Peteĩ Tupã Ra’y viáhe personal

Elder Neil L. Andersen rupive

Doce Apóstoles Quórum-pegua

Tupã konvénio ra’ykuéraicha, jahayhu, ña’onrra, ñamongaru, ñamo’ã ha ñamog̃uahẽporã umi espíritu oúvape múndo preterrenal-gui.

Peteĩteĩ ñande ñaime afectado ko pandemia mundial-re, familia ha amigokuéra omỹi haguére ñaha’arõ’ỹre amo gotyove mortalidágui. Pehejami chéve tahechakuaa mbohapy ojehechaga’u pypukúva, orrepresentáva opa umi jahayhuetévape.

Hermano ha Hermana Nsondi

Kóva ha’e hermano Philippe ha hermana Germaine Nsondi. Hermano Nsondi oĩkuri patriarca ramo Estáka Brazzaville, República del Congo-pe omano jave. Ha’e médiko okomparti marangatúva umi italénto ambuekuéra ndive. ¹

Clara Ruano Villareal-pegua

Kóva ha’e Hermana Clara Ruano Villareal de Tulcán, Ecuador-pegua. Ojoaju Tupaóre orekópe 34 áño ha ha’ékuri peteĩ líder ojehayhúva. Ifamilia odespidi chupe opurahéivo hi’imno favorito, “Aikuaa che Redentor oikoveha.” ²

Ray Tuineau ha ifamilia

Kóva ha’e hermano Ray Tuineau Utah-gua, ifamilia porãite reheve. Hembireko, Juliet, he’i: “Aipota [che membykuéra] [taimandu’a itúva] akóinte oñeha’ãhague omoĩ Tupãme raẽvete.” ³

Ñandejára he’íkuri, “Peikóta oñondive mborayhúpe, penerasẽ meve umi omanóvare.” ⁴

Ñanerasẽ aja, avei javy’a ñande Salvador rresurrecciõ gloriosa-re. Hese rupi, umi jahayhúva ha amigokuéra okontinuáta iviáhe eterno. Presidente ramo Joseph F. Smith omyesakã: “Ndaikatúi ñanderesarái chuguikuéra; ndaikatúi ndajahayhúi chupekuéra. … Oho tenonde; jaha tenonde; jakakuaa jahávo ha’ekuéra okakuaaháicha.” ⁵ Presidente Russell M. Nelson he’i: “Ñande mba’e’asy resaýgui … oiko anticipación resay.” ⁶

Jaikuaa tekove ñanase mboyve.

Ñande perspectiva eterna ndaha’éi ombokakuaánteva ñande kuaapy umi okontinuávagui iviáhe amo gotyove mortalida-gui, sino avei oipe’a ñande entendimiento umi omoñepyrũvare iviáhe ha ko’ág̃a ae oikévahina tekove yvy áriguápe.

Káda yvypóra oúva yvy ári ha’e peteĩ Tupã ra’y térã rajy ijojaha’ỹva. ⁷ Ñande viáhe personal noñepyrũi ñanasévo. Ñanase mboyve, ñaimémakuri oñondive peteĩ múndo ñembosako’i reheguápe “jarresivihápe [ñane] mbo’epy ñepyrũ espíritu-kuéra múndope.” ⁸ Jehová he’i Jeremías-pe, “Rojapo mboyve tyepýpe, roikuaáma; ha renase mboyve, rosantifika.” ⁹

Ikatu oĩ oñeporandúva tekovépa oñepyrũ, peteĩ embrión oikóvo, pe korasõ oñepyrũvo otytýi térã pe mitãra’y ikatúvo oikove okápe úterogui, ha katu ñandéve g̃uarã, ndaipóri dúda umi Tupã rajy ha ra’ykuéra espiritual oĩha hapépe. umi iviáhe personal-pe ouha yvy ári orresivi hag̃ua peteĩ tete ha ohasa hag̃ua mortalida rupi.

Tupã konvénio ra’ykuéraicha, jahayhu, ña’onrra, ñamongaru, ñamo’ã ha ñamog̃uahẽporã umi espíritu oúvape múndo preterrenal-gui.

Kuñanguéra contribución tuichaitéva.

Peteĩ kuñame g̃uarã, memby jeguereko ikatu peteĩ sacrificio tuicháva físico, emocional ha económico. Rohayhu ha ro’onrra ko tupaogua kuñanguéra hechapyrãvape. Katupyry ha arandu reheve, pegueraha umi pene familia kárga. Pehayhu. Peservi. Pejesacrifika. Pemombarete jerovia, peministra oikotevẽvape ha, kuaapy ha arandúpe, tuicha pekontribui sosiedápe.

Upe tekove ñemo’ã responsabilida marangatu

Ojapo áño, oñandúvo jepy’apy pypuku hetaiterei aborto oiko haguére múndope, presidente Gordon B. Hinckley oñe’ẽ Tupaogua kuñanguérape. “Peẽ tembireko ha sy ha’ehína ánkla pene familia-pe g̃uarã. Pegueraha mitãme. Mba’e responsabilida tuichaite ha isagrádova upéva. …. Mba’e ojehuhína upe ñande tekove humano santida ñemomba’ére? Pe aborto niko ivai, iñarõ, oiko ha imbojeguarupýva, iñasãiva hína yvy ári. Ajerure’asy umi tupaogua kuñanguérape to’evita, toñemantene hi’ári, toñemantene mombyry umi situacion comprometedora-gui ojapóva tojeipota. Ikatu oĩ sa’i circunstancia ikatuhápe oiko, ha katu sa’ieterei. … Peẽ hína umi Tupã ra’y ha rajykuéra sy, umi hekove marangatúva. Ñamo’ã chupekuéra peteĩ responsabilida divinamente oñeme’ẽva’ekue ikatu’ỹva jaheja rei.” ¹¹ 12

Élder Marcus B. Nash omombe’u chéve peteĩ kuñakarai 84 áño orekóva historia, upe iñentrevista bautismal-pe, “orrekonose ojapohague peteĩ aborto [heta áño upe mboyve].” Emoción añetére, he’i: “Agueraha pe kárga a’abortahague peteĩ mitã opa ára 46 áño che rekove aja. … Mba’eve ajapóva oipe’áta chehegui pe mba’e’asy ha kúlpa. Aĩ desesperada chembo’e peve hikuái upe Jesucristo evangelio añetegua. A’aprende añearrepenti … ha sapy’aitépe cherenyhẽ esperanza-gui. Ipahápe aikuaa ikatuha añeperdona añearrepenti añetéramo che pekadokuérare.” ¹² 14

Mba’eichaitépa ñaime agradecido umi arrepentimiento ha perdón don divinokuérare.

Mba’e ikatu jajapo?

Mba’épa ñane responsabilida Jesucristo discípulo pacífico-kuéraicha? Tajavivi Tupã mandamiento-kuéra, tañambo’e ñane mitãnguéra ha tañakombarti ambue oĩvandi dispuesto ohendu. ¹³ Tañakombarti ñane sentimiento ipypukuvéva pe tekove santida rehe umi ojapyhývandi umi decision socieda-pe. Ikatu nomomba’epái umi jaroviáva, ha katu ñañembo’e ikatu hag̃uáicha oikũmby porãve mba’érepa, ñandéve g̃uarã, ko’ã decision oho amo gotyove peteĩ yvypóra oipotávagui hekovépe g̃uarã.

Oñeha’arõrõ peteĩ mitã ojeipota’ỹva, ñamyasãi ñande po mborayhu reheve, ñamokyre’ỹ ha, oñeikotevẽramo, ñaipytyvõ financieramente, ñamombaretévo upe sy oheja hag̃ua imemby tonase ha totokontinua iviáhe mortalida pukukue. ¹⁴

Pe adopción porãite

Ore familia-pe, rojehovasaitereíkuri, ojapógui mokõi dékada, peteĩ mitãkuña 16 áño orekóva oikuaa oha’arõha hína peteĩ mita. Ha’e ha mitã ru nomendái ha ndohechái mba’éichapa ohóta tenonde oñondive. Pe mitãkuña oikuaa pe tekove ogueraháva ovaletereiha. Oreko peteĩ mitãkuña’i ha oheja peteĩ familia ijojáva o’adopta chupe imba’erõguáicha. Bryce ha Jolinne-pe g̃uarã, ha’ékuri umi iñembo’e ñembohovái. Ohenói chupe Emily ha ombo’e chupe tojerovia Tupã Yvagagua ha Ita’ýra, Jesucristo-re.

Emily ha Christian

Emily okakuaa. Mba’eichaitépa roime agradecido Emily ha ore niéto, Christian, oñe’enamora ha omendahague hikuái Ñandejára rógape. Emily ha Christian ko’ág̃a orekóma peteĩ mitãkuña’i.

Emily imembykuña’i reheve.

Emily ohai ramoite: “Umi nuéve mése cheryeguasu pukukue, areko tiempo apensávo umi evento [pe] chegueronaséramoguare. Apensa che sy biológica-re, 16 áñonte orekóvare. Ahasa aja umi mba’e’asy ha ñemoambue oguerúva tyeguasu, ndaikatúi añe’imagina’ỹ oiméne hasyetéra’e upe voiete 16 áñonte oguerekópe. … Tesay oñehẽ apensáramo che sy biológica-re, oikuaáva ndaikatuiha ome’ẽ chéve tekove [oipotáva chéve g̃uarã ha desinteresadamente] cheme’ẽva adopción-pe. Ndaikatúi oñeimagina ikatúvakuri ojehu umi nuéve mése ohasávape; oñemañávo hese tesa oporohuzgávare hete iñambue aja, umi ohasava’erãkuri adolescente ramo ohechaga’úpe, oikuaávo upe sy rembiapo mborayhu pahápe, omoĩtaha imemby ambue jyva ári. A’agradeseterei oiporavóre desinteresadamente, ha’e ndoiporavói oipuru isãso oipe’ávo chemba’éva.” Emily ombopaha: “A’agradeseterei pe Túva Yvagagua plan divino-re, umi che rukuéra ijojaha’ỹva [cherayhu ha oñangarekova’ekue cherehe] ha umi templo ikatuhápe jajesella ñane familia-kuérandi eternida pukukue.” ¹⁵

Ta’anga collage

Salvador “ajagarra peteĩ mitã ha omoĩ imbytepekuéra; oimeraẽ omog̃uahẽva peteĩ [ko’ã] mitã che rérape, chéve chemog̃uahẽ” ¹⁷

Umi potapy ijojáva ne’irãramo oiko

Amog̃uahẽ che mborayhu ha poriahuvereko umi paréha ijojávare omendáva ha ikatu’ỹva imemby oha’arõva tuicha kyre’ỹ reheve ha umi kuña ha kuimba’e ndorekóiva oportunida omendávo Tupã léipe he’iháicha. Umi tekove kerayvoty ndojehupytýiva niko hasy ña’entende hag̃ua oñemañáramo upe mortalida perspectiva añóguinte. Ñandejára siervo ramo, apromete peẽme pendejeroviarekóramo Jesucristo ha pene konveniokuérare, pejapyhýtaha tovasapy compensatorias ko tekovépe ha umi nde potapy ijojáva Ñandejára tiempo eterno-pe. ¹⁷ Ikatu oĩ vy’apavẽ ko tekove terrenal viáhepe uvei umi opa ñane esperanza ijojáva ndojehupytýiramo jepe ¹⁸

Onase rire, mitãnguéra oikotevẽnte ñande pytyvõ. Heta oĩ oikotevẽtereíva. Káda áño, obispo-kuéra cariñoso rupi ha umi pende ofrenda de ayuno ha fondo humanitario contribución marangatu rupive, millone ha millone mitã rekove ojehovasa. Primera Presidencia he’iramoite 20 millones dólares-ve oñemoĩkuri oñeipytyvõ hag̃ua UNICEF-pe umi iñeha’ã global-pe o’administra hag̃ua dos mil millones vakúna. ¹⁹ Tupã ohayhu mitãme.

Pe peteĩ mitã jeguereko sagrada decisión

Ñandepy’apy umi tetã iprósperovéva ko múndope, onase’iveha mitãnguéra ²⁰ “Tupã mandamiento ita’yrakuéra oñemultiplika ha omyenyhẽ hag̃ua yvy oĩ gueteri.” ²¹ Araka’e ha mboy mitãpa ojeguerekóta umíva hína decision privada ména, tembireko, ha Ñandejára apytépe. Jerovia ha ñembo’e reheve,ko decisión sagrada ikatu peteĩ experiencia iporãmbajepéva ha irreveladórava. ²²

Akomparti ko familia Laing California sur-gua historia. Hermana Rebecca Laing ohai:

Familia Laing

Pe verano 2011-pe, ore familia rekove ha’ete iperfectava. Romenda vy’apavẽme ha roreko irundy mitã: orekóva 9, 7, 5 y 3 áño. …

Umi che ryeguasu ha che partokuéra [ha’ékuri] de alto riesgo … [ha] roñeñandu [heta] rojehovasa hague irundy mitãre, [ropensávo] ore familia ikompletoha. Octubre-pe, ahendu aja conferencia general, añandu pe sensación ijojaha’ỹva roguerekotaha ambue mitãra’y. LeGrand ha che romedita ha roñembo’e aja, … roikuaa Tupã orekoha peteĩ plan iñambuéva oréve g̃uarã ore roguerekóvagui.

Ambue embarazo ha parto hasy rire, rojehovasa peteĩ mitãkuña’i porã reheve. Rohenói Brielle. Ha’e peteĩ milagro. Onase riremi, ai aja gueteri pe [sala de partos-pe], ahendu pe Espíritu ñe’ẽpu ijojaha’ỹva he’ívo: ‘Oĩve peteĩ’

“Mbohapy áño rire, ambue milagro, Mia. Brielle ha Mia tuicha vy’a ore familia-kuérape g̃uarã”. Ha’e ombopaha, “Ñaime abierto Ñandejára gotyo ha jasegi Iplan ñandéve g̃uarã akóinte oguerúta hetave vy’apavẽ pe … jajerovia rãngue ñande propio entendimiento-re.” ²³

Brielle ha Mia Laing

Salvador ohayhu káda mitã porãitépe.

“Ha ojagarra imitãnguéra michĩme, peteĩteĩ, ha ohovasa, . …

Ha … ha’ekuéra ohupi hesakuéra yvága gotyo, … ha ohecha ánhelkuéra oguejývo yvágagui … tata rendy mbytépe; ha [umi ánhel] … ojere umi mitãnguérare, … ha ánhelkuéra oministra chupekuéra ²⁴

Atestifika peẽme pende viáhe personal Tupã ra’ýicha noñepyrũihague peẽme g̃uarã pe arapytu og̃uahẽ ñepyrũvo pene pulmon-pe ha ndopamo’ãiha peme’ẽvove pene pytuhe paha mortalida-pe.

Akóinte tañanemandu’a káda Tupã ra’y espiritual ouha yvy ári iviáhe personal ojapóvo. ²⁵ Tañamog̃uahẽ chupekuéra, tañamo’ã ha tajahayhu akóinte. Jarresivívo ko’ã mitã porãite Salvador rérape ha ñaipytyvõ chupekuéra iviáhe eterno-pe, apromete peẽme Ñandejára penderovasataha ha ohykuavóta Imborayhu ha aprobación pende ári. Jesucristo rérape, Amén.

Notakuéra

1. Correspondencia personal.

2. Correspondencia personal. Tojehecha “Che aikuaa che Redentor oikoveha,” Himno-kuéra, no. 136.

3. Correspondencia personal.

4. Doctrina y Convenios 42:45.

5. George Albert Smith, Conference Report, abril 1916, 3.

6. Upe Trent Toone-pe, “‘Peteĩ gozo plenitu’: presidente Nelson ome’ẽ peteĩ mensaje vida eterna rehegua itajýra funeral-pe,” Tupao momaranduEn. 19, 2019, thechurchnews.com.

7. Tohejecha “La Familia: Una Proclamación para el MundoChurchofJesusChrist.org.

8. Doctrina y Convenios 138:56.

9. Jeremias 1:5 Nuevo Testamento omombe’u upe ne’irãva onase Juan el Bautista opopohague Elisabet ryepýpe ojejuhúvo María ndive, oha’arõva hína mitã Jesús-pe (tojehecha Lucas 1:41

10. Pe Jesucristo Tupao Santokuéra Ára Pahápeguape g̃uarã posición oficial.

    Jesucristo Tupao Santokuéra Ára Pahápegua oguerovia tekove umáno santida. Upévare, Tupao oñeopone aborto electivo-re conveniencia personal térã social-re, ha o’aconseha imiembrokuérape ani hag̃ua oñesomete, tojapo, tomokyre’ỹ, topaga ni to’arregla umi aborto.

    “Tupao opermiti excepcion imiembrokuérape g̃uarã:

    “Pe tyeguasu ha’éramo peteĩ violación térã incesto rire, térã

    “Peteĩ médico competente odeterminaramo pe sy rekove térã hesãi oĩha tuicha peligro-pe, térã

    “Peteĩ médico competente odetermináramo pe féto oreko defecto grave opermiti’ỹtava pe mitã oikove onase rire.

    “Tupao nombo’éi imiembrokuérape uvei umi rara excepcion ndohustifikái automáticamente upe aborto. Pe aborto niko peteĩ asunto serio ha oñekonsiderava’erã umi yvypóra involucrado okonsulta rire umi Tupaogua lídere itupao local-pe ha oñandu ñembo’e personal rupi pe idecisiõ oiporãha.

    “Tupao ndofavoreséi ni noñeoponéi umi propuesta legislativa téra manifestacione pública aborto reheguápe”aborto,” Newsroom, newsroom.ChurchofJesusChrist.org; tojehecha avei General Handbook: Serving Jesucristo Tupao Santokuéra Ára Pahápeguápe , 38.6.1, ChurchofJesusChrist.org).

11. Gordon B. Hinckley, “Ojeguatávo Ñandejára resapére,,” Ensign, Nov. 1998, 99; Liahona, Enero. 1999, 117.

    Presidente Gordon B. Hinckley he’i:

    Presidente Gordon B. Hinckley he’i: “Pe aborto niko mba’e vaiete, peteĩ mba’e oporo’apo’íva, peteĩ mba’e ogueruva’erã remordimiento vy’a’ỹ ha ñembyasy.

    “Rodenunsiávo jepeve, rojapo concesiones pe tyegasu ou jave incesto térã peteĩ violación rupi, pe autorida médica competente he’ívo pe sy rekove térã isalu ohasaha hína tuicha peligro, térã upe feto oreko jave defecto grave nopermitimo’ãiva chupe oikove onase rire.

    Ha katu umichagua káso sa’i ha oĩ peteĩ probabilida insignificante oikóvo. Umi circunstancia-pe, ombohováivape porandu ojejerure toñemongeta umi líder eclesiástico local ndive ha toñembo’e tuicha serieda reheve, omog̃uahẽvo peteĩ confirmación ñembo’e rupi okontinua mboyve” (“Mba’e oporandu umi gente ñanderehe?,” Ensign, Nov. 1998, 71; Liahona, Enero 1999, 83–84).

12. Tojehecha Neil L. Andersen, Upe perdón don divino(2019), 25.

    Peteĩ jey Francia-pe, peteĩ entrevista bautismal aja, peteĩ kuña oñe’ẽ chéve ijabórtogui oikova’ekue heta áño upe mboyve. Aĩ agradecido ipy’aporãre. Ha’e ikarai. Haimete peteĩ año upe rire, arresiví peteĩ ñehenói telefónico. Ko kuña maravillosa pe áño ohasava’ekue ikarai rire oñembo’e’uka Espíritu Santo-re. Ohenói tasẽ reheve: “Nemandu’ápa añe’ẽhague ndéve peteĩ aborto-re ojapo áño? Ambyasy ajapova’ekue. Ha katu [ko] áño paha chemoambue. … Che korasõ ojere Salvador gotyo. … Hasyeterei chéve upe che pekádo graveda ndarekói peve mba’éichapa amyengoviáta.”

    Añandu Ñandejára mborayhu tuichaite ko kuñáre. Presidente Boyd K. Packer he’i: “Ñamyengovia ikatu’ỹva oñemyengovia, ñaipohãno ikatu’ỹva oñeipohãno, ñamyatyrõ pe oñemopẽva’ekue ha’e pe Cristo expiasiõ propósito-ite. Ñande potapy imbaretéramo ha ñaime dispuesto japagávo pe ‘máximo centavo,’ (tojehechaMateo 5:25–26pe restitusiõ rehegua léi oĩ suspendida. Ne obligasiõ ohasa Ñandejárape. Tojehecha Boyd K. Packer,“ (“Perdón ko’ẽ mimbi,”,” Liahona,Nov. 1995, 19-20). A’asegura chupe Salvador mborayhu. Ñandejára ndoipe’ái chugui ipekádo; omombarete ha orrefina ijespíritu. (Tojehecha Neil L. Andersen, Upe perdón don divino, 154–56.)

13. Tojehecha Dallin H. Oaks, “Eñangareko mitãre”,, Liahona, Nov. 2012, 43–46.

14. Peteĩ tajýra térã ta’ýra ñemo’ã ha’e avei pe túva responsabilida. Opa túva oreko responsabilida emocional, espiritual ha financiera orresivívo, ohayhu ha oñangareko pe mitã oúva yvy ári.

15. Correspondencia personal.

16. Marcos 9:36–37.

17. Tojehecha Neil L. Andersen, “Peteĩ poder espiritual compensatorio hekojojávape g̃uarã”(Brigham Young Universidad devocional, agosto 18, 2015-pe), speeches.byu.edu .

18. Tojehecha Dallin H. Oaks, “Pe vy’apavẽ rehegua Plan tuichaite,” Liahona Nov. 1993, 75; tojehecha avei Russell M. Nelson, “Jeiporavo,” Liahona Nov. 1990, 75.

19. Tojehecha “Obispo Caussé o’agradese UNICEF ha tupaogua miembro-kuérape pe COVID-19 alivio-re,” Sala de prensa, Mar. 5, 2021, newsroom.ChurchofJesusChrist.org.

20. Ejemplo ramo, Estados Unidos omantene rire ifertilidad tása 2008-pe, ojapo 13 áñonte, oĩveva’erãmo’ã 5,8 millones mitã oikovéva ko’ág̃a (tojehecha “5.8 millones sa’ive mitãra’y: pe fertilidad dékada oñehundíva Estados Unidos-pe”, Instituto de Estudios Familiares, Feb. 3, 2021, ifstudies.org/blog).

21. La Familia: Una Proclamación para el MundoChurchofJesusChrist.org. Escritura-kuéra orregistra umi “mitãnguéra ha’eha peteĩ Ñandejára herencia”(Salmo 127:3 Tojehecha Russell M. Nelson, “Imbaretete ñande mopyenda,” Liahona, July 2002, 83–84; tojehecha avei Dallin H. Oaks, “Añetegua ha pe Plan,” Liahona, Nov. 2018, 27.

22. Tojehecha Neil L. Andersen, “Mitãnguéra,” “LiahonaNov. 2011, 28.

23. Correspondencia personal, Mar. 10, 2021.

24. 3 Nefi 17:21, 24.

25. “Añete, opavave ñande viajero, uvei explorador mortalidápe Ndajarekói upe experiencia personal raẽve beneficio ramo. Jahasava’erã umi precipicios escarpados ha y ñarõ rupi ko ñande viáhepe ko yvy ári” (Thomas S. Monson, “Pe puénte apohare,” LiahonaNov. 2003, 67).