Ikatu pembyaty Israel-pe!
Che aikuaa porã peĕ ha’éva juventu ikatutaha pejapo ko’ã mba’e peguereko rupi peteĩ identida ha pu’aka túicháva pende rekovepýpe.
Ojapoma aimete 3 áños, Presidente Russell M. Nelson ojerurehague opa imitãrusuvape Jesucristo Tuapaogua Santokuéra Ára Pahápegua toñembosako’i “oike hag̃ua imitãva Tupã batallón-pe ombyaty haĝua Israel rógaguape” mokõive velo ládo javeve. Ha’e he’íva’ekue, “Ñembyatyguasu ha’e pe mba’e túichavéva ojejapótava yvy’apére ko árape.”1 Che aikuaa porã peĕ juventúva ikatutaha pejapo ko’ã mba’e—ha pejapo porãta—peguereko rupi (1) mba’e iporãva pende identidápe ha (2) peteĩ pu’aka túicháva pende rekovépe.
Ojapo cuarenta y un áño, mokõi misionero ñande Tupaogua oñandu og̃uahĕva’erãha hag̃ua ore rógape Nueva Jersey, (Estados Unidos) pe. Ára ohasávo, milagrosamente, che ru, che sy ha die mitã ndive orekarai. Profeta ñe’ĕme, ha’ekuéra “oheja Tupã ipu’akapa“2 hekovekuérape. Che ahenóiva “ñande rekove.” Che mitã mbohapyha. Che arekókuri 17 áño adesidi ramoguare ajapo konvénio permanénte asegi hag̃ua Jesucristo-pe. Ha katu peikuaápa mba’épa avei che adesidi? Che ndaservimo’ãiha upe misión de tiempo completo. Péva ja hetáma. Ha kóva noñeha’arõi chehegui, ajepa? Che ha’ékuri peteĩ miembro pyahu Tupaópe. Ndaguerekói ni plata. Avei, ajegradua ramo peteĩ mbo’ehao ijetu’uetereivagui oĩva zona Oeste Filadelfia-pe ha areko desafio ijetu’úva che renónderãme, ajepy’apyeterei kañyhápe jepe ahejáta haguére che róga mokõi ary pukukue jave.
Pene Identida añete
Ha katu aikuaa ramo che ha opavave yvypóra oikohague Túva Yvagaguándi Ita’ýra ha tajýra espiritual-háicha ñanase mboyve. Ambuekuéra tekotevĕ oikuaa, ko’ã mba’e che aikuaáva ñande Ru Yvagagua oipotaha opavave Ita’ýrakuéra ohupyty ha oguerovy’a tekove ijapyra’ỹva Hendive. Péicha, avave ou mboýve yvy’apere, Ha’e opresenta enterovévape Iplan de salvación perfecto ha vy’ápavĕmegua Jesucristo ñande Salvador-ndi. Ñembyasýrã, Satanás osĕ Tupã plan cóntrape.3 Apocalipsis kuatia ñe’ĕme ojehaíhaguéicha, ¡“oikóva’ekue peteĩ ñorairõ amo yvágape”!4 Satanás katupyrýpe ombotavy tercera parte Túva Yvagagua ra’ýkuéra espiritual-pe ojeheja haĝua chupe ta’ipu’akapa Tupã rangue.5 Ha peĕme katu nahániri!. Apóstol Juan ohechava’ekue peĕ pendepu’akahague Satana-re “[pende] testimonio ñe’ĕ rupive.”6
Aikuaávo che identida añetehápegua, che pytyvõva che bendición patriarcal rupive, ome’ĕva chéve py’aguasu ha jerovia ajapo hag̃ua Presidente Spencer W. Kimball invitación Israel rogagua ñembyaty rehegua.7 Péicha avei peñeñandúta che amigokuéra ahayhuetéva. Peikuaávo peĕ pendepu’akahague Satana-re pende testimonio rupive ko’ãva pende pytyvõta pehayhu, pekomparti ha pe’invita haĝua8 ko’ág̃a ha siempre—pe’invita pende rapichápe tou ha tohecha, tou ha toipytyvõ, ha tou ha topertenece, ko ñorairõ oñepyrũva’ekue Tupã ra’ykuéra ánga rehehápe.
Jerovia imbaretéva peguerekóva pendepype.
Mba’e ojehu pu’aka tuicháva peguerekóvare? Pepensami: pesapukái vy’águi9pejuhague ko múndo ho’apyrévape opavave ohasatahápe ñemano tete ha espiritual-pegua. Araka’eve ndaikatumo’ãi ñande pu’aka ko’ã mokõive desafiore. Ñande jahasa’asýta ndaha’éi ñande pekadokuérarente avei ambuéva pekádokuérare. Yvypóra ohasáta opáichagua decepción ha py’arasy10 opa ko’ã mba’e pe tesarái vélo oĩva ñane akã ári ha pe enemigo tuichavéva vokói ñandereka ñanetenta hag̃ua. Opáichagua esperanza jaikejey hag̃ua Tupã imarangatúva rendápe jeikovejey ha tekove potĩme opytáva peteĩ okumplítava Ipromesa.11
Mba’e penemombarete peho hag̃ua tenonde? Presidente Henry B. Eyring ombo’ékuri, “Tekotevĕkuri jerovia Cristo-re oñesostene hag̃ua upe plan felicidad rehegua ha Jesucristo renda upépe sa’i peikuaa ramo jepe desafio pehasátava ko tekove yvy ariguápe.”12 Jesucristo opromete ramoguare outaha ko tekove yvy ariguápe ha ome’ĕtaha Hekove ombyaty hag̃ua13ha ñande salva hag̃ua, peĕ ndapegueroviáinte Chupe año. Peĕ “espíritu noble”14peguereko “túichaite jerovia” ha pehecháva Ipromesa ha’eha mba’e isegúrova.15 Ha’e ndaikatúi ijapu, upéicha pehecha Chupe ha’e oñohĕ haguéma hyguy pende rehe, yma penase mboyve.16
Juan ñe’ĕme, peĕ pende “pu’aka [Satanáre] pe Cordero ruguy rupive.”17 Presidente Dallin H. Oaks ombo’eva’ekue upe múndope “[peĕ] pehecha upe ipaha ñepyrũmby guie.”18
Peñe’imahina peteĩ ára peho mboyve mbo’ehaópe pende ru ojapo peẽme peteĩ promesa añetehápegua peẽ ¡ikatutaha pekaru pene rembi’u pe’usevéva peju rire pende rógape!! Peẽ pevy’aite! Peime aja mbo’ehaópe peñeimahina petandeámaha pe tembi’u. Upéicha, pekompartí pe noticia porã pende rapichakuérandi. Eha’arõ aja eg̃uahẽ nde rógape evy’aiterei umi mbo’ehao prueba ha desafio ndaha’éi mba’éve ndéve g̃uarã. Avave ndaikatui oipe’a pendehegui ko vy’a térã peduda upe promesa mba’e isegúrova! Upéichaite, como “espíritu noble” penace mboyve, peĕ peikuaa pehecha Cristo promesa ha’eha mba’e isegúrova, ha peĕ pe saboréa Isalvasiõ.19 Pende jerovia ojogua musculo-pe imbaretevéva ha okakuaavéva oje’ehercita jave, ha katu ko’ãva peguerekomavoi pende pype.
Mba’éichapa ikatu pemombay pende jerovia Cristo-re ha peipuru Israel rogagua pembyaty hag̃ua ko’ág̃aite ha pende pu’akajey hag̃ua Satanáre? Pe’aprende jeývo pema’ĕ penerenóderã ha pehecha añete Tupã promesa ombyatýta ha osalvataha ko árape. Ha’e oipuruve Mormón Kuatiañe’ĕ ha Iprofetakuéra ñanembo’e hag̃ua mba’éichapa jajapóta ko’ã mba’e. Heta Cristo ára, mboyve umi Nefita “profétakuéra, ha … sacerdote-kuéra, ha … mbo’ehárakuéra … [oipy’’amovã héntekuérape] toma’ĕ tenonde gotyo pe Mesías rehe, ha tojerovia hese ha’e ha’e oúmaramoguáicha.”20 Profeta Abinadí ombo’e, “Ha ko’ág̃ĝa Cristo ndoúi rire yvórape, añe’ĕvo mba’e oikótavagui oikomaramoguáicha, ndaiporiva’erãmo’ã rredensiõ.”21 Abinadí ha Alma-ícha “oma’ĕ[va] tenonde gotyo tesa jeroviape”22ha ohecháva Tupã promesa salvación rehegua isegúrova oikomaramoguáicha. Ha’ekuéra “ipu’aka [Satanáre] pe Cordero ruguy, ha … iñe’ĕnguéra testimonio rupive” heta ára Cristo onace mboyve peĕ pejapo haguéicha avei. Ha Tupã ome’ĕ chupekuéra pu’aka ohenói hag̃ua Israel rógaguape. Ha’e pĕicha ojapota peĕme g̃uarã pema’ĕvo tenonde gotyo jeroviape , pehecha Israel oñembyaty—globalmente pende “circulo jerére”23ha peinvita enterovévape!
Hetáite misionero oipuru ijerovia pu’aka premortal Cristo rehe ohecha hag̃ua umi ojuhúva térã ombo’éva oñemonderõ ao bautismal ha temploguáre. Peteĩ discurso hérava “Peñepyrũ pehecha ipaha pene akãme,”24Presidente Nelson okomparti peteĩ experiencia personal mba’éichapa ojapóta kóva ha ombo’e líder misional ombo’e hag̃ua ñande misionero-kuérape ojapo hag̃ua péicha. Jaikuaavo ha’ekuéra oipuru ijerovia Jesuristo-re mundo premortal-pe tuicha oipytyvõ ore misionero rohayhúvape “Ehendu Chúpe”25ha pemomba’apo túichava pende jerovia pembayty hag̃ua Israel Tupã opromete haguéicha.
Añete, ñañeimahinaramo mba’ejapu ombyai jerovia.26 Che amigokuéra, intencionalmente peñeimahina térã pehecha umi mba’e oporombohováiva. Especialmente pornografía omokangýta pende jerovia Cristo-re ha napeñe’arrepentiríramo ikatu penembyai. Peipuru pene imaginación pemongakuaa hag̃ua pende jerovia Cristo-re, ani pembyai hag̃ua.
Mitã ha juventukuérape g̃uarã programa
Programa mitãnguéra ha juventupe g̃uarã ha’e petei tembipuru profético oipytyvõ hag̃ua juventúpe ombareteve hag̃ua ijerovia. Presidente Oaks ombo’eva’ekue, “Ko programa oñembosako’i penepytyvõ hag̃ua pejoguave ñande Salvadorpe cuatro área pe g̃uarã: espiritual, social, físico, ha intelectual.”27 Juventu oemotenondévo—omotenondévo—peiko evanhélio rupive, peñangarekóvo ojuehe, pe’invitávo opavavépe orresibi hag̃ua evanhélio, ombojoajúvo familiakuéra eternida-re, ha pembosako’ívo activida ojeguerovy’áva,28 jerovia túicháva peguerekova’ekue Cristo rehe vida premortal-pe oñepyrũ jeýta hendy ha omombaretéta pejejapo hag̃ua Hembiapo yvy ári!
Avei, umi méta personal, “especialmente umi méta a corto plazo,”29penepytyvõta pemyandy hag̃ua pende jerovia pu’aka. Pembosako’i jave méta pora pema’ĕ tenonde pejapo haguéicha, ha pehechávo mba’épa pende Ru Yvagagua oipota pejapo térã ambue peñekonverti hag̃ua.30 Uperire pe planea ha pemba’apo pohýi pe hupyty hag̃ua pende objetivo. Élder Quentin L. Cook ombo’e, “Ani áraka’éve pe’apo’i pe ñeplanifika ha meta ñemoĩ importancia … , ha [pe invita ambuévape]—opa mba’e fe resa rupive.”31
Peẽ péiporavokuaa! Tupã he’i penderehe, “Pu’aka [oiporavo hag̃ua] oĩ ipypekuéra.”32 Élder Neil L. Andersen omyesakã, “Pende jerovia ndokakuaámo’ãi posibilida rupive sino peiporavóva’ekue rupive.”33 He also said, “[Opáichagua] mba’e porandu añetetéva [peguerekóva] … oñembohováita paciencia ha jerovia resa rupive.”34
Che atestifika (1) pende identida añete ha (2) túicha jerovia pu’aka peguerekóva Cristo rehe ome’ĕta peĕme “pu’aka pembosako’i hag̃ua ko múndo Salvador oújeypéve pe’invitávo chupekuéra tou Cristo-pe ha ohupyty hag̃ua hikuái Iñexpiasiõ rovasa.”35 Tañakomparti ko Mormón kuatiañe’ĕ vy’a ha ipromesa segúrova:
“Umi hekojojáva ohendúva profetakuéra ñe’ĕ, ha … oñemotendéva ñemova’ỹme Cristo-pe … jepe heta ñemuña … noñehundimo’ãi.
“Ha katu [Cristo] … omongueráta chupekuéra, ha ha’ekuéra oguerekota py’aguapy hendive.”36
Jesucristo rérape. Amén.