1 Nefi 7

U-Ishmayeli noMndeni Wakhe

Ukuzibandakanya ohambweni oluya ezweni lesethembiso

Umndeni kaLehi noSariya wawuhlala wodwa ehlane. Ngolunye usuku, iNkosi yatshela uLehi ukuba athumele amadodana akhe, uLamani, uLamuweli, uSamu, kanye noNefi, ukuba baye eJerusalema. Bathunywa ukuba bacele u-Ishmayeli nomndeni wakhe ukuba bahlanganyele nabo. Ndawonye imindeni yabo yayingakhulisa abantwana ezweni lesethembiso.

1 Nefi 7:1–3

U-Ishmayeli nomndeni wakhe babefuna ukuyilandela iNkosi. Babekholelwa ekutheni iNkosi yayifuna ukuba bazibandakanye nomndeni kaLehi noSariya. Bakhetha ukushiya iJerusalema futhi bahlangane noLehi ehlane.

1 Nefi 7:4–5

Endleleni yabo, kwabakhona abanye ababengasafuni ukulalela. Babefuna ukubuyela emuva ekhaya. UNefi wabacela ukuba babenokholo eNkosini.

1 Nefi 7:6–13

UNefi wathi iNkosi ingenza nomayini uma bebanokholo. ULamani noLamuweli babethukuthele. Babopha uNefi base befuna ukumushiya ehlane.

1 Nefi 7:12, 16

UNefi wakhulekela usizo. Izintambo zaqaqeka, futhi uNefi wasukuma. Kepha uLamani noLamuweli babesafuna ukumulimaza. Enye yamadodakazi ka-Ishmayeli yamuvikela uNefi. Umama wakhe kanye nomunye wabafowabo nabo bamuvikela. ULamani noLamuweli babalalela futhi bayeka ukuzama ukulimaza uNefi.

1 Nefi 7:17–19

ULamani noLamuweli bashaywa ngunembeza ngezenzo zabo. Bacela uNefi ukuba abaxolele. UNefi wabaxolela abafowabo. ULamani noLamuweli base bekhuleka becela iNkosi ukuba ibaxolele.

1 Nefi 7:20–21

Baqhubeka bonke nohambo lwabo baze bafika etendeni likaLehi noSariya. Ekugcineni, lemindeni emibili yayindawonye. Babonga iNkosi futhi baYidumisa.

1 Nefi 7:21–22