Veivuke ena Nodra Vakani na Nona Lami na iVakabula

Mai vei Peresitedi Henry B. Eyring

iMatai ni Daunivakasala ena Mataveiliutaki Taumada

Mai na dua na vosa ena koniferedi raraba ni Okotova 1997.

President Henry B. Eyring

Sa vakamatei ena kauveilatai ka tucaketale na iVakabula. Era sa lako ki Kalili na nona tisaipeli. Era a qoli tiko ena bogi taucoko, ka sega na ka e rawa. Ni ra toro voleka yani ki vanua, ena mataka, era a sega ni kilai Koya taumada. A kaci yani vei ira ko Koya, ka tukuna yani vei ira na vanua me ra viritaka kina na nodra lawa, ia ni ra vakayacora vakakina, sa sinai kina na lawa. Era a kusa mai me ra tavaki koya e baravi.

Era a raica na qilaiso waqa ka sa buta tu na ika kei na madrai. Qai solia vei ira e dua na ivunau ka se tu ga vei keda nikua.

“Ni ra sa katalau oti, sa kaya vei Saimoni Pita ko Jisu, Saimoni, na luvei Jona, ko sa lomani au vakalevu ka vakalailai ko iratou oqo, se segai? Sa kaya vua ko koya, Io, na Turaga; ko ni sa kila niu sa lomani kemuni. Sa kaya vua ko koya, Vakani ira na noqu Lami” Joni 21:15

Era sa dau veiyalayalati tu ena veigauna kece na Yalododonu ni Kalou me ra veivakani vakai ira vakayalo, vakauasivi vei ira era se malumalumu ena kosipeli.

E rawa ni cakava e dua na gone na veika ena vakani kina na nodra vakabauta na tani. E rawa ni ra sureta o ira na gone e dua e se qai saumaki mai me lako vata mai kei ira ki lotu. E rawa ni ra matadredredre na gone ka kidavaka e dua na lewenilotu vou ena nona curu mai ki na valenilotu se ki na dua na kalasi. Ni da vakayacora vakakina, ena noda itokani na Yalo Tabu.

Na veivosa yadua eda cavuta e rawa ni vaqaqacotaka se vakamalumalumutaka na vakabauta. Eda gadreva na veivuke mai na Yalo me da vosataka na vosa ena veivakani ka veivaqaqacotaki.

E rawa vei keda ena talairawarawa lalai me da veivuke vua na Turaga me kauti ira na lami, na Nona lami, ena Ligana ki vale ki vua na Tamadra kei na Tamada.

Au kila ni o Jisu na Karisito. Au kila ni bula tiko. Kau kila ni liutaki keda tiko ena cakacaka oqo—na Nona cakacaka—me vakavuna na nodra bula tawamudu na luvena na Tamana.

Mevakani e kena ibalebale vakamamautaki.

Vakatawani na Lami

Era se malumalumu na Lami ka sega ni rawa ni ra taqomaki ira. Era gadreva me ra qaravi vakavinaka me rawa ni ra tubu cake me ra bulabula ka kaukauwa. Raica na iyaloyalo ni so na ka era gadreva na lami.

Kakana

Wai

E dua na vanua vinaka me ra moce kina

Taqomaki mai vei ira na wolifa kei na veika rerevaki tale eso

O Cei na Nona Lami na iVakabula?

A kerei ira na nona tisaipeli na iVakabula me ra qarauni ira na nona tamata era sega ni tudei tu ena kosipeli se o ira era lewe ni Lotu vou. E vakatokai ira na tamata oqo me ra “lami.” Era gadreva e dua me vukei ira me rawa kina ni tubu ka kaukauwa—kaukauwa ena kosipeli.

Rokataka na iyaloyalo ni veika e rawa ni ra vakayacora na gone me ra vukea kina na lami ni iVakabula. Qai droinitaka e dua na iyaloyalo ni dua na ka o rawa ni cakava.

Kidavaka e dua na lewenikalasi vou

Sureta e dua na itokani ki na Lalai

Wasea naLiaona

Mai na imawi: Na Lami Lakosese, mai vei Del Parson; itaba ni wolifa kei na Lami © Getty Images; itaba ni bani © Corbis; itaba ni kakana kei na wai mai vei David Stoker; droini mai vei Apryl Stott