Veika Lalai ka Rawarawa

2010

Epereli 2010

Veika Lalai ka Rawarawa

“Raica na ka lalai ka beci ena tubu mai kina na ka levu” (Alama 37:6).

Me ra Vakaitavi Kece ena Lotu Vakamatavuvale

Sureti ira na lewe ni matavuvale kece me ra vakaitavi taucoko.
Masulaka nomu vakarautaka na lesoni kei na itaviqaravi me ra na vakaitavi kece kina na lewe ni matavuvale.
Laiva me ra wasea na gone na ka era sa vulica tiko mai na kalasi ni Lalai. E rawa ni dua na sere, dua na tiki ni ivolanikalou, se dua na qito ni vakalasalasa me vulici kina e dua na ivakavuvuli vakosipeli.
Tarogi ira na lewe ni matavuvale me ra vakatura na ulutaga me lesoni ena veigauna mai muri. Cakava e dua na ituvatuva ka qai vakaraitaka na ulutaga ena kena gauna.
Kakua ni vakasaurarataka e dua na lewe.ni matavuvale me vakaitavi. Tovolea mo vakarautaka e dua na yalo e veiciqomi me rawarawa kina nodra na vakaitavi na tiko ena lesoni.

Na veiulutaga e tarava mai, qarauna na veivakasama ni lotu vakamatavuvale me baleti ira na dawai kei ira na matavuvale era sega ni vakaluveni.

Wiliwili ni Valetabu

130 na valetabu era sa veiqaravi tiko.
: na valetabu era sa kacivaki se era sa tara tiko.
1: na siti e vuravura ka tiko kina e rua na valetabu ka tiko ena iyalayala ni vanua, South Jordan, Utah.“ Ko ni na taroga beka se cava e sa dau kauwaitaki tu ga kina vakalevu o Utah. Baleta ga ni itavi e qaravi tiko ena ganita me vakakina,”¹ Peresitedi Gordon B. Hinckley e kaya, ena nona kacivaka na Valetabu e Oquirrh Mountain Utah ena Okotova 2005, na ika va ni valetabu ena Bucabuca e Salt Lake.
34: na valetabu e vakatabui ena 2000, na iwiliwili levu duadua me vakatabui ena loma ni dua ga na yabaki.
85: na valetabu e vakatabuya o Peresitedi Hinckley ena nona bula, na kena ka levu duadua me qarava e dua ga na iApositolo ena itabagauna oqo. E qarava talega o Peresitedi Hinckley e 10 na kena e vakatabui ena ikarua ni gauna.
685,000 na tamata era a tiko rawa ena soqo ni curumi na Valetabu e Draper Utah. E a qaravi na kena vakatabui na valetabu ena Maji ni 2009.
6,800 na fiti vakarivirivi (682 sq.m) na Valetabu e Colonia Juárez Chihuahua Mexico, na valetabu lailai duadua ena Lotu.
331,032: na fiti vakarivirivi (30,754 sq. m) na Valetabu e Salt Lake, na valetabu levu duadua ena Lotu.
169: na iteki kei na tikina e qaravi mai na Tikina ni Valetabu e Manila ena Yatu Filipaini, e qarava e levu duadua na tabanalevu kei na tabana mai na tikina ni veivaletabu tale eso ena Lotu.

Mai cake ena imawi: droini ni Valetabu e Manila Philippines mai vei Robert T. Barrett; mai ra ena imawi: veitaba o Matthew Reier; ena imatau: veitaba na © Corbis