Երեց Կլաուդիո Դ. Զիվիկ
Յոթանասունական

Երեց Կլաուդիո Դանիել Զիվիկը հավատում է, որ երբ ձգտում ենք ճիշտ ապրել, մենք կարող ենք վստահ լինել, որ Աստված կառաջնորդի մեզ:

Երեց Զիվիկը ծնվել է 1948 թվականի դեկտեմբերի 19-ին Վերջին Օրերի Սրբեր Սերջիո Յորգե Զիվիկի և Էլյանորա Զալեվսկի Զիվիկի ընտանիքում Բուոնես Այրեսում, Արգենտինա: Որպես 15-ամյա վազորդ, նա ազգային մրցույթում իր տարիքային խմբում երկրորդ տեղը գրավեց 800 մետր վազքում: Նրա մեծագույն ցանկությունն էր մասնակցել Օլիմպիական խաղերին և նրա մարզիչը, նախկին Օլիմպիական խաղերի տասնամարտիկ, հավատում էր, որ նա կարող էր դա անել, եթե միայն վերջ տար կիրակի օրերին մրցելու իր դժկամությանը:

«Ես ստիպված էի ընտրել»,- ասում է Երեց Զիվիկը: «Ի վերջո զգացի, որ մրցելն այն չէր, ինչ Տերը կամենում էր ինձանից»:

Երեց Զիվիկը հանդիպեց մեկ այլ դժվար որոշման, երբ եկավ մասնագիտություն ընտրելու ժամանակը: Չորս տարի շարունակ միջնակարգ դպրոցում նա ստիպված էր անցնել տարեվերջի լրացուցիչ ստուգարք հաշվապահությունից, որովհետև նա այդ առարկան շատ վատ էր սովորում տարվա ընթացքում:

Բայց երբ նա աղոթքով մտածեց իր ապագա կարիերայի մասին, ուժեղ զգացում ունեցավ գնալ հաշվապահական բաժին: Վստահելով Տիրոջը, նա ստացավ հաշվապահության իր գիտական աստիճանը Բուոնես Այրեսի համալսարանից և բավականություն ստացավ իր կարիերայից որպես որակավորում ունեցող հարգված հաշվապահ:

Երեց Զիվիկը տեսնում է Տիրոջ առաջնորդությունն իր ողջ կյանքում: Եթե մենք ճիշտ ենք ապրում, Նա կօրհնի մեզ», - ասում է Երեց Զիվիկը:

Իր զինվորական ծառայությունից հետո, նա և իր կինը` Դինա Նոեմի Ալվարեզը, կնքվեցին 1979 թվականի հունվարի 9-ին Սան Պաոլո Բրազիլիայի Տաճարում: Երեց և Քույր Զիվիկները ունեն հինգ երեխա:

Նախքան Յոթանասունի Առաջին Քվորում կանչվելը, Երեց Զիվիկը ծառայել է որպես երեցների քվորումի նախագահ, ինստիտուտի ուսուցիչ, եպիսկոպոս, ցցի բարձրագույն խորհրդական, ցցի նախագահի խորհրդական, տաճարային արարողության աշխատող, տարածաշրջանի ներկայացուցիչ, Իսպանիայի Բիլբաո Միսիայի նախագահ և Հարավային Ամերիկայի Հարավային Տարածքի Նախագահության Երկրորդ Խորհրդական: