Na iVolanikalou na Noqu iKelekele

Giccelly D., Venezuela

Niu tekivu vuli semineri niu se qai lewena vou na Lotu, au a sega vakadua ni bau nanuma ni na yaco me noqu ikelekele, noqu isasabai ka itataqomaki, noqu vakacegu kei na reki. Mai na ivolanikalou au sa kilai ira kina na nona tamata yalodina na Kalou era a vala ena vuku ni nodra vakabauta kei na nodra matavuvale ka ra dau toso ga ki liu, tudei ka sega ni yavalati rawa vei Karisito. Era a yalomalumalumu, dauvosota, ka sinai ena loloma, loloma uasivi, kei na vakabauta. Au kila ni tu e yalodra na gagadre me da bulataka o keda ena noda gauna oqo na ivakavuvuli yadua e vakavuvulitaki ena ivolanikalou.

O ira kece na qaqa oqori ena ivolanikalou era a vakauqeti au, ia na kena ga a vakasakiti dina vei ira kece sai koya a yalomalumalumu ka talairawarawa mai na gauna ni gone, e dua ka biuta koto na ivakaraitaki sa vinaka sara, o koya sa dinau tu vua na tamata kecega. Na tamata oqori o Jisu Karisito. E sega vei au na vosa meu vakamacalataka kina na noqu vakavinakavinaka Vua.

E vakavulica vei au na semineri ni ivolanikalou e sega ni ka me katoni wale tu ga ena noda vakanananu, ia me bulataki. Au vakavinavinaka vei ira yadua na noqu qasenivuli vinaka, ka ra a isuwai ni cakacaka e ligana na Turaga.