborayhu ñanderehe, Yvága guie oparticipaha ñane experiencia terrenal-pe, ha Ipotapy ñanembo’e haĝua upe imba’eguasuvéva. “Pe orekóva fe Cherehe oñemonguera haĝua” he’i Ha’e umi Santo-pe 1831-pe, ha upe promesa oikoite gueteri – “ ha noĩri señalado omano haĝua, okueráta”.19 Oĩ leikuéra ojedekretáva yvágape, ha ñande ñaime akoiete ipoguýpe.
Sapy’ánte, ñaha’arõ peteĩ milagro omonguera haĝua peteĩ jahayhúvape, tombojere peteĩ mba’e iñinhústova térã tomohu’ũ petei persona korasõ oĩva amargado térã desilucionado. Ñande perspectiva terrenal guie, jaipota Ñandejára tointerveni omoĩporã haĝua opa mba’e oĨvaíva. Jerovia rupive oikóta pe milagro, ndaha’éirõ jepe pe momento térã solución jaipotáva reheve. ¿He’ise piko upéva nañandejeroviarekoiha térã nañamereséi Iñintervensiõ? Nahániri. Ñandejára ñanderayhu opavavépe; Ha’e ome’ẽ Hekove opavave ñanderehe ha Iñexpiasiõ ñanemosãso gueteri mba’e pohýi ha angaipakuéragui ñañearrepentíramo ha ñañemoaĝui Hese.
Ñandejára ñanemomandu’a “pende rape [ndaha’éi] che rape”20 Ha’e oikuave’ẽ ñandéve: “Peju che rendápe opaite peẽ peñeha’ãmbáva ha penemba’epohýiva, ha che pombopytu’úta”21—Pytu’u umi py’arasy, desilusiõ, kyhyje, ñe’ẽrendu’ỹ, jepy’apy umi jahayhúvare, umi sueño ojeka térã okañýva rehe. Ñañandurõ py’aguapy apañuãi térã jeiko’asy mbytépe ha’e peteĩ milagro. Penemandu’ake Ñandejára ñe’ẽ: “Nañe’ẽi piko py’aguapy ne apytu’ũme ko asunto-re? ¿Mba’e testimonio tuichavéva reguerekokuaa pe oúva Tupãgui?”22 Pe milagro ha’e Jesucristo, pe Gran Jehová, pe Altísimo Ra’y, ñanembohovái py’aguapy reheve.
Ha’e ojeaparese haguéicha Maria-pe ñeñotỹha jardín-pe ha ohenói chupe hérare, Ha’e ñanerenói ñamomba’apo haĝua pe jerovia. Maria oñeha’ã oservi ha oñangareko Hese. Ijeikovejey ndaha’éi pe ha’e oha’arõvakuri, ha katu oiko pe tuicha plan de felicidad-pe oĩháicha.
“Eguejy pe kurusúgui,”23osapukái chupe umi ojerovya’ỹva oñembosaráivo Hese pe Calvario-pe. Ha’e ikatúkuri ojapo upe milagro, ha katu Ha’e oikuaa pe ipaha iñepyrũmby guive a oñeha’ã ijeroviareko Itúva plan-re. Upe ehemplo ndajahechareiriva’erã.
Ha’e he’i ñandéve umi jeipy’ara’ã árape: “Pehechake ko ñekytĩ oĩva che rye ykepe, ha avei pe klávo rendague che po ha che pýpe; peikoveke tekoporãvame, peneñeʼẽrendúke che rembiapoukapykuérare, ha pehupytyta Tupãrreino yvagapegua.”24 Upéva ha’e pe milagro, hermano ha hermana-kuéra oñeprometeva’ekue opavave ñandéve.
Ko Pascua de Resurrección domingo-pe, ñamomba’eguasúva pe Ñandejára jeikovejey milagro, Jesucristo apóstol ramo, mirĩmi añembo’e tapeñandu pe Redentor pu’aka pende rekovépe, ha pene ñembo’e ñande Ru Yvagaguápe toñembohovái pe mborayhu ha kompromiso reheve Jesucristo ohechaukava’ekue Iministériope. Añembo’e tapepyta ñemova’ỹ ha jeroviarekópe opa umi oútavape. Ha pohovasa oĩ haĝua milagro-kuéra pende rekovépe, roguerekohaguéicha Goshen-pe, Ñandejára oipotárõ. Peheka umi yvagagua jehovasa pende rekovépe “peheka [aja] ko Jesús, profetakuéra ha apóstol-kuéra ohai haguégui, Tupã pe Túva grásia, ha avei Ñandejára Jesucristo, ha Espíritu Santo, ome’ẽva testimónio umívagui, toĩ ha topyta pendepype tapiaite peve.”25 Jesucristo rérape, Amén.