Vakilai na Yalo ni Valetabu

Cristian Robles, Chile

Niu sa kacivi meu lewena na matabose e cake, e vakaraitaka na peresitedi ni iteki na nona gagadre me levu na lewe ni lotu me ra dau lako ki valetabu ena siga e lesi mai kina na neitou iteki me lako. Me vaka ni leqa na sala ni veilakoyaki, sa mani veivosakitaka kina e dua na basi me vakavodoki ira mai na lewenilotu mai nodra valenilotu ena loma ni iteki ka me na kauti ira lesu tale ni sa qaravi oti na itavi.

Ia e tiko tale e dua na leqa. Levu sara na tina era na sega ni rawa me ra tiko kina ni sega ni dua me raici ira tiko na luvedra. Ni keitou veitalanoataka tiko de na rawa me so na goneyalewa ena iteki era na veivuke ena nodra qaravi na gone, au mani vakasamataka na kena rawa me kacivi e dua na iliuliu ni isususu ena iteki. Au vakatura na vakasama oqo vua na peresitedi ni iteki.Vakatututaka sara mai o koya me ra kacivi na lewenilotu vou me ra ivukevuke nei koya na iliuliu ni isususu me rawa ni ra sa na vakila kina na yalo ni valetabu. Ni sa tekivu me vakayacori na ituvatuva qori, sa laveta cake sara na iwiliwili ni lako ki na valetabu.