Nodra Vakaraitaki Cakacaka ni Liga na Gone
Taura mai na nomu peniroka se iboro, ka vakarau mo bulibuli! Ena 2011, ena vakaraitaki tiko kina ena Vale ni Yaya Makawa ni iTukutuku ni Lotu ka vakakina ena initaneti na nodra droinina gone ena Lalai e veiyasai vuravura. Oqo na sala mo vakaitavi kina:
-
Bulia e dua na cakacaka ni liga me baleta na ulutaga “Sa Vakalougatataka na Noqu Bula na Kosipeli.” Na nomu cakacaka ni liga e rawa ni baleta na matavuvale, valetabu, daukaulotu, o ira na parofita, ivolanikalou, na ibulibuli ni Kalou, veiqaravi, painia, Lalai, se itaviqaravi ni Lotu.
-
Me tiko na nomu yabaki mai na 5 ki na 12, ka mo vakauta ga e dua na cakacaka ni liga.
-
Na nomu cakacaka ni liga me toka ena dua na tikinipepa se isulu. Me kakua ni sivia na 12 na idi ka 14 na idi (30 cm ka 36 cm), ka me kakua ni vakawaqa.
-
E rawa ni o vakayagataka na peniroka, penikau, maka, iqi, qilaiso, akiriliki, wai roka, pasiteli, waiwai se dua tale na yaya.
-
Taura na nomu gauna me rawa kina ni kena vinaka duadua o rawa ni rawata na nomu cakacaka. Me robota vakavinaka na nomu pepa na nomu droini.
-
Vola na yacamu taucoko ena daku ni nomu droini. Me qai vakalewena ka sainitaka e dua vei rau na itubutubu na ivolasui ka koto e ra. Qai kabira na ivolasui ena daku ni nomu droini.
-
Me vakatailakilataki ena maka ni posi na nomu cakacaka ena, se, ni sa oti na ika 31 ni Julai, 2010. Ena sega ni vakalesui yani na nomu cakacaka ni liga.
E rawa ni vakaraitaki na nomu cakacaka ni liga ena Vale ni Yaya ni iTukutuku Makawa ni Lotu, mai na 1 ni Janueri ki na 30 ni June, 2011; ena dua na vakaraitaki cakacaka ni liga ena initaneti ena Friend kei na Liaona Mataveilawa; se ena Noda Tabana ena Liaona se ena Our Creative Friends ena Friend. Ena sega ni vakayagataki se vakaraitaki taucoko na cakacaka ni liga.
Yalovinaka ka vakauta na nomuni cakacaka ki na:
Children’s Art Exhibit
45 N. West Temple St.
Salt Lake City, UT 84150, USA
Me na tiko mai kina na itukutuku kei na veivakadonui oqo:
Yacana taucoko na gone
Yabaki
Yasana, Matanitu
Nona i-meli na itubutubu se naba ni talevoni
Au sa vakadonuya na kena vakaraitaki raraba, ena Mataveilawa ni Lotu, ka vakakina ena Mekesini ni Lotu, kei na ivalavala kece sara ni kena tabaki raraba na cakacaka ni liga oqo.
Saini ni itubutubu se dauveisusu vakalawa
Droini mai vei Steve Kropp