សៀវភៅកត់ចំណាំសន្និសីទខែ មេសា ឆ្នាំ ២០១៥

ខែ កក្កដា ឆ្នាំ ២០១៥

« អ្វីដែលយើងជាព្រះអម្ចាស់បានមានបន្ទូល នោះយើងបានមានបន្ទូលហើយ … ទោះជាដោយសំឡេងរបស់យើងផ្ទាល់ ឬ ក៏ដោយសំឡេងនៃពួកអ្នកបម្រើរបស់យើងក្តី គឺដូចតែគ្នា » ( គ. និង ស. ១:៣៨ ) ។

នៅពេលអ្នកមើលសន្និសីទទូទៅខែ មេសា ឆ្នាំ ២០១៥ ឡើងវិញ នោះអ្នកអាចប្រើទំព័រទាំងនេះ ( និង សៀវភៅកត់ចំណាំសន្និសីទនៅក្នុងច្បាប់ទស្សនាវដ្ដីដែលចេញផ្សាយនាពេលខាងមុខ ) ដើម្បីជួយអ្នកសិក្សា ហើយអនុវត្តតាមការបង្រៀនថ្មីៗរបស់ពួកព្យាការី និង ពួកសាវកទាំងឡាយដែលកំពុងរស់នៅ ព្រមទាំងអ្នកដឹកនាំសាសនាចក្រផ្សេងទៀត ។

ដើម្បីអានទស្សនា ឬ ស្តាប់សុន្ទរកថាសន្និសីទទូទៅ សូមចូលទៅកាន់គេហទំព័រ conference.lds.org ។

« ក្រុមគ្រួសារ ៖ ការប្រកាសដល់ពិភពលោក »

« មានគោលការណ៍បីយ៉ាង បានបង្រៀននៅក្នុងសេចក្ដីប្រកាស ដែលខ្ញុំគិតថា វាត្រូវការជាពិសេសនូវអ្នកការពារដ៏នឹងនរ ។ …

« … ចូរយើងជួយស្ថាបនានគរព្រះ ដោយឈរយ៉ាងអង់អាច ហើយជាអ្នកការពារដល់អាពាហ៍ពិពាហ៍ ភាពជាឪពុកម្ដាយ និងគេហដ្ឋាន ។ ព្រះអម្ចាស់ត្រូវការយើងឲ្យមានភាពក្លាហាន នឹងនរ ហើយជាអ្នកចម្បាំងដ៏រឹងមាំ ដែលនឹងការពារផែនការរបស់ទ្រង់ ហើយបង្រៀនដល់ជំនាន់ក្រោយៗអំពីសេចក្ដីពិតរបស់ទ្រង់ » ។

១. អាពាហ៍ពិពាហ៍រវាងបុរសម្នាក់ និង ស្ត្រីម្នាក់ ។

២. តួនាទីរបស់ម្ដាយ និង ឪពុក ។

៣. ភាពស័ក្ដិសិទ្ធិនៃគេហដ្ឋាន ។

បូនី អិល អូស្ការសុន ប្រធានយុវនារីទូទៅ « អ្នកការពារសេចក្ដីប្រកាសក្រុមគ្រួសារ » លីអាហូណា ខែ ឧសភា ឆ្នាំ ២០១៥ ទំព័រ ១៥, ១៦ ។

សម្រាប់អត្ថបទបន្ថែមទៀតស្ដីអំពីអាពាហ៍ពិពាហ៍ និង ក្រុមគ្រួសារចេញពីសម័យប្រជុំស្ត្រីទូទៅនៃសន្និសីទខែ មេសា ឆ្នាំ ២០១៥ សូមមើល ឆារិល អេ អេសព្លិន « ការបំពេញក្នុងគេហដ្ឋានរបស់យើងដោយពន្លឺ និងសេចក្ដីពិត » ទំព័រ ៨ និង ខារូល អិម ស្ទីហ្វិន « ក្រុមគ្រួសារ គឺមកពីព្រះ » ទំព័រ ១១ ។

រឿងដ៏អស្ចារ្យទាំងឡាយចេញពីសន្និសីទ

តើមានអ្វីដែលទាក់ទាញចំណាប់អារម្មណ៍យើង ជាងរឿងដ៏អស្ចារ្យមួយនោះ ? ខាងក្រោមនេះ គឺជារឿងបីក្នុងចំណោមរឿងដ៏អស្ចារ្យជាច្រើន ដែលបានចែកចាយអំឡុងសន្និសីទ ៖

នៅក្នុងរឿងប្រៀបប្រដូចនៃអ្នកសាបព្រោះ តើអ្នកជាដីប្រភេទមួយណា ? តើការដឹងអំពីការណ៍នោះ អាចផ្លាស់ប្ដូរជីវិតអ្នកដោយរបៀបណា ? —សូមមើល ដាល្លិន អេក អូក « រឿងប្រៀបប្រដូចនៃអ្នកសាបព្រោះ » ទំព័រ ៣២ ។
តើបទពិសោធន៍ដែលធ្វើឲ្យពិបាកចិត្តអ្វីខ្លះ ដែលបានជួយម្ដាយវ័យក្មេងម្នាក់ឲ្យត្រឡប់មករកដំណឹងល្អនៃព្រះយេស៊ូវគ្រីស្ទវិញ ? —សូមមើល រ៉ូសម៉ារី អិម វិកស្សុម « ការពង្រឹងសេចក្ដីជំនឿ » ទំព័រ ៩៣ ។
តើរឿងដ៏អស្ចារ្យអំពីបងប្អូនប្រុសពីរនាក់ ដែលបានជាប់នឹងជ្រលងជ្រោះជ្រៅ ជួយពង្រីកការយល់ដឹងរបស់យើងអំពីដង្វាយធួនរបស់ព្រះយេស៊ូវគ្រីស្ទយ៉ាងដូចម្ដេចដែរ ? —សូមមើល ជែហ្វ្រី អ័រ ហូឡិន « មានទាំងយុត្តិធម៌ សេចក្ដីស្រឡាញ់ និងសេចក្ដីមេត្តាករុណា » ទំព័រ ១០៤ ។

រូបថតនៃព្រះវិហារបរិសុទ្ធ ម៉ាឌ្រីឌ អេស្ប៉ាញ ដោយ ហ្ការិតថ៍ វ៉េសលី ហ្គិបប៊នស៍; រូបថតនៃគូស្វាមីភរិយាដែលបានរៀបការ ដោយ ជិន ចូនស៍; រូបថតនៃអ្នកឡើងភ្នំថ្ម ដោយ ដេវិដ វិនធើរស៍