UJesu Wabelana ngeSidlo esiNgcwele

Umkhumbule Njalo

UJesu Kristu ukhuluma neqembu elikhulu labantu, abafundi bakhe baletha isinkwa nojeke wewayini kuYena

Emva kwalokho uJesu walapha abagulayo futhi wabusisa abantwana abancane, Wethula isidlo esingcwele kubo bonke abantu ababehlanganyele ukuzwa Yena. Wacela abafundi ukuba balethe isinkwa kanye newayini.

3 Nefi 17; 18:1–2

UJesu uhlephula isinkwa phakathi nendawo futhi unika isinkwa abafundi bakhe.

uJesu wahlephula isinkwa futhi wasibusisa. Wayesesinikeza abafundi ukuba badle. Watshela abafundi ukuba banikeze isinkwa kubantu bonke.

3 Nefi 18:3–4, 6

UJesu Kristu uphethe izicucu zesinkwa, futhi izithombe zesiphambano nethuna elingenalutho kungemuva Kwakhe.

UJesu wathi wonke umuntu okholelwa Kuye futhi wabhabhadiswa kufanele adle isinkwa. Uma sebekwenzile, kumele bakhumbule umzimba Wakhe. Wakhumbuza abantu ngenkathi bezwa izibazi zezipikili ezandleni Zakhe futhi bezwa nenxeba ohlangothini Lwakhe.

3 Nefi 11:14–15; 18:3–7

UJesu Kristu unika omunye wabafundi Bakhe inkomishi yewayini

UJesu wabe esenika abafundi iwayini ukuba baphuze. Watshela abafundi ukuba banikeze iwayini kubantu bonke.

3 Nefi 18:8–9

UJesu Kristu uyaguqa futhi athandaze eNsimini yaseGetsemane

UJesu wathi wonke umuntu owayephendukile futhi wabhabhadiswa kufanele aphuze iwayini. Watshela bonke abaphuza iwayini ukuthi bakhumbule igazi Lakhe. Wabakhumbuza ukuthi wanikela ngegazi Lakhe lapho ehlukumezeka futhi ebafela.

3 Nefi 18:11

UJesu wathi ukudla isinkwa uphuze newayini kwakuwumyalelo. Ngokudla isinkwa uphuze iwayini, abantu batshengisa UBaba oseZulwini ukuthi babefuna ukugcina imiyalelo Yakhe futhi bakhumbule uJesu. UJesu wathi bayokubusiswa ngoMoya Ongcwele uma benza lezi zinto.

3 Nefi 18:7, 10–14

UJesu Kristu ukhuluma nabantu, futhi bayamumamathekela

Emuva kokuthi abantu bedle isinkwa baphuza iwayini, bagcwaliswa ngoMoya oNgcwele. Abantu base bemdumisa uJesu.

3 Nefi 18:4–5, 9; 20:9