iTukutuku ni Valetabu
Valetabu e Manila, Yatu Filipaini
Peresitedi Gordon B. Hinckley (1910–2008) e vakatabuya na Valetabu e Manila Yatu Filipaini ena Sepiteba 1984. Na vale ka ono na kena tawa e totoka na kena irairai e tautuba ni vulavula na taile e dagona ka wavokita tu na veivuni niusawa kei na veikau bulabula.
E dola na valetabu ni se qai oti ga e rua na cagilaba ka a ravuta na Yatu Filipaini. Dina ni a liwa na cava ia e sega ni vakadaroya na kena dola. E a vakayacori na nodra sarasara na vakaitutu lelevu ena ika 3 ni Sepiteba, 1984. Ena siga ka tarava ena nodra sarasara na lewenivanua raraba, “e a yaco e dua na ka e matalia ena delavuvu ni valetabu,” e tukuna o Jovencio Ilagan, na sekeriteri liu ni komiti ni valetabu ena gauna e tara tiko kina na valetabu. “Ena kena cila vinaka tu na matanisiga, e a laurai e kea e dua na rarama duiroka.… Ena dua na vanua, na lomadonu ni tawa ka dabe toka kina o Moronai, na Agilosi, e raici yani kina na loma donu ni rarama o ya. Rauta na dua na drau na tamata ka ra tu ena loma ni bai ni valetabu era vakadinadinataka na ka oqo. E levu sara e tarai ira ena luluvu.” 1
E imatai ni valetabu me tara ena Yatu Filipaini na Valetabu e Manila. A tekivu tara na ikarua ni valetabu mai kea ena yabaki 2007 e Cebu City.