Elder F. Michael Watson
O Le Fitugafulu
O le tolusefuluvalu tausaga o galulue faatasi ma aposetolo ma perofeta i aso taitasi sa faamalosia ai le molimau a Elder Frank Michael Watson o le Korama Muamua a Fitugafulu.
Sa auauna atu Elder Watson o se failautusi fesoasoani, ona avea ai lea ma failautusi, i le Korama a Aposetolo e Toasefululua mai le 1970 e oo i le 1972. Na amata i le 1972 ona ia auauna atu o se failautusi fesoasoani i le Au Peresitene Sili ma na amata mai ia Aperila o le 1986, sa avea o ia ma failautusi i le Au Peresitene Sili.
“O le mea na ou vaaia i lena fegalegaleaiga taitoatasi i lea aso ma lea aso i le tele o tausaga sa na ona faatupulaia ai o la’u molimau,” na ia saunoa ai. “E leai se fesiligia i lo’u mafaufau o loo soifua le Atua, o Iesu o le Keriso, ma o ai lava Na te valaauina o Lana perofeta lena mo lena taimi.”
Na soifua mai Elder Watson i le aso 9 o Mati, 1943, i Spring City, Iuta, ISA, i ona matua o Frank C ma Genniel Baxter Watson. Sa ia auauna atu faamisiona i le Misiona a Peretania i Matu i sasae mai le 1962 e oo i le 1964, na sosoo ai ma le tautua i le militeli mai le 1966 e oo i le 1969, o se tasi o na tausaga sa i ai i le Malo o Vietename i Saute. Sa ia maua lona faailoga o le tagata malaga mai le Iunivesite a le Setete o Iuta.
Sa ia faaipoipo atu ia Jolene Mann i le aso 3 o Setema, 1965, i le Malumalu o Sate Leki. O i laua o matua o se fanau e 12. Sa ia auauna atu o se peresitene o le korama a toeaina, peresitene o le misiona a le siteki, epikopo, peresitene o le siteki, ma le tagata e faia faamauga i le Malumalu o Bountiful Iuta.
“Sa matou fegalegaleai ma le Au Pulega Aoao i nei tausaga uma, ae o le faitaulia faatasi ma i latou o se aafiaga faamaualalo lea,” na ia saunoa ai. Ina ua mavae le galue ai mo i latou mo se taimi umi, ua lagona e Elder Watson le faamanuiaina i le i ai i se tulaga e faamalosia ai molimau a isi i perofeta ma aposetolo ma le misiona a le Ekalesia a Iesu Keriso o le Au Paia o Aso e Gata Ai.