Elder Tad R. Callister

O Le Fitugafulu

I le fuafua e alu lea i soo se mea e auina atu i ai o ia e le Alii, na tautino atu ai Elder Tad Richards Callister e faapea o le auauna atu i le Alii e aumaia ai le tele o faamanuiaga.

“E fesoasoani atu foi le Alii pe a e lagonaina le faatauvaa,” na saunoa ai Elder Callister. “O valaauga uma lava e tele atu nai lo le tagata, ma e ofo mai e le Alii Lana fesoaosani. E ui o Lana taitaiga e filemu ma malu, ae Na te le tuua lava na o oe.”

Na soifua mai Elder Callister i ona matua o Reed Callister ma Norinne Callister i le aso 17 o Tesema, 1945, i Glendale, Kalefonia, ISA. Sa ia auauna atu o se faifeautalai faamisiona i le Misiona a Setete i Sasae o Atelani, o se epikopo, peresitene o le siteki, sui risone, Fitugafulu Eria, ma sa auauna atu foi o se peresitene o le Misiona a Kanata Toronto Sasae ina ua ia maua lona valaauga i le Korama Lua a Fitugafulu.

O le auauna atu o se peresitene o le misiona o se aafiaga e le mafaamatalaina mo Elder Callister, o se tasi e sili atu ona fiafia e faaalu le taimi ma lona aiga.

“E te aoao ia alofa i faifeautalai e toetoe lava a pei o ni ou lava atalii ma ni afafine,” na ia saunoa ai. “Latou te tutu ae pea i le tulaga o loo e faamoemoeina, ma e foliga mai e leai se tapulaa o lo latou malosi.”

Ina ua mavae le mauaina o se faailoga o le tagata malaga i le tausitusi mai le Iunivesite o Polika Iaga, o se faailoga faaloia mai UCLA, ma se faailoga o le matuaofaiva i le tulafono o lafoga mai le Iunivesite o Niu Ioka, sa faapea loa ona galue faaloia ia Elder Callister mo le 34 tausaga i se ofisa loia a se aiga i le eria a Los Angeles, Kalefonia.

O le faaaogaina o mataupu faavae sa aoaoina i le galuega ma mataupu patino, na saunoa ai Elder Callister, “O le galue faaloia o se aoaiga lelei lea e iloa ai le aano o le faafitauli, ua iloa ai le aua le vave faia o ni faaiuga, ma malamalama ai e moomia ona e maua uma faamatalaga moni a o lei faia se faaiuga. E le gata i lena, ou te talitonu e faamoemoe le Alii e fai lau pito laau i le faagasologa o le sailia o faaaliga patino.”

Sa feiloai ia Elder Callister ma lona faletua o Kathryn Louise Saporiti, a o aooga i le BYU ma sa faaipoipoina i laua i le Malumalu o Los Angeles Kalefonia i le Aso 20 o Tesema, 1968. O i laua o ni matua o se fanau e toaono.