ការយល់ដឹងជ្រៅជ្រះ
.ក្រុមគ្រួសាររបស់រ៉ាសូឡូ នៅម៉ាដាហ្គាស្ការ គឺជាពួកអ្នកត្រួសត្រាយផ្លូវនៅសហគមន៍ដ៏ឆ្ងាយរបស់ពួកគេ
ចុះបើខ្ញុំមិនមានបុព្វការីជនជាអ្នកត្រួសត្រាយ ?
« ខ្ញុំស្រឡាញ់ និង គោរពសេចក្ដីជំនឿ និង ភាពក្លាហានរបស់ពួកអ្នកត្រួសត្រាយជំនាន់ដើមរបស់សាសនាចក្រណាស់ ។ បុព្វការីជនរបស់ខ្ញុំផ្ទាល់បានរស់នៅឆ្ងាយឆ្លងមហាសមុទ្រនៅពេលនោះ ។ គ្មាននរណាម្នាក់ក្នុងចំណោមពួកគាត់ដែលបានរស់នៅក្នុងទីក្រុងណៅវូ ឬ វិនធើរ ខ្វរធើរ ទេ ហើយក៏គ្មាននរណាម្នាក់បានធ្វើដំណើរឆ្លងកាត់ទីវាលទាំងឡាយដែរ ។ ប៉ុន្តែ ក្នុងនាមជាសមាជិកសាសនាចក្រម្នាក់ ខ្ញុំប្រកាសដោយកតញ្ញុតា និង ដោយមោទនភាពពីកេរដំណែលអ្នកត្រួសត្រាយនេះជារបស់ខ្ញុំផ្ទាល់ ។
« ជាមួយនឹងសេចក្ដីអំណរដូចគ្នានោះ ខ្ញុំសូមប្រកាសពីកេរដំណែលនៃពួកអ្នកត្រួសត្រាយផ្លូវក្នុងសាសនាចក្រសម័យទំនើបនាបច្ចុប្បន្ននេះ ដែលរស់នៅក្នុងគ្រប់ជាតិសាសន៍ ហើយដែលដំណើររឿងនៃការតស៊ូ សេចក្ដីជំនឿ និងការលះបង់ផ្ទាល់ខ្លួនរបស់ពួកគេបានបន្ថែមនូវវគ្គថ្មីៗដ៏មានសិរីល្អក្នុងវគ្គបន្ទរដ៏អស្ចារ្យនៃបទភ្លេងនៃនគរព្រះនាថ្ងៃចុងក្រោយនេះ »។
ប្រធាន ឌៀថើរ អេស្វ. អុជដូហ្វ ទីប្រឹក្សាទីពីរក្នុងគណៈប្រធានទីមួយ “Faith of Our Father,” លីអាហូណា, ខែ ឧសភា ឆ្នាំ ២០០៨ ទំព័រ ៧០ ។