Elder Kevin W. Pearson
O Le Fitugafulu
E talitonu Elder Kevin Wayne Pearson afai tatou te malamalama moni i le mataupu faavae o le faatuatua, e mafai e le Alii ona faia mea ofoofogia i o tatou olaga.
“Na ou ola ae ma le manatu afai e matuai lava lo’u atamai pe lava lo’u malosi pe lava lo’u saoasaoa pe lava lo’u galue malosi, ou te mafaia lava ona pulea soo se tulaga,” na ia saunoa ai. “O le mea moni lava ia, e le mafai ona tatou pulea tulaga uma o o tatou olaga. E na ona tatou faalagolago lava i le Alii ma aoao ia maua le faatuatua ia te Ia o le a galulue mea uma mo le lelei. Afai e te faia lena mea, o le a faamalosia oe e le Alii.”
I le avea ai ma se peresitene o le misiona, e masani ona aoao atu Elder Pearson i ana faifeautalai e uiga i luitau e lima lea e mafai ona faatoilaloina pe faavaivaia ai le faatuatua pe afai e le o faamalosia soo le faatuatua. Na ia saunoa, “E ao ona e aveese le masalosalo, faasoesa, le usitai, lotovaivai, ma le leai o se maelega ina ia mafai ai ona malosi lou faatuatua.”
Na soifua mai Elder Pearson i le Aai o Sate Leki, Iuta, ISA, i le aso 10 o Aperila, 1957, i ona matua o Wayne F. Pearson ma Velda Labrum Pearson. Na ia maua mulimuli ane se faailoga o le tagata malaga i le faasaienisi i mea tau tupe mai le Iunivesite o Iuta ma se faailoga o le matuaofaiva i le puleaina o pisinisi mai le Iunivesite o Harvard. A o lei valaauina o ia e avea ma se peresitene o le misiona, sa galue o ia o se Pule Sili i se kamupani mo faamatalaga i le tausiga faasoifua maloloina.
I le taimi o lona valaauga i le Korama Muamua a Fitugafulu, sa auauna atu ia Elder Pearson o le peresitene o le Misiona a Uosigitone Tacoma. O ona valaauga o le Ekalesia sa i ai muamua sa matuai taua lava i le sauniaina o ia mo lona valaauga ua i ai i le taimi nei. Sa ia auauna atu o se faifeautalai i Finelani, o se peresitene o Alii Talavou i le uarota, o le peresitene o le korama a toeaina, fautua maualuga, ma le epikopo. Sa faaipoipo atu Elder Pearson ia June Langeland i le aso 24 o Iuni, 1980, i le Malumalu o Sate Leki. E toaono o la alo.