Chʼol 26

Lix tenamit laj Ammon

laj Mosiah nak’utuk chiruheb’ laj Lamanita

Eb’ li ralal laj Mosiah ke’xk’ut li evangelio chiruheb’ laj Lamanita. K’iila mil reheb’ laj Lamanita ke’xjal xk’a’uxl ut ke’xjunaji rib’ rik’in li Iglees.

Alma 23:4–5

eb’ laj Anti-Nefi-Lehi

Eb’ li Lamanita li ke’xjunaji rib’ rik’in li Iglees ke’xk’ul choq’ xk’ab’a’eb’ laj Anti-Nefi-Lehi, malaj lix tenamit laj Ammon. Chaab’ileb’ ut kaw neke’k’anjelak.

Alma 23:17–18; 27:26

eb’ laj Lamanita neke’xkawresi rib’ re pleetik

Eb’ laj Lamanita li ink’a’ ke’xjal xk’a’uxl, ke’josq’o’ rik’in lix tenamit laj Ammon ut ke’xkawresi rib’ re te’pleetiq rik’ineb’.

Alma 24:1–2

lix tenamit laj Ammon

Lix tenamit laj Ammon ke’xnaw naq eb’ laj Lamanita aj maakeb’ te’chalq chixkamsinkileb’, a’b’an ke’xk’e xch’ool naq ink’a’ te’pleetiq rik’ineb’. Ak ke’xjal xk’a’uxl chirix li kamsink.

Alma 24:5–6

eb’ li tenamit neke’xmuqeb’ lix k’anjeleb’aal re pleet

Ke’xmuqeb’ lix k’anjeleb’aal re pleet sa’ xchamal li ch’och’ ut ke’xye re li Dios naq maajun wa chik te’kamsinq.

Alma 24:17–18

neke’chal laj Lamanita ut yookeb’ chi tijok li tenamit

Naq eb’ laj Lamanita aj maakeb’ ke’wulak ut ke’ok chixkamsinkileb’, eb’ li tenamit ke’xhupub’ rib’ chi ch’och’ ut ke’ok chi tijok.

Alma 24:21

eb’ laj Lamanita neke’xsutiheb’ lix tenamit laj Ammon

Naq ke’ril naq ink’a’ neke’pleetik lix tenamit laj Ammon, naab’aleb’ laj Lamanita aj maakeb’ ke’xkanab’ xkamsinkileb’.

Alma 24:23–24

eb’ laj Lamanita neke’xtz’eq lix k’anjeleb’aal re pleet

Eb’ laj Lamanita ke’raho’ xch’ool xb’aan li kamsink ke’xb’aanu chaq. Ke’xtz’eq lix k’anjeleb’aal re pleet sa’ li ch’och’ ut ke’xjunaji rib’ rik’in lix tenamit laj Ammon. Ink’a’ chik ke’raj pleetik.

Alma 24:24–27

eb’ laj Lamanita neke’xkamsiheb’ lix tenamit laj Ammon

Naab’aleb’ chik laj Lamanita ke’wulak re xsachb’aleb’ lix tenamit laj Ammon. Toj ink’a’ ke’raj pleetik ut naab’aleb’ ke’kamsiik.

Alma 27:2–3

laj Ammon naq yoo chi tijok

Laj Ammon ink’a’ kiraj naq taasachq li tenamit li naxra, ut kitijok re xpatz’b’al xtenq’ankil. Li Qaawa’ kixye re naq tixk’am lix tenamit ut taa’elq chaq sa’ li ch’och’ a’an.

Alma 27:4–5, 10–12

lix tenamit laj Ammon ut eb’ li Nefita sa’ Tzarahemla

Eb’ laj Nefita sa’ Tzarahemla ke’xk’e li ch’och’ Jerxon re laj Ammon ut lix tenamit, ut ke’xkoleb’ rix. Ke’ok choq’ ramiiweb’ rib’.

Alma 27:22–23