Etere 1–4; 6

UJarede noMndeni Wakhe

Uhambo oluholwa iNkosi

UJarede nomndeni wakhe bahlala eBabele izinkulungwane zeminyaka ngaphambi kokuzalwa kukaKristu. Bayilalela iNkosi. Kodwa iningi labantu abayilalelanga iNkosi. Labo bantu baqala ukwakha umbhoshongo ukuzama ukufika ezulwini. INkosi yaguqula ulimi lwabantu ukuze bangakwazi ukuzwana.

Genesise 11:4–9; Etere 1:33

UJarede wayenomfowabo. INkosi yayimethemba umfowabo kaJarede. UJarede wacela umfowabo ukuba athandazele usizo eNkosini. Emthandazweni wakhe, umfowabo kaJarede wacela iNkosi ukuba ingaluphambanisi ulwimi lomndeni nabangani bakhe. Ngaleyo ndlela bayokwazi ukuzwana bebodwa.

Etere 1:33–36

INkosi yayinothando futhi inomusa. Ayiluphambanisanga ulimi lomndeni kaJarede nabangani bakhe. Emuva kwesikhathi, iNkosi yatshela umfowabo kaJaredi ukuthi ibalungiselele izwe elikhethekile. INkosi yathi izobaholela kulo.

Etere 1:35-42

UJarede nomfowabo baqoqa imindeni nabangani babo. Baphinde baqoqa izilwane zabo kanye nembewu enhlobozonke. Base beshiya amakhaya abo futhi bahamba ehlane. INkosi yabahola ngokukhuluma nabo isefwini.

Etere 1:40–43; 2:1–6

Emuva kokuhamba indlela ende, bafika olwandle. Bahlala eduzane nolwandle iminyaka emine. Isikhathi eside, umfowabo kaJarede akathandazanga eNkosini.

Etere 2:13–14

INkosi yatshela umfowabo kaJarede ukuba athandaze futhi. Umfowabo kaJarede waphenduka futhi wathandaza eNkosini. INkosi yamxolela.

Etere 2:14–15

INkosi yafundisa umfowabo kaJaredi ukwakha imikhumbi ebizwa ngokuthi izikebhe. Imindeni yayizokwazi ukuhamba ngezikebhe inqamule ulwandle iyofika ezweni lesethembiso.

Etere 2:15–17

Umfowabo kaJarede nomndeni wakhe bakha izikebhe. Wabona ukuthi akukho ukukhanya ngaphakathi ezikebheni. Wabuza iNkosi ukuba kuzomele banqamule ulwandle ebumnyameni na. INkosi yatshela umfowabo kaJarede ukuba acabange indlela imikhumbi ingaba nokukhanya ngayo.

Etere 2:16–19, 22–25

Umfowabo kaJared wakha amatshe amancane acacile ayishumi nesithupha (16) Wacela iNkosi ukuba iwathinte futhi iwenze akhanye. INkosi yalula isandla sayo futhi yawathinta amatshe ngalinye ngomunwe Wayo. Umfowabo kaJarede wakwazi ukubona umunwe weNkosi. Wamangala ukuthi iNkosi yayinomzimba njengaye.

Etere 3:1–8

INkosi yathi umfowabo kaJarede wayenokholo olukhulu. INkosi yase ivela futhi yakhombisa umzimba Wayo womoya kumfowabo kaJarede. INkosi yathi, “Nginguye uJesu Kristu.” Wathi Uyena owakhethwa ukuthi abe nguMsindisi. Wafundisa umfowabo kaJarede izinto eziningi.

Etere 3:9–20, 25–27

Umfowabo kaJarede ubuyela emndenini nakubangani bakhe. Wabhala phansi ayekufundile lapho aye neNkosi khona. Futhi wafaka amatshe ezikebheni. Manje babesebenokukhanya ohambweni labo.

Etere 4:1; 6:2–3

Imindeni yangena ezikebheni ukuze inqamule ulwandle. Bathemba iNkosi ukuthi izobanakekela. Kwakuneziphepho eziningi namagagasi. Ngaleso sikhathi, amanzi amboza zonke izikebhe. Kodwa bathandaza, futhi iNkosi yababuyisa ngaphezulu kwamanzi. Bacula amaculo amaningi bebonga iNkosi.

Etere 6:4–10

Cishe emuva konyaka, bafika ezweni iNkosi eyayibathembise lona. Bakhala benenjabulo futhi bambonga Yena.

Etere 6:11–12