Gauna ni Veiwasei
Sa Vakalesuya mai vei Josefa Simici o Jisu Karisito na Taucoko ni Kosipeli
Raitayaloyalotaka mada e dua na bilo iloilo wai makare, ka savasava. Kevaka e tavutu na bilo ena dua na ka, e rawa ni tasova eso na wai ka sa sega kina ni sinai na bilo iloilo.
Ena ivakatekivu a tu e vuravura na taucoko ni kosipeli. Era a vakavuvulitaka na kosipeli ena vuqa na veiyabaki o ira na parofita.
Ni tiko voli e vuravura o Jisu Karisito, a tauyavutaka na Nona Lotu. A vakavuvulitaka na taucoko ni kosipeli: na vakabauti Jisu Karisito, veivutuni, papitaiso ena tabadromuci e wai, na isolisoli ni Yalo Tabu, kei na talairawarawa ki na ivakaro. E vakaraitaka vei ira kece na tamata ko Jisu na ivakarau e dodonu me da bula kina. Sa yaco o Koya me noda iVakabula kece sara. A sinai tu na bilo iloilo ni kosipeli.
Ni sa toso na veiyabaki, sa yali eso na tiki ni kosipeli baleta ni ra sa veisautaka se sega ni talairawarawa kina eso na tamata ca. Sa sega kina ni tiko e vuravura na taucoko ni kosipeli. Sa yalataka na Tamada Vakalomalagi vei ira na Luvena ni na solia tale vei ira na taucoko ni kosipeli. A kacivi Josefa Simici me vukei Koya ena kena vakalesui mai na kosipeli.
Na Joni 3:16 e vakavuvulitaka vei keda ni sa solia mai vei keda na Tamada Vakalomalagi na Luvena kei na kosipeli baleta ni lomani ira na Luvena o Koya. Sa kacivi ira na parofita me ra vakavuvulitaka vei ira na tamata kecega na Nona kosipeli me da kila kina na sala lesu Vua.
Eda kalougata ni sa tu vei keda na taucoko ni kosipeli ena Lotu i Jisu Karisito ni Yalododonu Edaidai. Sa sinai vutuvutu tu na noda bilo iloilo ni kosipeli, ka sa yalataka na Tamada Vakalomalagi ni na sega tale ni kau tani mai vuravura na kosipeli.
iVolaniveisiga ni iVolanikalou Epereli 2010
Wilika na ikaono ni yavu ni vakabauta ena Mataniciva Talei.
Cavuqaqataka na Yavu ni Vakabauta oqo.
Masu ka kereya vei Tamada Vakalomalagi me vukei iko mo kila ni o Jisu Karisito a vakalesuya mai vei Josefa Simici na taucoko ni kosipeli.
Digia e dua vei ira na itaviqaravi oqo, se cakava ga e dua na nomu:
-
Vukea e dua tale me vulica na yavu ni vakabauta oqo.
-
Wilika se me wilika vei iko e dua tale na Josefa Simici—Ai Tukutuku ena Mataniciva Talei.
-
Cakava na qiqi ni italanoa ena tabana e 67. Kotiva tani mai na qiqi e rua, ka vakacobara ena dua na iqaso varasa. Vakayagataka na qiqi mo vakavulica kina e dua ena ivakarau a vakalesuya mai kina vei Josefa Simici na taucoko ni kosipeli o Jisu Karisito.
-
Era sa vakavuvulitaka tiko na noda daukaulotu na dina ni kosipeli vakalesuimai e vuravura taucoko. Masulaki ira. Masulaka mo kila o cei e rawa ni o sureta me rogoca na nodrau itukutuku na daukaulotu.
Na sala cava e vukei iko kina na veika o sa cakava mo kila na ikaono ni yavu ni vakabauta?
Vola ena nomu ivolaniveisiga se droinitaka e dua na iyaloyalo me baleta na ka o sa cakava.
Sa Vakalesuya mai vei Josefa Simici o Jisu Karisito na Taucoko ni Kosipeli
iMawi: Na iMatai ni Raivotu, mai vei Gary L. Kapp, me kakua ni lavetaki; cake imatau: droini © Vivid Details; e ra imatau: Josefa Simici Vakadewataka Tiko na iVola i Momani, mai vei Del Parson, © IRI; eso tale na droini mai vei Robert T. Barrett