Elder L. Whitney Clayton

O Le Au Peresitene o Fitugafulu

Faatasi ai ma le ola ae i se aiga alolofa, e lua lava mea taua na tutupu i le soifuaga o Elder Lyndon Whitney Clayton na maua ai le eseesega atoa, na ia saunoa ai. O le tasi o le auauna atu lea o se faifeautalai i Peru. O le lona lua o le faaipoipo atu lea i lona faletua, o Kathy Ann Kipp, i le aso 3 o Aokuso, 1973, i le Malumalu o Sate Leki. O i laua o ni matua o se fanau e toafitu.

“E masani ona talasua le ma fanau e faapea o le taimi i le fale faatasi ma Tina ma Tama e masani ona tei lava ua liua e avea ma faeasaite a le aiga,” o le saunoaga lea a Elder Clayton. “Ma o se faamatalaga sao lena.” E fiafia le aiga o Clayton e nonofo ma talatalanoa i ni mataupu se tele; latou te fiafia foi e pepese faatasi.

Na soifua mai Elder Clayton i le Aai o Sate Leki, Iuta, ISA, i le aso 24 o Fepuari, 1950, i ona matua o L. Whitney Clayton Jr. ma Elizabeth Touchstone Clayton. Na ola ae o ia i Whittier, Kalefonia, ISA, na maua sona faailoga o le tagata malaga i mea tau tupe mai le Iunivesite o Iuta ma se faailoga loia mai le Iunivesite o le Pasefika i Kalefonia.

I le 1970 na valaauina ai o ia e auauna atu i le Misiona a Andes i Peru. O iina lea sa ia fiafia ai i le suesueina o tusitusiga paia. “O se tasi o fiafiaga sili o lo’u olaga o se itula paganoa lea i aso taitasi e suesue ai tusitusiga paia,” na ia saunoa ai. “Ou te maua ai le faamafanafanaga sili ma le filemu ma le taitaiga.”

Sa avea Elder Clayton o se peresitene o le paranesi, epikopo, fesoasoani i le peresitene o le misiona, ma se Fitugafulu Eria. O le auauna atu o se epikopo i se uarota e tautatala i le gagana Sipaniolo i Santa Ana, Kalefonia, “o se faamanuiaga ofoofogia lea,” na ia saunoa ai. “Na faalauteleina ai lo’u mafaia ona vaai atu ia i latou o e tausia poloaiga o loo fiafia.”

Sa ia iloa foi le faamaoniaina o lea tulaga i ana malaga i le avea ai ma se uso o le Korama Muamua a Fitugafulu. “E tusa lava po o fea e nonofo ai tagata i lenei lalolagi, o le a faamanuia lava i latou e le Alii pe afai latou te tausia poloaiga,” na ia saunoa ai. “O i latou o e latou te faatuatua ia te Ia o le a iloa o le a Ia faatamaoaigaina o latou olaga i soo se auala.”