iVaqa ni Veisiko
Vaqarai kei na Ciqomi ni iVakatakila Yadua
Vakavuvulitaka na ivolanikalou kei na vosacavuti se, kevaka e gadrevi, e dua tale na ivakavuvuli ka na vakalougatataki ira na marama o dau sikova.Wasea na nomu ivakadinadina me baleta na vunau.Sureti ira ko vakatavulica tiko me ra wasea mai na veika era sa vakila ka vulica.
Meu Vaqara Vakacava na iVakatakila Yadua?
“Eda vakarau meda ciqoma na ivakatakila yadua me vakataki ira ga na parofita. Ena kena vulici na ivolanikalou, ena lolo, masumasu, kei na tarai cake ni vakabauta. Na kena ki na vakabauta. Nanuma na vakavakarau nei Josefa me baleta na iMatai ni Raivotu:
“‘Ia kevaka sa lailai na vuku vua e dua vei kemudou, me kereya vua na Kalou. …
“Ia me kerekere ena vakabauta, me kakua ni vakatitiqa.’”1
Elder Robert D. Hales ena Kuoramu ni iApositolo Le Tinikarua.
“Na masu sa nomu ki me dolavi lomalagi. Na loka e tiko ena nomu yasa ni ilati.
“Ia e sega ni o koya kece o ya. Vei koya e nanuma ni ivakatakila ena yaco mai kevaka me sega na buno, e kaya na Turaga:
“‘Ko sega tiko ni kila na bibi ni ka oqo; ko a sega mada ni vakasamataka ia ko a nanuma ga mo rawata na ka ko sa kereya vei au.
“‘Ia, au sa kaya vakaidina vei iko, a dodonu sara mo vakasamataka taumada; kevaka sa dodonu vei iko, mo qai kerea, ia kevaka au kila ni ganita au na uqeta na yalomu ka na katakata mai na lomamu, raica ko na qai kila sara ni sa dodonu.’”2
Peresitedi Boyd K. Packer, Peresitedi ni Kuoramu ni iApositolo Le Tinikarua.
Meu na Ciqoma Vakacava na iVakatakila Yadua?
“Ena kena e sa matau toka, na ivakatakila se veivakauqeti ena yaco mai vaka na vosa se vakanananu ka vakadewataki ki na vakasama (raica Inosi 1:10; V&V 8:2–3), vaka e vakasauri na veivakararamataki (raica V&V 6:14–15), mai na ka vinaka se ca e vakilai mai na dua na ka e namaki me vakayacori, se mai na dua na vakatasuasua, me vaka e dau yaco ena vakaraitaki ivukivuki. Me vaka sa tukuna o Peresitedi Boyd K. Packer, … Peresitedi ni Kuoramu ni iApositolo Le Tinikarua, ‘Na veivakauqeti e yaco mai vakalevu ena ka e vakilai mai na ka e rogoci.’”3
Elder Dallin H. Oaks ena Kuoramu ni iApositolo Le Tinikarua.
“Na valetabu e vale ni vuli. E levu na veivakavulici e soli ena valetabu e vakayacori ena ivakatakilakila mai na veituberi ni Yalotabu. Kena ibalebale ni da sa tuberi tiko mai cake. … Na noda kila na ibalebale ni cakacakatabu vakalotu kei na veiyalayalati ena toso cake ni da lesu wasoma ki na valetabu ka meda salavata yani kei na inakinaki ni laki vuli ka vakasamataka na tawamudu ni dina e vakavulici. … Meda na marautaka na veivakaukauwataki vakayalo kei na ivakatakila eda ciqoma ni da dau lako wasoma ki na valetabu.”4
Silvia H. Allred, imatai ni daunivakasala ena mataveiliutaki raraba ni iSoqosoqo ni Veivukei.
iTaba droini mai vei Juan Pablo Aragón Armas