Umi ñañemoarandúvape hína ha araka’eve nañanderesaraimo’ãvéimava.
Pemañárõ pende rekovére ñembo’épe, aguerovia pehechataha mba’éichapa Ñandejára pendegia ko’ã ára hasýva rupive.
Che hermano-kuéra pohayuhuetéva, mba’eichaite piko aimese penendive con reunión virtual-pe. Pe ipaha jaguerekohague peteĩ Sacerdocio sesiõ conferencia general-hápe ha’ékuri abril 2019-pe. Hetaite mba’e ningo oiko umi mokõi ary pahápe! OĨ pende apytépe operdeva’ekue umi ohayhúvape; Ambue katu operde imba’apoha, hekove laja térã hekokatu. Avei, ambuekuéra operde pe py’aguapy remiandu térã pe esperánsa ára oúvare. Che korasõ oĩ peteĩteĩ penendive pehasava ko’ã térã ambueichagua pérdida, ha Añembo’e meme Ñandejára tapenemoangapyhy. Pehejántevo Ñandejára taipu’akapa pende rekovépe, che aikua Ha’e iñoptimistaitereiha umi pende ára oútavare haguéicha akoiete.
Jepe umi pérdidajareko’akue, oĩ avei heta mba’e jajuhúva Oĩ ojuhuva’ekue peteĩ jerovia ipypukuvéva ñande Ru Yvagagua ha Ita’ýra, Jesucristo-re. Heta ojuhu peteĩ jehecha ñambue ko tekovére, jepeve peteĩ ñemaña ijapyra’ỹva. Ikatu peẽ pemongakuaa peteĩ joaju imbaretevéva umi pehayhúva ha Ñandejárandi. Aha’arõ pejuhu peteĩ katupyry tuichavéva pehendúvo Chupeha pehupyty rrevelasiõ personal. Py’ỹi, umi jehasa’asy ome’ẽ ñandéve oportunida jakakuaa hag̃ua ndajarekóiva’erãmo’ã ambuéicha.
Pejepy’amongetami umi mokõi ary ohasava’ekuére. Mboýpa pekakuaa? Mba’épepa peñemoarandu? Ikatu ñepyrũrã pehose jey 2019-pe ha pepyta upépe! Ha katu pemañárõ pende rekovére ñembo’épe, aimo’ã pehechataha umi mba’éichapa Ñandejára pendegiaha ára hasýva rupive, penepytyvõvo ha’eve hag̃ua peteĩ kuimba’e devóto ha oñekonvartivéva: peteĩ Kuimba’e osegi añetéva Tupãme.
Aikuaa Ñandejára oguerekoha umi plan tuicha ha hechapyrãva ñandéve ĝuarã, peteĩ teĩ ha oñondivepáicha. Poriahuvereko ha paciencia reheve, Ha’e he’i ñandéve:
“penemitã, ha napeikũmbýi gueteri umi tuichaite jehovasa Túva […] opreparáva peẽme ĝuarã;
“ha ndaikatúi ko’áğa pegueropu’kapa; upevére, peiko vy’ápe, che ahátagui pende renondépe”. 1
Che hermano-kuéra pohayhuetéva, atestifika añetehápe Ha’e ñandegiákuri ha aveiñandegia gueteri opa ára ñahenduséramo Chupe. Ha’e oipota jakakuaa ha ñañemoarandu, jepe – ha ikatu especialmenteteko’asy rupive.
Pe teko’asy ningo mbo’ehára guasu. Mba’épepa peñemoarandu peẽko’ã mokõi ary pahápe penemandu’aséva akóinte? Ñembohovái ha’éta peteĩteĩ penemba’éva, ha katu asuherise irundy mbo’epy aha’arõva opavave ñañemoarandu ha ani ñanderesarái araka’eke.
Mbo’epy 1: Ogapy ningo upe jerovia ha tupãitu renda.
Py’ỹi, Ñandejára ñanemomarandúrõ umi ára paha peligro-re, Ha’e ome’ẽ ko ñehekombo’e: “Pepyta umi tenda marangatúpe ha ani peñemomýi” 2 Umi “tenda marangatu” apytépe añetehápe oĩ umi Ñandejára templo ha centro de reuniones, Ha katu posibilida ñañembyaty hag̃ua umi tendápe ko’ág̃a pokãite heta mba’épe, jahechakuaa peteĩ tenda imarangatuvéva ko yvy ári ha’e pe ogapy, heẽ jepe penderogaite.
Hermano-kuéra, peẽ peguereko Tupã Sacerdocio. “Umi sacerdcio derécho ojoaju atã yvága pu’aka rehe” 3 Peẽ ha pene familiakuéra pehupytýkuri Sacerdocio ordenánsa-kuéra, ha Ha’e umi “[sacerdocio] ordenánsape [pe] oñemanifestahápe divinida pu’aka.” 4 Ko pu’aka oĩ disponible peẽ ha pene familiakuérape g̃uarã pende rogaitépepeñongatúrõ umi konvénio pejapova’ekue. 5
Ojapo 185 arýnte, koichagua araitépe, Abril 3 1836-pe, Elías pe proféta orrestaurahague sacerdocio llave-kuéra ojapóva ñane familia-kuéra ojesellakuaa oñondive akoiete g̃uarã. Upévare oñeñandu porãite oñeadministrárõ Santa Cena pende rógape. Mba’e efecto pepensa orekoha pene familiakuérape penderechávo peẽme—túva, taita, ména, ta’ýra térã hermano—pe’administrávo ko ordenánsa marangatu? Mba’e pejapóta pemombyta hag̃ua upe temiandu pende familiape?
Ikatu peñandu ofalta heta gueteri pejapova’erãha oiko hag̃ua pende rógagui añetehápe peteĩ jerovia santuario. Upéicharõ, pejapókena! Pemendarõ, peñomongeta conséhope pene rembireko ndive irũ jojáicha ko tembiapo imba’eguasúvape. Sa’i méta oĩ imba’eguasuve kóvagui. Ko ára guie ha Ñandejára ou jey peve, opavave ñaikotevẽ oiko ñande rógagui py’aguapy ha segurida renda. 6
Umi temiandu ha tembiapo oinvitáva Espíritu-pe omomarangatuvéta upe ogapy. Upeicha añete avei, pe marangatukue oguehaoĩrõ oimeraẽ mba’e pende rekópe térã pende jerére omyangekóiva Espiritu Santo-pe, upéicharõ “yvága ojehekýi” 7
Peñeporandu piko mba’érepa Ñandejára oipota jajapo ñande rógagui pe tenda central ña’aprende ha javivihápe evanhélio? Ndaha’éi ñañembosako’i hag̃ua peteĩ pandemiarãnte ha ñanepytyvõnte jagueropu’aka hag̃ua. Umi jejoko ko’ág̃a oafectáva hína umi reunión opáta oimeraẽ ára. Upevére, pene kompromiso pejapo hag̃ua pende rógagui pene santuario principaljerovia rehegua ndopaiva’erã araka’eve Jerovia ha marangatu ipokãvévo ohóvo ko yvóra ho’apyrévape, peikotevẽvéta peguereko umi tenda marangatu. Pomokyre’ỹ pejapo meme hag̃ua pende rógagui peteĩ tenda marangatu añete “ha ani peñemomýi 8 upe méta esencial-gui.
Mo’epy 2: Ñaikotevẽ ojuehe
Tupã oipota ñamba’apo oñondive ha tañañopytyvõ. Upévare ñanemondo yvy ári familia-pe ha ñanemohenda umi barrio ha estákape, Ojerure ñandéve tañame’ẽ servicio ha ñañeministra peteĩte͂ĩ ojupe. Tajaiko yvórapeha katu ani ha’e yvóragua 9 Oñondive jahupytykuaa hetave mba’e ñaneañógui. 10 Tupã vy’apavẽ plan ikatu ho’a yvýre Ita’yrakuéra oñemomombyrývo ojuehegui.
Ko pandemia ramoitegua ijojaha’ỹ practicamente opoko jojágui opavavére yvórape, Ha jepe oĩ ohasa’asyvéva ambuégui, opavave jahasa teko’asýre. Upévare, ñane jehasa’asy joja ikatukuaa ombojoaju Tupã ra’ykuérape araka’eguaréicha. Upévare aporandu peẽme: Ko prueba ñakompartíva penemoag̃uive pene vecino ha pende rapicháre, pene hermano ha hermana-kuéra oikóva ambue kálle gotyo ha opa yvóra jerére?
Kovarã, umi mokõi tembiapoukapy guasu oservikuaa ñandéve guía-ramo: peteĩha, pehayhu Tupãme; mokõiha, pehayhu pende rapichápe. 11 Jahechauka ñane mborayhu servicio rupive.
Peikuaarõ peteĩ ha’eñóva, peñemo’ãgui hese jepe peẽ avei peñeñadu peneañoha. Natekotevẽi peguereko peteĩ motívo, peteĩ mensáhe ni mba’e petratava’erã; Pejérõ hola ha pehechauka pene mborayhu ohupytýma. Tecnología ikatu penepytyvõ. Pandemia reheve térã pandemia’ỹre, peteĩ teĩ umi Tupã ta’yrakuéra oikotevẽ oikuaa naha’eñoiha!
Mbo’epy 3: Pene Cuórum ndaha’éi peñembyaty hag̃uánte.
Umi cuórum reunión domingo-gua oñekasela sapy’arã ko pandemia aja, ha Ko’ág̃a oĩ cuórum oñembyatykuaáva virtualmente. Upevére, tembiapo Ñandejára ome’ẽva’ekue umi cuórum-pe araka’eve oĩkuri oñelimita ha͂g̃uáicha peteĩ reunión-pente. Umi aty ningo peteĩ pehẽnguemínte pe he’iséva ha ha’ekuaáva peteĩ cuórum.
Che hermano-kuéra Sacerdocio Aarónico ha cuórum de Elderes-gua, peipyso pende visiõ mba’érepa jaguereko umi cuórum. Mba’éichapa oikpota Ñandejára peipuru pene cuórum pejapo hag̃ua Hembiapo… ko’ág̃aite? Peñeha’ã pehupyty revelasiõ Ñandejáragui. Peñemomirĩ! Pejerure! Pehendu! Peñehenóirõkuri líder ramo peñomongeta conséhope presidencia ramo ha avei umi cuórum miembrokuéra ndive. Taha’e ha’éva pende oficio pe Sacerdocio-pe térã pene llamamiento, peheja Tupã taipu’akapa pene kompromíso pe cuórum miembro ramo ha servicio peme’ẽvape. Pegueraha vy’apavẽpe pe tekojoja pejapótava peĩvo “anhelosamente konsagrado peteĩ káusa porãme.” 12 Umi cuórum oĩ peteĩ tenda ijojaha’ỹvape ombopya’e hag̃ua pe Israel ñembyaty mokõive vélo ládo gotyo.
Mbo’epy 4: Ñahendu porãve Jesucristo-pe ñaimérõ py’aguapýpe.
Jaiko peteĩ époka ymáma ojeprofetisava’ekuépe “Opa mba’e oĩta guyryrýpe; ha añeteháme yvyporakuéra korasõ ipy’amanóta, kyhyje oútagui opa tavayguakuéra ári.” 13 Kóva upéichakuri ko pandémia mboyve ha osegíta uperire; Okakuaa meméta guyryry ko yvórape. Ijovái, Ñandejára ñe’ẽpu ndaha’éi “pe arai ñeʼẽ, ni peteĩ tyapuvai ñeʼẽ, ha katu … péina ápe, haʼékuri peteĩ ñeʼẽguapy mbeguemi haʼeramoguáicha ñeʼẽvy, ha oikéva ñane ánga peve jepe.” 14 Ikatu hag̃ua pehendu upe ñe’ẽguapy mbeguemi peimeva’erã py’aguapýpe! 15
Pe pandémia ojoko sapy’a umi activida ñamyanyhẽva reheve jepi ñande rekove. Ikatu pya’e jaiporavokuaa jeýta ñamyanyhẽ ñande ára pe yvóra tyapu ha guyryry reheve; Térã ikatu jaipuru ñande ára ñahendu hag̃ua Ñandejára ñe’ẽpu ome’ẽvo ñandéve Igia, moangapyhy ha py’aguapy. Umi momento kirirĩ ha’e momento isagrádova; ha’éta ára ohejátava jahupyty revelasiõ personal ha oguerútava ñandéve py’aguapy.
Pejedisiplina pehasa hag̃ua ára peneaño ha umi pehayhúva ndie. Peipe’a pene korasõ Tupãme ñembo’épe. Peipuru tiémpo peñapymi hag̃ua Escritura-kuérape ha petupaitũ hag̃ua templo-pe.
Che hermanokuéra, oĩ hetaiterei mba’e Ñandejára oipotáva ña’aprende umi jahasava’ekuégui ko pandémia aja, ha Che aipapa irundy añónte. Poinvita pejapo hag̃ua pende lista-ite, pekonsidera porã ha pekomparti umi pehayhúva ndie.
Tupã konvénio tavayguakuéra tenonderã ojajái oñongaturõ ikonveniokuéra. 16 Ñandejára ohenoivéta umi Hembiguáipe ogueraháva tekojojápe pe sacerdocio ohovasa, omoangapyhy ha omombarete hag̃ua tekovekuérape ha oipytyvõ hag̃ua ombosako’ívo ko yvóra ha ipype oikóvape Ijeju mokõiháme g̃uarã. Iporãta peteĩteĩ ͂nandéve g̃uarã ñaimérõ upe ordenasiõ marangatu yvatekue jahupytyva’ekuépe. Ñande ikatu jajapo upéva! Upévagui atestifika, che mborayhu peteĩteĩ, penderehe reheve che hermano-kuéra pohayhuetéva, Jesucristo réra sagrado-pe. Amén.