Na Bibi ni dua na Qasenivuli

Mai vei Peresitedi Thomas S. Monson

Mai na “Qasenivuli Walega,” Tambuli, Oct. 1990, 3–8.

iVakatakilakila

President Thomas S. Monson

Dua na gauna sa oti eratou a veitalanoataka toka e tolu na gonetagane na dui tamadratou.Tukuna cake mai e dua, “O tamaqu e levu cake mai vei tamamu,” tukuna sara yani e dua tale, “ ia o tamaqu e matai cake sara mai vei tamamu.” Tukuna sara na ikatolu ni gone, “O tamaqu e vuniwai.”Vuki yani vua e dua na gone ka veiwalitaki koya me vakasesea, “O tamamu e qasenivuli walega.”

E dua tiko na qasenivuli ka vakarurugi ira kece na kena vo na nona bula. E a bula me veiqaravi ka sega ni qaravi, sega ni mai ciqoma na ka ia me dau solia na ka, ka sega ni maroroya na Nona bula, ia e solia me baleti ira na tani. A vakamacalataka ni loloma e totoka sara mai na dodomo, na dravudravua e vutuniyau cake sara mai na iyau. E veivakavulici ena dodonu ka sega ni vakataki ira na vunivola. Au vosa tiko me baleta na iVakavuvuli Vinaka, sa i Jisu Karisito, na luve ni Kalou, na iVakabula ka Dauveivueti ni tamata kece sara.

Ni ra daliga rogo na qasenivuli yalodina ki na Nona veisureti rogo malumu, “Dou vuli vei au,” era na vakamamautaki ena Nona kaukauwa vakalou.

Sa noqu kalougata niu a se gone meu sotava na veivakatataki cake ni qasenivuli vakaoqori. E a vakavulici keitou ena neitou kalasi ni Wilivola ni Sigatabu baleta na Buli ni vuravura, na lutu nei Atama, kei na veisorovaki i Jisu Karisito. E a kauti iratou mai ki na nona rumu ni veivakavulici o Mosese, Josua, Pita, Tomasi, Paula, vakakina na Karisito me ratou nona vulagi dokai. Dina ni keimami sega ni raici iratou, ia keimami lomana, rokova ka vakatotomuria nodra ivakaraitaki.

Ni rogoca na gonetagane na veivakalialiai: “E levu cake o tamaqu mai vei tamamu,’ “e vuku cake o tamaqu mai vei tamamu,” “o tamaqu e vuniwai,” ena rawa beka me a sauma vakaoqo, “ena levu cake beka o tamamu mai vei tamaqu, ena vuku cake beka o tamamu mai vei tamaqu, e rairai pailate beka, dua beka na idinia, se dua na vuniwai; ia o tamaqu e qasenivuli.”

Me noda mada ga na veivakatataki cake ka rogo matau vaka o ya.

Tarogi Na Taro Ena Veivakayavalati

Na itavi ni dauveivakavulici e sega ni tiko ena Lotu. O dauveivakavulici ena tukuna ga na kila na ka. Ia na qasenivuli ena sureti ira na lewe ni kalasi me ra vakavulica me kilai ena nodra veivakavulici vakaiira. Dua na ka e rawa ni caka me veisautaka na matemate ni dua na kalasi me bulabula cake ka veivakauqeti kina na Yalo o ya me dau tarogi na taro e veivakayadrati.

Ni ko vakarautaka tiko na nomu lesoni, vakarautaka na taro mo na taroga ena gauna taucoko ni lesoni.Vakasamataka na taro ka vakaturi tiko mai na ivola ni lesoni.Vakasamataki ira e rawa ni ra veivuke ki na nomu kalasi. Vaqara na Yalo me vukei iko ena nomu digia na taro me baleta na ulutaga ko na gadreva mo vakavulica
Me vukei ira na lewe ni kalasi me ra veitalanoataka se ivakavuvuli vakosipeli cava e tara tiko na nodra bula, ena rawa ni ko taroga e tolu na taro duidui eratou tiko vata ga ena dua na ulutaga.
- Tarogi na ka dina e yaco: “O cei ena gadreva na Turaga meda vosoti ira?”
- Na taro ena tatara ki na noda bula: “Ena tarai keda vakacava na noda vosota e dua?”
- Taro me baleta na ka e sotavi: “Na cava soti e sa yaco vei iko ni ko sa vosota e dua?”

Na iVunau mai na Ulunivanua, mai vei Carl Heinrich Bloch, vakayagataki ena veivakadonui ni National Historic Museum mai Frederiksborg e Hillerød, Denmark, me kakua ni lavetaki