Chʼol 15

Laj Alma nak’utuk ut nakub’sin ha’

laj Alma naq yoo chi tz’iib’ak

Laj Alma ki’eelelik chiruheb’ lix moos li rey aj Noe ut kixmuq rib’ chiru k’iila kutan. Naq toj muqmu chaq, kixtz’iib’a chixjunil li aatin kixye chaq li profeet aj Abinadi.

Mosiah 17:3–4

laj Alma nak’utuk chiruheb’ li tenamit

Laj Alma kixjal xk’a’uxl chirix lix maak ut xko’o sa’ muqmu sa’ xyanqeb’ laj Nefita, chixk’utb’al li raatin laj Abinadi chiruheb’. Laj Alma kixye reheb’ li tenamit naq te’xpaab’ li Jesukristo ut te’xjal xk’a’uxl.

Mosiah 18:1, 7

laj Alma

Chiru li kutan laj Alma kixmuq rib’ sa’ xyanq li kok’ xtoonal li che’ chixk’atq jun li yo’leb’aal ha’, li ha’ Mormon nayeeman re.

Mosiah 18:5

laj Alma naq yoo chi kub’sink ha’

Eb’ li ke’paab’ank re li raatin laj Alma xkoheb’ sa’ li ha’ Mormon ut ke’kub’siik xha’. Laj Alma kixkub’si xha’ wiib’ cient rik’in kaahib’ li aamej sa’ lix Iglees li Kristo.

Mosiah 18:8–10, 16–17

laj Alma naxk’ojob’eb’ laj tij

Laj Alma kixk’ojob’eb’ laj tij re xtzolb’aleb’ li tenamit. Kixye reheb’ laj tij naq te’xk’ut li jalb’a-k’a’uxlej ut xpaab’ankil li Jesukristo. Kixye ajwi’ naq me’wech’ok chirib’ileb’ rib’, te’wanq b’an sa’ junajil.

Mosiah 18:18, 20–21

eb’ li winq neke’wotzok

Eb’ lix tenamit laj Alma ke’xra rib’ ut ke’xtenq’a rib’ chirib’ileb’ rib’. Ke’xwotz chixjunil li k’a’ru wan reheb’ ut ke’xb’antioxi naq xe’tzole’ chaq chirix li Jesukriso, aj Kolol reheb’.

Mosiah 18:29–30

eb’ lix moos laj Noe neke’xk’aak’ale laj Alma chi muqmuukeb’

Eb’ lix moos li rey aj Noe ke’ril laj Alma chixtzolb’aleb’ li tenamit. Li rey kixye naq laj Alma yoo chixpo’resinkileb’ xch’ool laj Nefita chirix a’an, jo’kan naq kixtaqla jun teep aj pleet re xkamsinkileb’.

Mosiah 18:32–33

laj Alma ut xkomoneb’ chik naq yookeb’ chi eelelik

Li Dios kixye re laj Alma naq chalkeb’ re li teep aj pleet re li rey aj Noe. Eb’ li tenamit ke’xch’utub’ lix junkab’aleb’, lix ketomq, ut xkomon chik li k’a’ru’ wan reheb’ ut ke’eelelik chiru li yamyookil ch’och’.

Mosiah 18:34; 23:1

eb’ laj k’aak’alenel re li rey aj Noe

Li Dios kixk’eheb’ xmetz’ew lix tenamit laj Alma re naq te’ruuq chi eelelik chiru lix teep aj pleet li rey aj Noe. Li teep aj pleet ke’xsik’eb’ a’b’an maajun wa ke’xtaweb’.

Mosiah 19:1; 23:2

eb’ li kristiaan naq yookeb’ chi awk

Chirix naq ke’b’eek waqxaqib’ kutan chiru li yamyookil ch’och’, lix tenamit laj Alma ke’wulak sa’ jun li ch’och’ q’axal ch’ina-us nanume’ wi’ saq ruhil ha’. Arin ke’raweb’ li iyaj ut ke’xkab’laheb’ li kab’l.

Mosiah 23:3–5

laj Alma naq yoo chi aatinak rik’ineb’ li kristiaan

Eb’ li tenamit ke’raj naq laj Alma taawanq choq’ xreyeb’, a’b’anan laj Alma kixye naq li Dios ink’a’ kiraj naq taawanq junaq xreyeb’. Li Dios kiraj naq te’wanq chi ach’ab’anb’il.

Mosiah 23:6–7, 13