Kóva ha’e ñande momento!
Tupa ñanembou ko’ápe, ko árape, ko momento histórico ijojaha’ỹva jave.
En el año 1978, aime peteĩ estadio de fútbol americano-pe, 65.000 fanático oĩva upépe ndive. Che renondépe oĩva’ekue heta ha tuicháva rival ha’etévaicha chéve che akã’oséva hikuái. Ha’ékuri che primer juego como mariscal de campo pe Liga Nacional de Fútbol Americano-pe ha ore rohuga hína umi oganava’ekue pe campeonato kóntrape. Sinceramente, añeporandu chépa ha’e buen jugador ivaléva aime hag̃ua kánchape. Che aguevi apoi hag̃ua che primer pase, ha apoívo pelótagui, como nunca hatãite aje’atropella. Upe momento-pe, aimévo heta umi atleta guýpe, añeporandu, mba’épa che ajapóva ko’ápe. Upépe ajedecidiva’erãkuri. Ahejátapa che py’apýva ohasa che ári, terãpa che py’aguasu ha chembaretéta apu’ã ha akontinua hag̃ua?
Prensa Asociada
Nañeme’ẽi en cuenta upe momento-pe, ko experiencia chembosako’itaha oportunida che renonderãme g̃uarã. Aikotevẽ aikuaa che ikatutaha chembarete ha chepy’aguasu atopa jave situación ijetu’úva.
Peteĩ juego de fútbol ikatu ndaha’éi mba’e iñimportantevéva umi desafio pehasátava pende rekovépegui. Hetave véce, ndaipórimo’ãi peteĩ estadio henyhẽva héntegui ha omañáva penderehe. Upevére pene decisión py’aguasúpe pejapóva orekóta importancia eterna.
Ikatu nañandu ñañaimeiha a la altura de la circunstancia. Pero ñande Ru Yvagagua ñande recha ñande ha’eramoguáicha ipy’aguasúva omopu’ãva Irréino. Upévare ha’e ñanembouka ko momento idesicivoitéva jave historia del múndope. ¡Kóva ha’e ñande momento!
Pehendumi mba’épa Presidente Russell M. Nelson he’iva’ekue oñehenói riremi como Presidente de la Iglesia: “Ñande Salvador ha Redentor, Jesucristo, ojapóta umi Hembiapo tuichapajepéva ko’ág̃a ha Ha’e oujey vove. Jahecháta oñepyrũ milagros Tupã Túva ha Ita’ýra Jesucristo omotenondeha Itupao en majestad y gloria” (“Revelación para la Iglesia, revelación para nuestras vidas,” Liahona, Mayo 2018, 96).
¿Poderosas obras? ¿Indicios milagrosos? Mba’épepa ojoguáta? Mba’e papel otokáta ñandéve ha mba’éichapa ñatendéta mba’épa jajapóta? Che ndaikuaái opa mbohovái, ha katu che aikuaa Ñandejára oipota ñaime preparado! Sacerdocio pu’aka jeipuru tekojojápe como nunca ñaikotevẽ.
Jagueroviápa Tupã proféta? Ikatúpa jatopa ha ñakumpli ñande destino? Héẽ, ñande ikatúta jajapo, ha héẽ, jajapova’erã, porque kóva ha’e ñande momento!
Ñahendúvo relato Tupã siervo ipu’akapáva ouva’ekue ñande mboyve—ha’éva Moisés, María, Moroni, Alma, Ester, José, ha heta ambue—ha’ekuéra ha’etévaicha imba’eguasuetevéa ñandehegui. Ha katu ha’ekuéra ñandeichaguánte avei. Ha’ekuéra ha’éva hénte normal ohasáva desafio. Ha’ekuéra ojerovia Ñandejárare. Ha’ekuéra oiporavo porã umi momento oñeikotevẽve jave. Ha Cristo rehe, jeroviápe, ha’ekuéra ojapo tembiapo oñeikotevẽva upe moméntope.
Juky iporãva
Penemandu’a pe éroe Antiguo Testamento-pegua Josué rehe. Ha’éva Moisés devoto seguidor, ha’éva peteĩ líder tuichaitéva en la historia. Moisés omano rire, oñepyrũ Josué momento. Ha’e oguerahava’erã Israel ra’ykuéra tierra prometida-pe. Mba’éicha ojapóta péva? Josué onace ha okakuaava’ekue oiko jave en esclavitud Egipto-pe. Ha’e ndoguerekói manual ni video instructivo oipytyvõ hag̃ua chupe. Ha’e ndoguerekói teléfono inteligente! Pero oguereko Ñandejára promesa:
“Che aime haguéicha Moisés-ndi, péicha avei che aiméta nendive: che ndafallamo’ãi, ni ndorohejareimo’ãi.
“Eñeha’ã ha nde py’aguasúke” (Josué 1:5–6).
Che ha’erõguare peteĩ Setenta pyahu ha sin experiencia, arrecibi peteĩ llamada urgente Primera Presidencia oficina-gui, ojejerure chéve arrepresenta hag̃ua profétape a’visitávo peteĩ mitãrusu oĩva hospital-pe—inmediatamente. Pe mitãrusu hérava Zach. Ha’e ojeprepara oservi hag̃ua como misionero pero osufriva’ekue peteĩ accidente, ha oreko lesión grave iñakãme.
Amanehávo hospital rapére, che akã itarova. Peteĩ proféta pytyvõha—¿en serio? Mba’épa chera’arõta? Mba’éichapa aipytyvõta ko mitãkaria’ype? Arekópa jerovia aikotevẽva? Ñembo’e py’aiteguivegua ha aikuaa arekoha pe sagrado sacerdocio autoridad, ko’ãva oñekonverti che ánclape.
Ag̃uahẽvo, atopa Zach oñeno hospital-pegua tupápe. Peteĩ camillero ojapura ogueraha hag̃ua chupe sala de quirófano-pe, doctor-kuéra o’alivia hag̃ua pe presión orekóva iñakãme. Ama’ẽ isy hesaýva ha peteĩ mitãkaria’y hi’amígo ojepy’apýva, oñembo’ýva ijykére, ha aikuaa porã Zach oikotevẽtaha sacerdocio bendición. Hi’amígo orrecibi ramoite Sacerdocio de Melquisedec, upévare ajerure chupe che pytyvõ hag̃ua. Añandu pe sacerdocio pu’aka, rohovasávo py’amirĩme Zach-pe. Upe rire ha’e pya’e ojegueraha cirugía-pe g̃uarã, ha peteĩ py’aguapy ñeñandu okonfirma oréve pe Salvador ojapotaha opa mba’e Hi’arandu rupive.
Personal médico ojapo peteĩ radiografía oñepyrũ mboyve oikytĩ. Ha’ekuéra o’descubri, oñesorprendévo, natekovẽmo’ãiha pe operación.
Heta terapia ojapo rire, Zack o’aprende oguatajey ha oñe’ẽjey. Ha’e oservi peteĩ exitoso misión ha ko’ág̃a oreko peteĩ familia iporãitéva.
Por supuesto, kóva ndaha’éi siempre la resultado. Che ame’ẽva’ekue avei sacerdocio-pegua bendición péichagua jerovia reheve, ha Ñandejára noporomonguerái completamente ko tekovépe. Ñakonfía I’propósito rehe ha jaheja Ipópe la resultado. No siempre ikatu jaiporavo umi jajapóva resultado, pero ikatu jaiporavo ñaĩme preparado jaku’e hag̃ua.
Anichéne araka’eve ikatu Primera Presidencia-pegua ojerure peẽme pe representa chupekuéra peteĩ potencialmente mortal situasiõme. Pero opavave ñañahenói jajapo hag̃ua ko’ã mba’e omoambuéva tekove, Ñandejára representante ramo. Ha’e nañandejareimo’ãi. Kóva ha’e ñande momento!
Pedro, Salvador Apóstol principal, oĩakue barco-pe ha’e ohechárõ Jesús-pe oguatávo y’ári. Ha’e ohose Hendápe, ha pe Salvador he’i, “Eju.” Py’aguasu ha techapyrãme, Pedro oguejy i’barco-gui ha oñepyrũ oguata Salvador rendápe. Pero Pedro oñe’concentrávo pe yvytu vaíre, ijerovia oñepyrũ ikangy. “Ha’e okyhyje; ha oñepyrũ oñapymi, ha’e osapukái, he’ívo, Ñandejára, che salvami. “Ha upepete Jesús, omyasãivo ipo, ojoko chupe”. (Tojehecha Mateo 14:22–33.)
Pe yvytu oipeju jave ñande rekovépe, moõpa ñañe’concentra? Penemandu’áke, akóinte jatopáta peteĩ fuente fiable ha py’aguasurã. Jesús jyva oñemyasãi ñandéve g̃uarã, Pedro-pe oñemysãi haguéicha. Ñambohasávo Chupe ñande po, Ha’e mborayhúpe ñande pysyrõta. Ñande ha’e Imba’e. Ha’e he’i, “Ani rekyhyje: Che rorredimiva’ekue, Che rohenói nde réra rupive; nde ha’e che mba’e” (Isaías 43:1). Ha’e oikovéta pende rekovépe pehejáramo Chupe. Peẽ peiporavokuaa. (Tojehecha Russell M. Nelson, “Que Dios prevalezca{,” Liahona, Nov. 2020, 92–95.)
Og̃uahẽ mbotápe hi’ára, Josué ojerure’asy itavayguakuérape, “Peiporavo ko árape mávape perservíta; … ha katu che ha che rogaygua, roservíta Ñandejárape” (Josué 24:15). Ha’e oiporavo rupi oservitaha Ñandejárape, hi’árape Josué oñekonverti peteĩ gran líder-pe. Che amigo-kuéra ahayhúva, kóva ha’e ñande momento! Umi mba’e jaiporavóva ombohapéta ñande destino (Tojehecha Thomas S. Monson, “Decisions Determine Destiny” [Brigham Young University fireside, Nov. 6, 2005], speeches.byu.edu).
Che aservi aja como obispo, ore roguereko peteĩ lema ore barrio-pe: Buenas decisiones ogueru vy’apavẽ—opave’ỹva. Mitãrusukuéra ohasa pasillo rupi he’ívo, “Obispo, che ajapo hina buenas decisiones!” Kóva ha’e peteĩ obispo sueño!
Mba’épa he’ise “buenas decisiones”? Una vez oñeporandu Jesús-pe, “Mba’épa ha’e pe mandamiento tuichavéva léipe?” Ha’e ombohovái:
“Ehayhúta Ñandejára nde Tupãme opa ne korasõ, opa ne ánga, ha opa ne apytu’ũ reheve.
“Kóva pe mandamiento peteĩha tuicháva.
“Ha pe mokoĩha péicha avei: Ehayhúta nde rapichápe nde rejehayhuháicha” (Mateo 22:36–39).
Che ndaikuáai peẽ, pero aleé jave ko’ã mokõi mandamiento, Che ahechakuaa mbohapyha mandamiento: jajehayhu.
Pe pensáva alguna vez pejehayhu ha’eha peteĩ mandamiento? Ikatútapa jahayhu Tupãme ha jahayhu Ita’yrakuérape ndajajehayhúiramo?
Peteĩ líder iñarandúva nda’aréi oakonseha peteĩ kuimba’e oñeha’ãva osupera heta años de decisiones destructivas. Pe kuimba’e oiko otĩvo ha ndoikuaa porãi ha’épa o’merece maymáva mborayhu.
Upe líder he’i chupe, “Ñandejára ndeikuaa, nderayhu, ha ovy’a ne[ndive] ha umi jeguata py’aguasu rejapóva rupi.” Ha katu ha’e he’i avei, “[Nde] reikotevẽ ehendu mandamiento rejehayhu hag̃ua, péicha reñandu hag̃ua [Tupã] mborayhu ha ambuekuérape rehayhu hag̃ua”.
Ko hermano ohendúvo pe konsého, ha’e oma’ẽ tekovére tesa pyahu rupive. Ha’e he’i upe rire, “Che rekove pukukue ahasa ahekávo py’aguapy ha aceptación. Che ahekáva ko’ã mba’e lugar atopa’ỹ hag̃uáme. Túva Yvagagua ha Salvador mborayhúpe añónte ikatúta atopa consuelo. Che aikuaa Ha’ekuéra oipotaha ajehayhu, péichamante ikatúta añandu Imborayhu cherehe”.
Ñande Ru Yvagagua oipota jajehayhu—ndaha’éi katuete ñañembotuicha ni ñande egoísta hag̃ua, ha katu jajehecha hag̃ua Ha’e ñande rechaháicha: ñande ha’éva Ita’ýrakuéra ohayhúva. Ko’ã añeteguáva oikepaitéramo ñane korasõme, ñane mborayhu Tupãre okakuaa. Jajehecháramo con sincero respeto, ñane korasõ ojeipe’avéta jatrata porãve hag̃ua tapichakuérape. A medida jaikuaa pe valor divino jarekéva, ñatende porãvéta ko verdad divina: Tupã ñanemboukahague ko’ápe, ko árape, ko momento histórico ijojáha’ỹva jave, péicha ikatúta jajapo mba’eporã umi talento ha don jarekóva rupive. Kóva ha’e ñande momento! (Tojehecha Russell M. Nelson, “Becoming True Millennials” [devocional mundial para adultos solteros, Ene 10, 2016], broadcasts.ChurchofJesusChrist.org.)
José Smith ombo’eva’ekue cada profeta, cada épokape “oma’ẽ tenonderã gotyo vy’ápe oha’arõvo ko ára ñande jaikovehápe; … ha’ekuéra opurahéi ha ohai, ha oprofetisava’ekue ñande ára reheguáre; … ñande ha’éva hentekuéra favorecido Tupã [oiporavova’ekue] omoñepyrũ hag̃ua ko glória Ára Pahapegua” ( Enseñanzas de los presidentes de la Iglesia: José Smith [2007], 186).
Pehasávo pende desafiokuéra diario rupive, pegueromandu’a ko’ã Élder Jeffrey R. Holland ñe’ẽ añetegua: “Hetaite mba’e oĩ ñande ati’y’ári, pero jahasáta peteĩ experiencia exitósa ha gloriósa. … Victória ko ñorairõ pahapegua oje’declaráma. Victória ojehaíma libro de registro-pe … , escriturakuéra!” (“Ani pekyhyje, Pegueriovianteva’erã” [address to Church Educational System religious educators, Feb. 6, 2015], broadcasts.ChurchofJesusChrist.org).
Ko Semana Santa-pe, ajapose peteĩ ivitación peẽme g̃uarã ikatu hag̃uáicha oñondivepa ñañembo’e jaikuaa ha jajapo hag̃ua ñande rol individual ñañembosako’ívo ko ára overapývape g̃uarã ñande Salvador oujey vove. Ndaikatúi ñakomprende Ñandejára mborayhu tuichaitéva ñande rehe, Ha’e omobohováita ñane ñembo’e! Ñaiméramo jepe fútbol de kámpope, peteĩ hospital kotýpe, térã ñaime ñaimehápe, ñande ikatu ha’e peteĩ párte importante ko evento techapyrãva jahasávape—porque kóva ha’e ñande momento! Jesucristo rérape, Amén.