E Rokova o Koya Noqu Kerekere

Juan Carlos Fallas Agüero, San José, Costa Rica

Niu a papitaiso ena noqu yabaki 18, au kila na kena bulataki na kosipeli i Jisu Karisito ena rawa ni yaco me dua na ivakarau ni bula. Au vakila na bibi kei na dredre ni kena bulataki na itagede vakosipeli, kei na kena vakayacori ni na vakalougatataka na noqu bula ena vuqa na sala.

E dua na ivakavuvuli vakosipeli ka sa bibi dina kivei au sa ikoya na kena rokovi na siga ni Vakacecegu. E vakatara vei au meu muduka noqu ivakarau ni veisiga ka vakatabakidua noqu vakanananu vua na Tamaqu Vakalomalagi.

Au cakacaka ena dua na bisinisi ni saravanua e Costa Rica. Ena cakacaka oqo, e sa matau vei ira na tamata me ra cakacaka ena Sigatabu. Ena gauna au tekivu cakacaka kina, au vakatakilakilataki au niu lewe ni Lotu. Au a kereya—ka mani vakadonui meu—cegu ena Sigatabu.

Me baleta na noqu kerekere sega ni matau, era lomatarotaro na noqu itokani kei na noqu boso. Era vakatarogi au ena levu na taro me baleta noqu vakabauta. Levu na gauna e dau gauna donu vei au meu vakamacalataka kivei ira eso na veika era vakabauta na Yalododonu Edaidai. E vakavuqa me dau vakatubura vei ira na veidokai na noqu ivakamacala me baleta na vunau vakosipeli.

Ena dua na siga a vakasoqoni keimami na tamata cakacaka na noqu boso me baleta e dua na ka me kacivaki. “Au gadrevi kemuni kece mo ni lako mai ki cakacaka ena rua na mua ni macawa ka tarava mai oqo,” a kaya. E luvuci na lomaqu. Au kila ni kena ibalebale oqo ni gadrevi meu na mai cakacaka ena Sigatabu.

Ia ni oti o ya a tomana tale noqu boso: “Sa ikoya o ya, o ikemuni vakayadudua vakavo ga o Juan Carlos. Eda kila ni sega ni dua na ka e rawa kina vua me lako mai ki cakacaka ena Sigatabu.”

Au sa vakacegu. E a rokova na noqu boso na noqu kerekere! Me baleta noqu itovo kei na itagede au vakaraitaka ena cakacaka, au sa rawata kina nona veidokai. Na ka e qai yaco e a tu vakarau me rokova na noqu vakabauta.

Au kila ena noda cakava na itagede vakosipeli me vakaliuci taumada ena noda bula, ena vakalougatataki keda na Turaga.

“Au gadrevi kemuni kece mo ni lako mai ki cakacaka ena rua na mua ni macawa ka tarava mai oqo, a kaya noqu boso. E luvuci na lomaqu. Au kila ni kena ibalebale oqo niu gadrevi meu mai cakacaka ena Sigatabu.