ពេលវេលាសម្រាប់ព្រះគម្ពីរ
រឿងប្រៀបធៀបពីទេពកោសល្យ
អ្នកនិពន្ធរស់នៅក្នុងរដ្ឋ យូថាហ៍ ស.រ.អា ។
រៀនអំពីព្រះគម្ពីរសញ្ញាថ្មីជាមួយគ្នានៅឆ្នាំនេះ !
ព្រះយេស៊ូវបានប្រាប់រឿងមួយ ឬ រឿងប្រៀបធៀបមួយ អំពីបុរសម្នាក់ដែលបានឲ្យប្រាក់ទៅមនុស្សបីនាក់ខ្ចី ជាអ្នកដែលបានធ្វើការឲ្យគាត់ ។ បន្ទាប់មកបុរសនោះបានចេញទៅឆ្ងាយទៅ ។ ពេលគាត់មិននៅ មនុស្សពីរនាក់បានខិតខំធ្វើការ ហើយបានប្រើប្រាស់ប្រាក់របស់ពួកគេ ដើម្បីបង្កើនប្រាក់ថែមទៀត ដើម្បីប្រគល់ឲ្យបុរសនោះវិញ ។ ប៉ុន្តែមនុស្សម្នាក់គ្រាន់តែបានកប់ប្រាក់គាត់ទុក ព្រោះគាត់ខ្លាចបាត់វា ។ ពេលបុរសនោះមកវិញ គាត់បានផ្ដល់រង្វាន់ដល់ពួកអ្នកទាំងពីរដែលបានបង្កើនប្រាក់ដែលគាត់បានឲ្យពួកគេខ្ចី ។ ប៉ុន្តែ គាត់បានយកប្រាក់ពីបុរសម្នាក់ដែលមិនបានព្យាយាមកង្កើនវាសោះ ។ ( សូមមើល ម៉ាថាយ ២៥:១៤–២៩ ) ។
ដូចជាបុរសនៅក្នុងរឿងប្រៀបធៀបនោះដែរ ព្រះវរបិតាសួគ៌បានប្រទានដល់យើងម្នាក់ៗនូវអ្វីមួយដែលមានតម្លៃ — មិនមែនជាប្រាក់ទេ ប៉ុន្តែជាសមត្ថភាព ឬ ទេពកោសល្យពិសេសទាំងឡាយ ដូចជាការច្រៀង ការបង្ហាញសេចក្ដីស្រឡាញ់ ការរត់ ឬ ការជួយអ្នកដទៃ ។ ដូចជាមនុស្សនៅក្នុងរឿងប្រៀបធៀបនោះដែរ អ្នកត្រូវតែខិតខំប្រឹងប្រែងដើម្បីធ្វើឲ្យទេពកោសល្យរបស់អ្នករីកលូតលាស់ឡើង !
តើអ្នកអាចធ្វើតាមការបង្រៀនរបស់ព្រះយេស៊ូវ ដោយការប្រើប្រាស់ និង អភិវឌ្ឍទេពកោសល្យរបស់អ្នកដោយរបៀបណា ? អ្នកអាចមានអារម្មណ៍កាន់តែរីករាយ និង ជួយអ្នកដទៃទៀតពេលអ្នកធ្វើដូច្នោះ ។
រចនារូបភាពដោយ ចស ថាលបូត