Duavata na Lotu kei ira na Dauqito Basketball kei na Pacific Assist

Rumu ni itukutuku

Enai ka 9 ni Noveba 2019, era a solia na nodra gauna ena mataka ni Vakarauwai na dauqito basketball ni Sky Sport Tall Ferns kei ira mai na Long Bay College mera veivuke ena kena vakavodoki ena dua na lori na iyaya ni koronivuli a lolomataki me vakau yani vei ira na gone ena Yatu Pasifika.

Rau a duavata na timi e rua oqo kei na Pacific Assist Charitable Trust kei na Latter-day Saint Charities me dolei kina e dua na kerekere mai na Tabana ni Vuli e Viti. E ratou a kerea mai na veivuke me baleta na ivurevure ni iyaya vinaka vakayagataki oti ni koronivuli ni nodra rumu ni kalasi me rawa ni ra tiko na gonevuli ena vanua me vinaka kina na vuli.

“Na veivakatorocaketaki oqo e rua tiko na kena inaki,” a kaya o Paul Field, na Dairekita ni Qito e Long Bay College. “E solia vei keimami na madigi me vukea na kena vakavurea ena dua na Matanitu Yanuyanu ena ka e gadreva ia sa solia talega na madigi vei ira na neimami gonevuli goneyalewa dauqito mera cakava eso na cakacaka ni loloma vata kei iratou na Tall Ferns, ka sa nuitaki tiko mena solia vei ira e dua na ka mera kakavaki kina kevaka mera na gumatuataka na nodra gauna ni qito.”

A lolomataka ena yalololoma na Long Bay College e sivia na 250 na desi kei na idabedabe vata kei na iyaya ni qito ki na inaki oqo, ka ra solia na goneyalewa na nodra gauna mera veivuke me rawati na veivakatorocaketaki oqo. “A dua dina na madigi cecere oqo vei keimami me keimami dolele lesu ki na lewenivanua ena Pasifika, na vanua era yavutaki mai kina e vuqa na neimami dauqito e Tall Ferns,” a kaya o Brooke Blair, dauqito ena Tall Ferns ka lewe ni Lotu i Jisu Karisito ni Yalododonu Edaidai.

Na cakacaka ni loloma oqo sa vakaraitaka tiko na vakasama kei na ivakarau ni bula sa tu vei ira na gonevuli kei na dauqito e Long Bay College kei na Sky Sport Tall Ferns.

Ena veivakatorocaketaki vakaoqo, a vakarautaka na Pacific Assist na kena vakavodoki ka vakau yani na koniteina ki na veiyanuyanu, ka sauma na kena vakau e waqa na Latter-day Saint Charities.