uMosiya 18; 23

U-Alima Emanzini kaMormoni

Ukuba abantu bakaNkulunkulu

U-Alima ubheka amanzi

U-Alima wayekade engumphristi wenkosi eyayibizwa ngokuthi uNowa. U-Alima wazama ukusindisa u-Abinadi, umphrofethi kaNkulunkulu, ekubulaweni nguNowa. Kodwa uNowa wamthukuthelela u-Alima futhi wafuna ukumbulala naye u-Alima. U-Alima wabalekela uNowa ukuze ahlale ephephile. Emini, u-Alima wacasha eduze kwendawo ebizwa ngokuthi Amanzi KaMormoni.

uMosiya 17:2–4; 18:4–5, 8

U-Alima uyaguqa futhi uyakhuleke ngasemanzini

U-Alima wakholelwa kulokho u-Abinadi akufundisa ngoJesu Kristu. Wacela uNkulunkulu ukuba amthethelele izono namaphutha akhe.

uMosiya 18:1–2

U-Alima edolobheni ebusuku

U-Alima wahlangana nabantu ngasese futhi wabafundisa ngoJesu. Wafundisa wonke umuntu owayelalela.

uMosiya 18:1–3

Abantu balalela u-Alima efindisa ngasemanzini

Abantu abaningi bamkholwa u-Alima. Bahamba baya eManzini kaMormoni ukuyozwa u-Alima efundisa.

uMosiya 18:3–8, 31

u-Alima uhlala phansi futhi ufundisa ngasemanzini

Amakholwa ayefuna ukubizwa ngokuthi abantu bakaNkulunkulu, ukusiza abanye abaswele, futhi atshele abantu ngoNkulunkulu. Ngakho-ke u-Alima wabamema ukuba babhabhadiswe. Ngokubhabhadiswa, babezokwenza isivumelwano, noma isithembiso, noNkulunkulu sokumkhonza futhi bagcine imiyalelo Yakhe. Ngokubuyisela, uNkulunkulu wayeyobabusisa ngoMoya Wakhe.

uMosiya 18:8–10, 13

U-Alima ubhabhadisa owesifazane emanzini

Abantu babejabulile kakhulu. Bashaya izandla bathi bafuna ukubhabhadiswa. U-Alima wabhabhadisa ngamunye wabo emanzini aseMormoni. Bonke bagcwaliswa ngoMoya kaNkulunkulu futhi bezwa uthando lukaNkulunkulu ngabo. Baba ngamalungu eBandla likaKristu.

uMosiya 18:11–17, 30

INkosi uNowa ithukuthele futhi iyakhomba

UNowa wabona ukuthi abanye abantu bakhe bayalishiya izwe lakhe. Wathumela abasebenzi ukuba bababheke. Abasebenzi babona abantu beya ezweni lakwaMormoni ukuyozwa izimfundiso zika-Alima. UNowa wathukuthela kakhulu. Wathumela ibutho lakhe ukuthi libulale u-Alima kanye nabantu u-Alima ayebafundisa

uMosiya 18:31–33

U-Alima kanye nabantu bakhe bayahamba

UNkulunkulu waxwayisa u-Alima ngebutho. Ngosizo lukaNkulunkulu, u-Alima kanye nabantu bakhe balishiya ngokuphepha izwe. Ibutho alikwazanga ukubabamba. Bahamba izinsuku eziyisishiyagalombili ehlane futhi bafika ezweni elihle. Bakha amakhaya amasha lapho. U-Alima wafundisa abantu, futhi basigcina isithembiso sabo kuNkulunkulu.

uMosiya 18:34–35; 23:1–20