Incekukazi yamaNefi

Ukusiza ukuze avikele abantu bakhe

UMoriyantoni uphethe ithoshi futhi ukhuluma nesixuku, nencekukazi eseduze

Incekukazi yayisebenzela umholi wamaNefi okuthiwa uMoriyantoni. UMoriyantoni wayebanga umonakalo phakathi kwabantu. Wahlasela iqembu lamaNefi futhi wazama ukuthatha izwe lawo. Wabe esehlela ukuya enyakatho nabantu bakhe ukuze athathe indawo lapho.

U-Alima 50:25–30

incekukazi ibalekela uMoriyantoni ebusuku

Ngolunye usuku, uMoriyantoni wathukuthela incekukazi. Wayiphatha kabi kakhulu futhi wayilimaza. Incekukazi yaphunyuka yagijimela ekamu likaKapteni uMoroni. Yatshela uMoroni ngezinto ezimbi ezenziwa nguMoriyantoni. UMoroni wayikholwa.

U-Alima 50:30–31

incekukazi ikhomba imephu futhi ikhuluma noKapteni uMoroni

Incekukazi nayo yathi uMoriyantoni wayefuna ukuhamba ayothatha indawo esenyakatho. UMoroni wayekhathazekile. AmaNefi angaba sengozini uma uMoriyantoni ethatha izwe elisenyakatho. Kungenza abantu balahlekelwe yinkululeko yabo.

U-Alima 50:31–32

UMoroni wathumela ibutho ukuthi liyovimba uMoriyantoni. Abantu bakaMoriyantoni balwa nebutho futhi bahlulwa. Bathembisa ukuba nokuthula bese babuyela ezweni labo. Ngenxa yokuthi incekukazi yamxwayisa uMoroni, amadolobha amaNefi ahlala ephephile.

U-Alima 50:33, 35–36