Noda Tabana
Ena so na gauna au nanuma niu sega ni kila vinaka e dua na ka me baleta na Lotu se niu nanuma ni sega ni tu vei au na vakabauta me baleta e dua na ka. Ena veigauna ni yaco mai na vakanananu oqori, au dau masuta na Tamada Vakalomalagi me veivuke. E voleka ena veigauna kecega e dau yaco mai na kena isau. Au vakila niu taqomaki ka maroroi, kau vakila ni dau rogoca na noqu masu na Kalou ka lomani au vakalevu. Na veika oqo e vukea na kena tubu cake na noqu ivakadinadina kei na noqu lomana na Kalou.
Au kila ni Tamada na Kalou ka lomani keda yadua vakalevu sara. E dau rogoca na noda leqa ka tala mai na Yalo Tabu me vakacegui keda. Au kila ni dau rogoca o Koya na noda masu ka dau marau ni da buladodonu tiko. Au dau vakasinaiti ena marau niu kila ni lomani au na Kalou kau sa lewena tu na Lotu. Au kila ni o Jisu Karisito na Luvena ka noda iVakabula.
Deveney R., yabaki 11, Suwitisaladi
Carlos D., yabaki 8, Brazil
Viet Minh Tri P., yabaki 10, Cambodia
O Daniel K., yabaki 7, mai Denmark, e gonetagane mamarau ka yaloqaqa. E dau taleitaka na veivuke ena iteitei. E dau taleitaka talega me veivuke ena vakasaqa—vakauasivi na bali falawa ni pisa. E dau cakacaka vagumatua mai koronivuli ka taleitaka na qito soka, na laki sisili, kei na kaba vunikau. E dau marautaka me veivuke ena vakawaqa buka ena itaviqaravi ni sikauti. Ena lotu e dau taleitaka o koya na italanoa kei Josefa Simici kei Jisu, ka dau taleitaka na lagata na “Digitaka na Dina” (Choose the Right).