Elder Lawrence E. Corbridge
O Le Fitugafulu
Na faailoa mai e Elder Lawrence Edward Corbridge lona faalagolago i le Alii.
“O Keriso e na o le pau lea o lo tatou faamoemoe ma e na o le pau lea o le ala e mafai ai ona tatou faia mea uma ua Ia poloai mai tatou te faia,” na ia saunoa ai.
Na maua e Elder Corbridge lana molimau mai le tele o tausaga o auauna i le Ekalesia, e aofia ai le epikopo, fautua maualuga, peresitene o le siteki, ma le peresitene o le Misiona a Chile Santiago i Matu mai le 2002 e oo i le 2005.
Na soifua mai i le aso 6 o Aperila, 1949, i ona matua o Ivan Corbridge ma Agnes Howe Corbridge, o Elder Corbridge na soifua ae i Provo, Iuta, ISA. Mai le 1968 e oo i le 1970 sa faamisiona o ia i le Misiona a Atenitina i Matu.
Na ia maua se faailoga o le tagata malaga i le puleaina o pisinisi ma se faailoga faafomai i mataupu tau faamasinoga mai le Iunivesite o Polika Iaga. Ina ua maea le faauuga, sa amata loa ona galue faaloia, ma e oo mai i le taimi o lona valaauga i le Korama Muamua a Fitugafulu, o loo avea o ia ma se fai sea ma se loia sinia i se ofisa loia i le Aai o Sate Leki.
Sa la faaipoipo ma Jacquelyn Shamo i le Malumalu o Provo Iuta i le aso 21 o Tesema, 1974. A o avea ma se alii talavou, sa faaalu e Elder Corbridge ia taumafanafana e galue ai i pa povi i Idaho ma Iuta, lea sa ia aoao ai e fiafia i le galue i fafo, o se fiafiaga sa ia faasoaina atu i lona toalua ma ona atalii e toalima i gaoioiga eseese, e aofia ai le feaei i luga o papa, o le tietie vaa, faasee, ma le faasee i laupapa i luga o le kiona.
“O le malamalama, uiga o le tagata, ma sootaga, aemaise lava i le aiga, o nisi ia o nai mea i le olaga e matuai taua lava,” na ia saunoa ai. O le isi mea “o le manatua pea o Keriso.”
Na faaauau le saunoaga a Elder Corbridge: “Tatou te osifeagaiga i vaiaso taitasi e faia na o lena pe a tatou taumamafa i le faamanatuga. O nisi taimi tatou te le atoatoa ai. Ae peitai o loo fetalai mai le Alii ina ia tatou vaai atu ia te Ia i manatunatuga uma. E tusa lava la pe o tatou galulue e tausia se aiga, i le avea ai ma se tina ma se tausiaiga, po o le taoto i se moega i le falemai mo le toe ono masina e ola ai, o la tatou lu’i taua lava lena—ia manatua o Ia ma faia le mea semanu Na te faia.”