Tupã ohayhu Ita’yrakuérape
Akompartise mbohapy manéra específica ñande Ru Yvagagua ohechaukaha Imborayhu ñanderehe, Ita’yrakuéra.
Hermano ha hermana-kuéra, avy’a penendive Jesucristo evanhéliope. Agueru chendive miembro-kuéra ivaléva Filipinas-gua mboyrayhu ha herapekuéra ha’e, Mabuhay!
Ko Pascua pyhareve, Che atestifika Jesucristo oikovévagui, Ha’e apu’ãhague ñemanógui ha Imborayhu ñenderehe ha ñande Ru Yvagaguáre ipotĩ ha ijapyra’ỹ. Ko ára, añe’enfokáta Túva Yvagagua ha Jesucristo mborayhu opavavére, ojehechaukáva Jesucristo Expiasiõ rupive. “Tupã ohayhuetégui yvórape, ome’ẽakue Ta’ýra Unihénito”(Juan 3:16).
Peteĩ ánhel oporandúvo proféta Nefi-pe kuaapy orekóva Tupã rehe, Nefi péichante ombohovái, “Che aikuaa ha’e ohayhuha ita’yrakuérape” (tojehecha 1 Nefi 11:16–17).
Peteĩ verso Mormón Kuatiañe’ẽ: Ambue Jesucristo Testamento omohesakã porãite Salvador mborayhu porãmba: “Ha pe yvóra, hembiapovai rupi, ohusgáta chupe ndahaʼeiramoguáicha mbaʼeve; … ohavira chupe hikuái, … ombyepoti chupe hikuái, … ondyvu hikuái hiʼári, ha haʼe ogueropuʼaka, pe imborayhu porã ha ipyʼaporãgui yvyporakuéra raʼy ndive” (1 Nefi 9:9). Salvador mborayhu universal ha’e pu’aka omokyre’ỹva opa mba’e Ha’e ojapóva. Ñande jaikuaa kóva ha’eha mborayhu ñande Ru Yvagagua orekóva ñanderehe, Salvador mirĩme ombo’e rupi, Ha’e ha pe Túva “peteĩnteha” (tojehecha Juan 10:30; 17:20–23).
Upérõ, mba’éicha ñamyengovia ha jahechauka ñande aguije Imborayhukuéra universal-re? Salvador ñanembo’eakue ko invitasiõ hasy’ỹva ha okomplétoa rupive: “Cherayhúramo, peñongatu che rembiapoukapykuéra” (Juan 14:15).
Presidente Dallin H. Oaks ombo’eakue, “Tupã mborayhu universal ha perfecto ojehechauka opa jehovasa Iplan evanhélio reheguápe, ha umi Ijehovasa poravopyrépe jepe, ñongatupýpe oĩva umi Iléire iñe’ẽrendúvape g̃uarã”.1
Akompartise mbohapy manéra específica ñande Ru Yvagagua ohechaukaha Imborayhu ñanderehe, Ita’yrakuéra.
Primero, umi rrelasiõ Tupã ndivegua ha Familia ndivegua Ohechauka Imborayhu
Ñane rrelasiõ hepyvéva ha’e Túva ha Ta’ýra ha ñane familia ndivegua, ñandejoaju hendivekuéra ha’égui eterno. Pe tuicha plan vy’apavẽ rehegua ha’e hechapyrãva techaukaha Tupã mborayhúgui ñanderehe. Ñamaña mbaretévo Tupã plan rehe, ñande jehegui jaiporavo jajo’o ñane ángagui umi mba’e ky’a oapojáva ñande potapykuéra, ha ñamyengovia umíva pyendakuéra omopu’ãvare umi rrelasiõ eterna. Ha péicha, kóva ikatu ojehero “jejo’o espiritual”. Jajapo hag̃ua ñande jejo’o espiritual, primerorã jahekava’erã Tupãme, ha ñahenói Chupe (tojehecha Jeremías 29:12–13).
Jahekávo ha ñahenóivo Chupe, omoñepyrũta tape ha ome’ẽta tenda ñamopu’ã ha ñamombarete hag̃ua umi ñane rrelasiõ eterna. Ombotuicháta ñane visiõ espiritual ha ñanepytyvõta ñañe’enfoka ñakambiávo pe ikatúva ñakontrola, ñama’ẽ rangue kyhyje ikatu’ỹvare ñakontrola. Jastudiávo ñande Salvador Jesucristo rekove ha ministério, ikatúta jahecha ko’ã ambue jepy’apy peteĩ perspectiva eterna-pe.
Sapy’ánte, umi distrasiõ ndohejái ñañandu Tupã mborayhu ñane rrelasiõ familiar ha ñane rembiapópe. Peteĩ sy, oñandúva umi aparato electrónico ojagarrapa hína irrelasiõ familiar, ojuhu peteĩ solusiõ. Mesa oñesenahápe, ha ambue momento familiar-pe, ha’e osapukái, “telefono-kuéra mombyry meságui; jarekomi ára ojováre”. Ha’e he’i kóva ha’eha ifamília normalida pyahu, ha omombareteha irrelasiõkuéra familia háicha, oñemongeta añetévo añondive ojováre. Ko’ág̃a ha’ekuéra ohesa’ỹijo porãite oñondive Eju, Chesegui en familia.
Segundo, Ha’e ohechauka Imborauhy Ita’yrakuérape Profetakuéra ñehenói rupive.
Ñane múndo ko’ág̃agua oñapymi peteĩ “ñe’ẽ ñorairõ ha opiniõ guyryrýpe” (José Smith—Historia 1:10). Pablo ñanemomandu’a “oĩha … opáichagua ñe’ẽpu ko múndope” (1 Corintios 14:10). Mávapa opa umi ñe’ẽpúgui opu’ã tesakãme ha mbareteporãite umi ñe’ẽ ñorairõ ári? Ha’e umi Tupã proféta, vidente ha rrevelador ñe’ẽpu.
Chemandu’a porãite, ajopera rire 2018-pe, ha ahajeývo che trabajo-pe, aimékuri Tupao oficina general estacionamiento-pe. Peichahágui, ahendu Presidente Russell M. Nelson ñe’ẽpu cherenóiva, “Taniela, Taniela”. Añani oĩha gotyo, ha ha’e oporandu chéve mba’éichapa aime.
Che ha’e, “Ajerrekupera porãiterei hína Presidente Nelson.”
Ha’e ome’ẽ chéve peteĩ ñemoñe’ẽ ha peteĩ ñañua. Añetehápe añandu pe proféta ministrasiõ pe “peteĩme” g̃uarã.
Presidente Nelson oje’oiakue heta tetãme ko yvy ári. Che akãme, ndaha’éi oministráva miles-pe añónte, ha katu ha’e oministra multitud “peteĩkuérape”. Ha péicha ojapóvo, ha’e okomparti mborayhu Tupã orekóva opa Ita’yrakuérare.
Nda’aréi, umi Presidente Nelson ñe’ẽ ha’ehague fuente de fortaleza ha inspirasiõ tekovekuéra Filipinas-guápe. Opa múndo retãme ojehuháicha, 2020 aja, Filipinas tuicha ohasa’asy pandemia COVID-19 rupi, ha péicha avei peteĩ volkán jekapu, yvy ryrýi, tifón mbarete ha umi inundasiõ vaiete rupi.
Ha katu, proféta ñe’ẽnguéra ha’ékuri peteĩ pilar tataguiguáicha, omboguéva umi arai kyhyje ypytũ, tekora’eño ha py’atarova. Umíva oĩkuri peteĩ ñehenói mundial ajúno ha ñembo’erãme, ha ñemoñe’ẽ jaha meme hag̃ua tenonde gotyo pandemia pa’ũme jepe. Ha’e ñane’invitákuri jajapo hag̃ua ñande rogapýgui santuario personal de fe. Ha’e ohenóikuri Santokuéra Ára Pahapegua opa hendápe oĩva, orrespeta hag̃ua mayma Tupã ra’y ha rajykuérape ha ñamoĩ hag̃ua Tupãme rãeve ñande rekovépe.2
Péicha avei, iporãitékuri nda’areguaréi video Presidente Nelson testimónio gratitud pu’aka rehegua, ha iñembo’e paha hyapúkuri opa Filipinas-pe.3 Leyte provincia-pe, oñembohasa upe video peteĩ actividad intrarrelihióso aja, ha oñeñe’ẽ avei upévare peteĩ sacerdote homilía-pe. Opa múndoicha, Filipinas ojehovasaite oñandu haguére Tupã mborayhu, Iproféta jeporavopyre ñe’ẽ rupive.
Tercero, Jehavira ikatu ha’e Tupã Mborayhu rechaukaha Ita’yrakuérare
Sapy’ánte, Tupã ohechauka Imborayhu ñande havirávo. Péicha ñanemomandu’a Ha’e ñanderayhuha, ha Ha’e oikuaaha mávapa ñande ha’e. Jehovasa py’aguapy Ha’e oprometeakue oĩ opa umi py’aguasúpe oguatávape g̃uarã konveniokuéra rapére, ha umi oĩvape dispuesto ojerrekorrehi hag̃ua chupe.
Jahechakuaáramo pe jehavira ha ñeimeporãrõ ñamog̃uahẽ hag̃ua, pévagui oiko peteĩ operasiõ espiritual. Ha mávaiko orohory operasiõ? Ha katu umi oikotevẽva ha oĩva dispuesto orrecibi hag̃ua umíva, ikatu osalva hekove. Ñandejára ohavira umi Ohayhúvape. Escritura-kuéra péicha he’i ñandéve (tojehecha Hebreos 12:5–11; Helamán 12:3; Doctrina ha Konveniokuéra 1:27; 95:1. Upe jehavira térã operasiõ espiritual, oguerúta kámbio tekotevẽva ñande rekovépe. Jahechakuaáta, hermano ha hermana-kuéra, oñerrefina ha ojepurikikaha ñande ryepy.
José Smith, Rrestaurasiõgua Proféta ojehavirava’ekue. José ohundi rire umi 116 páhina Mormón Kuatiañe’ẽ manuscrito-gui, Ñandejára oja’o chupe ha ohechauka hese mborayhu he’ívo: “Nderekyhyjeveiva’erãmo’ã yvypóragui Tupãgui. … Ejeroviarekova’erãmo’ã kuri. … Péina ápe, nde ha’e José, ha rejeporavo. … Nemandu’áke, Tupã iporiahuvereko; upévare eñearrepenti” (Doctrina ha Konveniokuéra 3:7–10).
Ary 2016-pe, aservírõ guare peteĩ misiõ Little Rock, Arkansas-pe, ajerure hermano Cava-pe oguerahauka hag̃ua peteĩ paquete che ryke’y, oikóva peteĩ isla, Fiji-pe. Iñembohovái ndaha’éikuri peteĩ mba’e che aha’arõva. “Presidente Wakolo,” ipyahẽ, “nde ryke’y omanókuri ha ojapo 10 diáma oñeñotỹhague”. Añembyasy’imi ha jepeve chepochy’imi, che familia noñeha’ãi haguére oikuaaukami chéve.
Upe ára ko’ẽme, che rembireko ombo’e aja misionero-kuéra, ko pensamiento oike che ángape: “Taniela, opa ko’ã tembiasa ha’e ne ñeimeporãrã ha rekakuaa hag̃ua. Rembo’e ha rekompartiakue ne testimónio Jesucristo Expiasiõ rehe, ko’ág̃a upéicha reikova’erã”. Añemomandu’ákuri “ovy’aiteva’erãha pe kuimba’e Tupã okorrehívape: upévare, [anítei] ñambovai … pe Ipu’akapáva jehavira” (Job 5:17). Ha’eakue peteĩ operasiõ espiritual chéve g̃uarã, ha upepete ajerrekuperákuri.
Ajepy’amongeta aja ko ahasava’ekue rehe, ojejerure chéve ame’ẽ hag̃ua che pensamiento final ko mensáhape. Ambue mba’ekuéra apytépe, akompartíkuri umi lección añehekombo’e ramoiteakue: uno, ajehavira ramoitehague pe Espíritu Santo rupive, ha arohorýkuri kóva, che añoite ahendu haguére; dos, Salvador jehasa’asy ha rreskáte rupi, ndaheromo’ãvéima umi mba’evai ahasáva prueba ha tribulasiõ, ha katu che experiencia de aprendisáhe ramo; ha tercero, Hekove perfecto ha sin pekádo rupi, ndaheromo’ãvéima debilida, umi che defecto ha falta de habilida, ha katu che oportunida ramo ajedesarrolla hag̃ua. Ko experiencia che pytyvõ aikuaa hag̃ua, Tupã ñande havira Ha’e ñanderayhúgui.
Ambopaha. Ñande Ru Eterno ha Ita’ýra Jesucristo, ohechauka Imborayhukuéra, ohejávo jareko umi rrelasiõ ijapyra’ỹva Hendivekuéra, ha ñane familia-gua ndive, ohenóivo profetakuéra moderno, ñane mbo’e ha ñane ministra hag̃ua, ha ñande havoirávo ñane pytyvõ hag̃ua jaikuaa ha jakakuaa. “Aguije Tupãme, Ta’ýra divino don ijojaha’ỹre, ”4 ñane Ñandejára oikovejeyakue, jepeve Cristo oikovéva. Jesucristo rérape, amén.