Jahovasa Hérape
Ko sacerdocio jarrecivíva propósito ha’e ikatu hag̃ua jahovasa hentekuérape Ñandejárape g̃uarã, upéicha jajapóvo Hérape.
Che hermano-kuéra pohayhúva, consiervoTupã sacerdocio-pe, añeñandu porãite añe’ẽvo peẽme ko pyharépe. Chepy’aite guivegua respeto ha aguije peẽme g̃uarã. Añemongeta jave jepi penendive ha ahendu pende jerovia mbaretéva, che aikuaa okakuaaveha sacerdocio pu’aka ko múndope, imbaretevéva quórum ha poseedor del sacerdocio ijeroviavéva reheve.
Ko pyharépe añe’ẽ aja sapy’aitemi, añe’ẽta umi ojapo porãsevévape sacerdocio-pegua hembiapo ha servicio. Peẽ peikuaa mandato pemagnifika hag̃ua pende llamamiento peservi hag̃ua.1 Pero peẽ ikatu peñeporandu mba’épa he’ise pemaginifika pende llamamiento.
Añepyrũta umi diácono-pegua ipyahuvévandi, porque ha’ekuéra ikatu oñeñandu insegúro mba’épa he’ise omagnifikávo iservicio sacerdocio-pegua. Elderkuéra oñe’ordenaramóva avei ikatu ojapysaka. Peteĩ obispo oservíva primera semana jave ikatúta ohenduse avei.
Heta mba’e a’aprende apensávo ymave como diácono. Hi’ãite upéramo guare oñekomparti chendive ko’ã mba’e ko’ág̃a asuheritáva peẽme. Ikatúkuri chepytyvõ opa sacerdocio asignación aguerekoakuépe upe ára guive—jepeve ko árape arrecivívape.
Añe’ordenava’ekue como diácono peteĩ rráma michĩvape ha che ha’eva’ekue peteĩmi diácono ha che hermano Ted ha’éva maestro. Ore ha’e peteĩmi familia ore rrámape. Pe rráma entero oñerreuni ore rógape. Ore líder del sacerdocio ha’ékuri peteĩ converso pyahu orreciviramóva sacerdocio. Che aguerovia upéramo che sacerdocio obligación peteĩete ha’eha arreparti santa cena ore comedor-pe.
Che familia ovarõ guare Utah-pe, che ajetopa peteĩ barrio tuichávape ha heta diácono. Primer che reunión sacramental upépe, ahecha diácono-kuéra—chéve g̃uarã ha’ete peteĩ ejército—oguatáva oñondive ombohasávo santa cena.
Che ajepy’apýgui siguiente domingo aha voi porã pe capilla-pe aime hag̃ua che’año ha ani hag̃ua avave che recha. Chemandu’a aikova’ekue Barrio Yalecrest Lago Salado-pe, ha upe tendápe oĩ peteĩ estatua pe yvy ári. Akañy pe estatua kupépe ha añembo’e che py’aite guive ahekávo pytyvõ ani hag̃ua ajavy ambohasávo pe santa cena. Upe ñembo’e oñembohováikuri.
Pero che aikuaa oĩha mejor manera ñañembo’e ha ñapensa ñañeha’ãvo jakakuaa ñande sacerdocio servicio jave. Ou che akãme pe entendimiento mba’érepa oñeme’ẽ ñandéve ko sacerdocio. Pe propósito jarrecibi rupi ko sacerdocio ha’e jahovasa hag̃ua hentekuérape Ñandejára rendague, jajapóvo Hérape.2
Ohasa heta ary añehenói rire como diácono aikuaa mba’épa péva he’ise en la práctica. Por ehémplo, como sumo sacerdote, oñe’asignava’ekue chéve a’visita peteĩ residencia de anciano-pegua reunión sacramental. Ojejerure chéve arreparti hag̃ua santa cena. Apensa rangue pe proceso térã precisión mba’éichapa arreparti santa cena, upéva rãngue ama’ẽ umi persona rováre. Hetápe ahecha hesay hováre. Peteĩ kuñakarai ojagarra che manga, omaña cherehe, ha he’i en voz alta “Oh, aguije, aguije”.
Tupã ohovasa che servicio ajapova’ekue Hérape. Upe árape che añembo’e milagro rehe añembo’e rãngue mba’éichapa ajapóta che párte. Añembo’e hentekuérare oñandu hag̃ua Ñandejára mborayhu che servicio mborayhúpe ajapóva rupive. Che aikuaa kóva ha’eha clave jaservi jave ha péicha jahovasa ñande rapichápe Hérape.
Che ahendu peteĩ experiencia reciente chemomandu’áva péichagua mborayhu. Opa Tupaogua rreuniõ oñesuspende rire debido al COVID 19 pandemia, peteĩ hermano ministrante orrecibi asignación ipresidente quórum de elderes-gui, ohovasa ha o’administra hag̃ua santa cena peteĩ hermana ha’e oministrávape. Ha’e ohenóivo chupe o’ofrece hag̃ua ogueraha santa centa, ha’e o’acepta de mala gana, ndoipotáigui osẽ hógagui ko momento ijetu’úva javépe ha avei oimo’ã rupi la situación pya’e oĩporã jeytaha.
Ha’e og̃uahẽvo hógape upe domingo pyhareve, ha’e orekókuri peteĩ jerure. Ikatúpa ha’ekuéra oho ivecina rógape ha avei okomparti pe santa cena ivecina de 87 áños ndive? Obispo opermitíramo, ha’e ombohovái.
Heta, heta semana rupive, ha oñatendévo pe distanciamiento social reheve ha ambue medida sanitaria-re, upe Santokuéra grupo michĩmíva oñembyaty cada domingo ojapóvo peteĩ servicio sacramental sencillo. Apenami oĩ pan pedazo ha vasitos de agua—pero heta tesay oñeñohẽ Tupã mborahayhu ha mba’eporã rupi.
Ohasávo tiempo ko hermano ministrante, ifamilia ha hermana ha’e oministrava’ekue oho jey tupaópe. Pero 87 áños orekóva viuda, ivecina, opytava’erã hógape, por precaución. Ko hermano ministrante—penemandu’a hi’asignación ha’ékuri ivecínape g̃uarã añónte ha pe hermana ijedáva ndaha’éikuri hi’asignación—ko ára peve oho gueteri hógape cada domingo, escritura ha pan pedazo ipópe, o’administra hag̃ua sacramento, Ñandejára mba’éva cena.
Sacerdocio-pegua iservicio, che ajapo haguéicha upe árape casa de residencia-pe, ojejapóva mborayhu rupive. Upévare, ko hermano ministrante nda’aréi oporanduhague hi’obíspope oĩpa ambue hermano ikatúvare ha’e oñatende. Ha’e omagnifikase rupi isacerdocio servicio ha okakuaávo Ñandejára rérape ha peteĩ manera Ha’émante oikuaáva. Che ndaikuaái ko hermano ministrante oñembo’épa, che ajapo haguéicha, opa umi ha’e oservívape oñandu hag̃ua Ñandejára mborayhu, ha katu pe iservicio ha’e rupi Ñandejára rérape, oreko el mismo resultado.
Péichagua resultado iporãva a’consegui añembo’e jave ame’ẽ mboyve sacerdocio bendición umi hasykatúva ha oikotevẽvape. Una vez ojehu chéve aime jave hospital-pe umi doctor impaciente ojerure chéve—ndojeruréi añónte sino—o’ordena chéve—pya’e asẽ hag̃ua hapégui ojapo hag̃ua hikuái hembiapo, ome’ẽ rangue chéve oportunidad aporohovasa hag̃ua sacerdocio rupive. Che apyta, ha ame’ẽ upe bendición. Ha upe mitãkuña’i ahovasava’ekue upe árape, umi doctor oimo’ãva’ekue omanotamaha, ha’e oikove. Che aguije ko momento-pe, upe árape ndahejái rupi umi che añandúva che joko ha katu añanduva’ekue Ñandejára oipotaha ahovasa ko mitãkuña’ípe. Che aikuaákuri mba’éichapa ahovasáta chupe ha ahovasa chupe okuera hag̃ua. Ha ha’e okuerákuri.
Heta véce ojehu chéve ame’ẽvo bendición umi ha’etévaicha omano potaitémava, ifamiliakuéra oĩva hupa jerére, oha’arõva peteĩ bendición okuera hag̃ua. Jepeve arekóramo michĩmi tiempo, añembo’e aikuaa hag̃ua mba’éichagua bendición-pa Ñandejára oipota ame’ẽ Hérape. Ha che aporandu mba’éichapa Ha’e oipota ahovasa pe persona-pe ha ndaha’éi pe che térã ihentekuéra oñembo’ýva ijykére oipotáva. Che experiencia rupive aunque ko bendición ndaha’éi ambue oipotáva ijupe g̃uarã, térã ha’ekuéra ohayhúvape g̃uarã, pe Espíritu opoko ikorasõrekuéra o’acepta ha o’rrecibi hag̃ua consuelo vy’a’ỹ rangue.
Péichagua inspiración ou patriarca-kuéra o’ayuna ha oñembo’e jave ohekávo guía ome’ẽ hag̃ua Ñandejára oipotáva bendición peteĩ persona-pe g̃uarã. Heta véce ahendu ame’ẽ jave bendición añe’sorprende ha avei o’sorprende pe persona orrecivíva bendición. Sin duda, pe bendición ha’ékuri Ñandejáragui oúva, mokõivéva, advertencia oguerekóva ha avei umi promésa oñekompartíva Hérape. Patriarca oración ha ayuno Ñandejára orrekompensa.
Como Obispo, che aikuaákuri ajapo aja entrevista de dignidad añembo’e Ñandejárape añandu hag̃ua mba’épa Ha’e oipota pe persona-pe g̃uarã, ha ani che propio entendimiento onubla pe inspiración Ha’e ome’ẽseva. Kóva ijetu’u Ñandejára imborayhúpe, ohovasase jave con corrección. Tekotevẽ ñañeha’ã jaikuaa hag̃ua Ñandejára oipotáva pe mba’e jaipotávagui ha ambue tapicha oipotávagui avei.
Che aguerovia ikatuha ñamagnifika ñande sacerdocio-pegua servicio yvy apére jaiko aja ha ikatu avei amo otro lado. Odependéta ñande diligencia-re ñañeha’ãvo jaikuaa Ñandejára voluntad ha ñañeha’ã ñahendu Iñe’ẽ, péicha ikatúta jaikuaa porãve mba’épa Ha’e oipota pe persona Hese jaservivápe g̃uarã. Ko magnificación mbeguekatúpe og̃uahẽta. Ikatu otarda og̃uahẽ hag̃ua, ha katu og̃uahẽta. Tupã opromete kóva ñandéve:
“Upe hekojojáva ohupyty peve ko mokõi sacerdocio che añe’ẽvare, ha omagnifikáramo illamamientokuéra, oñesantifika Espíritu rupive ipyahujey hag̃ua hete rekove.
Oiko chuguikuéra Moisés ha Aarón ra’y ha Abraham ñemoñare, ha tupao ha rréino, ha Tupã poravopyre.
“Ha avei opavave umi orrecivíva ko sacerdocio chéve avei che rrecibi, péicha he’i Ñandejára”.3
Ha’e che testimónio llavekuéra sacerdocio rehegua ojerrestaura hague Proféta José Smith-pe. Ñandejára siervo-kuéra oguejy yvágagui orrestaura hag̃ua ko sacerdocio umi evento tuicha jahecháva oikotaha ha oĩva ñande raperãme. Isreal oñembyatýta. Ñandejára hentekuéra oĩta preparado pe Igloriosóva Segunda Venida-rã. Ko Restauración okontinuáta. Ñandejára ohechaukáta gueteri heta mba’e Ivoluntad rehegua Iproféta ha Isiervokuérape.
Ikatu peñandu penemichĩha peñekomparávo umi túicháva cambio Ñandejára ojapótava rupi. Péicha peñeñandúramo, ajerure peẽme peñembo’e peporandu hag̃ua mba’éichapa Ñandejára pende recha. Ha’e pendeikuaa personalmente, Ha’e omoĩ pene akã’ári Isacerdocio, ha peẽ pemopu’ã ha pemagnifikáva ko sacerdocio ha’e tuicha mba’e Chupe g̃uarã, porque Ha’e pende rayhu ha Ha’e okonfia penderehe pehovasataha Hérape umi hénte Ha’e ohayhúvape.
Che pohovasa ko’ág̃a ikatu hag̃uáicha peñandu Imborayhu, ha Ijeroviapy, Ñandejára Jesucristo rérape. Amén