1 Nefi 16

ILiyahona noMnsalo Ophukile

Ukufuna usizo lweNkosi

Imindeni kaLehi no-Ishmayeli yahamba ehlane iminyaka eminingi. INkosi yabaholela ezingxenyeni ezingcono zomhlaba. Kwakumele bazingele futhi baqoqe ukudla endleleni. Kwakungesilo uhambo olumnandi.

1 Nefi 16:14; 17:1, 4

INkosi yathembisa ukuholela lemindeni emhlabeni omuhle uma igcina imiyalelo yayo. Babengazi ukuthi bazowuthola kanjani lomhlaba, kepha Yayizobahola.

1 Nefi 2:20; 10:13; 17:13–14

Ngolunye usuku ekuseni, uLehi wamangala ukuthola ibhola lethusi ngaphandle kwetende lakhe. Lelibhola lalibizwa ngeLiyahona. Ngaphakathi kweLiyahona, kwakunomcibisholo owawukhomba indlela ekwakumele ihanjwe yileliqoqo. Ngesinye isikhathi babethola imilayezo ebhaliwe eyayiphuma eNkosini. Iyona ndlela iNkosi eyayibaluleka ngayo.

1 Nefi 16:10, 16, 26–29; Alima 37:38

Ngolunye usuku ngenkathi uNefi ezingela, umnsalo wakhe wensimbi waphuka. Imindeni yayingeke ikwazi ukuthola ukudla ngaphandle kwawo. Abafowabo baNefi babethukuthelele yena kanye neNkosi.

1 Nefi 16:18–21

Bonke babekhathele futhi belambile. Abanye babedangele futhi bakhononda. Babesaba ukuthi bazolamba. Ngisho noLehi wakhononda eNkosini.

1 Nefi 16:19–22, 35

UNefi wenza umnsalo nomcibisholo omusha ngokhuni. Wayenokholo lokuthi iNkosi yayizomusiza ukuba athole ukudla.

1 Nefi 16:23

UNefi wabuza uLehi ukuba angaya kuphi na ukuyozingela. ULehi wayezisola ngokuthi wayekade ekhononda. ULehi waphenduka futhi wacela iNkosi ukuba imusize. INkosi yatshela uLehi ukuba abheke iLiyahona. Kwakunomyalezo owawubhaliwe kuyona. Imindeni yafunda ukuba iLiyahona isebenza kuphela uma benethemba eNkosini futhi belandela imiyalelo.

1 Nefi 16:23–29

Ngesinye isikhathi iNkosi yayiwushintsha umyalezo owawukade ukwiLiyahona ukuba basizakale ohanjweni lwabo. ILiyahona yasiza uNefi ukuba azi ukuba azingele kuphi. Wabuya nokudla okwakuzodliwa, futhi bonke babejabulile. Baphenduka futhi babonga iNkosi.

1 Nefi 16:28–32