iTukutuku Makawa ni Lotu ena Veiyasai Vuravura
Kirisi
O Rigas Pofantis kei Nicholas Malavetis erau sa vaqara voli mai na dina ni qaravi lotu ena tolu na yabaki, ka rau qai raica ena niusiveva ena 1898 na italanoa ni lotu Momani. Erau vakayavalati ka volavola sara ki na itikotiko liu ni Lotu me rau taroga tale eso na ka. Era sa mani tala na peresitedi ni Kaulotu e Turkey na iluliu ni lotu me laki vakavulici rau na lewe rua qo mai Kirisi. E qai mate o Nicholas Malavetis ena 1903, sa mani volavola o Rigas Pofantis ni oti e tolu na yabaki ki na itikotiko liu ni Lotu ka kereya me sa papitaiso. Era tala tale na iliuliu ni Lotu na peresitedi ni Kaulotu e Turkey, me papitaisotaki Baraca Pofantis kei na lima tale ka wili kina na marama yada nei Nicholas Malavetis.
Era yaco ki Kirisi na imatai ni daukaulotu ni oti e ono na vula mai na imatai ni papitaiso, ia me tekivu ena 1909, e a vakaceguya tu mada na Lotu na cakacaka ni kaulotu me rauta e 70 na yabaki, baleta na ituvaki ni bula vaka-politiki ena vanua o ya. Ni yaco tiko na ka oqo era wasea tikoga na kosipeli vei ira na kai Kirisi, na ivakailesilesi ni mataivalu ka ra vakaitikotiko mai kea. Na toso e vakamalua sara, ena gauna e sa sosomitaka kina na Tabana e Athens na taba ni Lotu ni leweni mataivalu ena 1967 e rauta ni 80 na meba, ia e le walu ga era kai Kirisi.
E a vakatabui Kirisi me baleta na vunautaki ni kosipeli o Elder Gordon B. Hinckley (1910–2008), ni a se lewe tu ni ni Kuoramu ni iApositolo Le Tinikarua. Me tekivu mai na gauna o ya sa levu sara na veivakatorocaketaki sa vakavuna na toso ni Lotu, wili kina na kena sa vakadewataki e dua na iVola i Momani ki na vosa vaka-Kirisi ena yabaki 1987, na kena sa tauyavu na Tabana ni Kaulotu na Greece Athens ena 1990, kei na kena sa vakatabui na imatai ni valenilotu e Kirisi ena 1999.
iWiliwili ni Lewenilotu (2009) |
661 |
Tikina |
1 |
Tabana |
5 |
Ena vica ga na yabaki oqo na kena sa yaco tiko mai Mars Hill, na vanua e a vunau voli kina o Paula na iApositolo Cakacaka 17, sa vanua tiko ni soqoni ni wasei ni ivakadinadina, vanua ni veiqaravi ka vanua ni marautaki ni rawa ka ni dua na kai Kirisi e sa ivakaraitaki vinaka sara.