Buyelani eJerusalema

Uhambo lwezingcwephe zethusi.

Umndeni kaLehi noSariya wahamba ehlane. Ephushweni, iNkosi yatshela uLehi mayelana nemibhalo engcwele ebhalwe ezingcwepheni zethusi. Zazikwindoda ebizwa ngoLabani eyayiseJerusalema. INkosi yathi umndeni kaLehi kwawumele uthathe izingcwephe zethusi nawo ohambweni lwabo.

1 Nefi 3:1–3, 19–20

INkosi yatshela uLehi ukuba athumele emuva amadodana akhe eJerusalema ukuba ayolanda izingcwephe zethusi. Abafowabo baNefi bakhononda. Batshela uLehi ukuthi inzima lento athi abayenze. Babengafuni ukuhamba.

1 Nephi 3:4–5

Kwakuyinto enzima impela, kepha uNefi wayefuna ukulalela. Wayazi ukuthi iNkosi yayizomusiza nabafobakhe. UNefi watshela uLehi ukuthi uzobuyela emuva eJerusalema ukuyolanda izingcwephe zethusi.

1 Nefii 3:6–8

ULamani, uLamuweli, uSamu, kanye noNefi babuyela emuva eJerusalema. Ngesikhathi befika khona, banquma ukuba uLamani owayezoya emzini kaLabani acele izingcwephe zethusi.

1 Nefi 3:9–11

Ngesikhathi uLamani ecela izingcwephe zethusi, uLabani wamubiza ngomphangi. ULabani wathi uzombulala uLamani.

1 Nefi 3:11–13

ULamani wabaleka wasetshela abafobakhe ngalokho okwenzeka.

1 Nefi 3:14

Izelamani ezine zazidangele. ULamani, uLamuweli, kanye noSamu babefuna ukuphindela kubazali babo ehlane, kepha uNefi wayenecebo. Wathi bangahweba noLabani ukuze bathole izingcwephe zethusi. Baphindela emuva kubo edolobheni baqoqa lonke igolide nesiliva labo ukuze bahwebe.

1 Nefi 3:14–16, 22–24

Ngesikhathi betshengisa uLabani igolide nesiliva, wavele walifuna lonke. Kepha futhi wayengafuni ukubanikeza izingcwephe zethusi. Kunalokho, watshela abasizi bakhe ukuba babulale izelamani khona ezothatha igolide nesiliva labo.

1 Nefi 3:16, 23–25

Izelamani ezine zabaleka ukuze zisindise izimpilo zazo futhi zashiya igolide nesiliva labo emuva. Abasizi baLabani abakwazanga ukubabamba. Izelamani zacasha emgedeni.

1 Nefi 3:26–27

ULamani noLamuweli bethukuthelele uNefi noSamu

Emveni kwazo zonke lezinto ezinzima, uLamani noLamuweli babethukuthelele uNefi. Bashaya uNefi noSamu ngenduku.

1 Nefi 3:28

Ngesidumo, kwaqhamuka ingelosi eyababuza ukuba kungani beshaya uNefi na. Ingelosi yabatshela ukuthi uNefi wayekhethiwe ukuba abahole. Khona ke ingelosi yabatshela ukuba babuyele emuva eJerusalema. INkosi yayizohlela indlela yokuba bazithole izingcwephe zethusi.

1 uNefi 3:29