Chʼol 48
Tuqtuukilal sa’ li ch’och’ America
Eb’ li ke’xjal xk’a’uxl chirix lix maakeb’ ke’kub’e xha’ ut ke’xk’ul li Santil Musiq’ej.
Sa’ junpaat, chixjunileb’ laj Nefita ut eb’ laj Lamanita ke’jale’ xch’ool. Ink’a’ neke’xwech’ rib’, ut chixjunileb’ yaal neke’xye.
Maa’ani b’ihom ut maa’ani neb’a’. Eb’ li tenamit ke’xwotz chixjunil li wan reheb’, ut kiwan chixjunil li nak’anjelak reheb’.
Eb’ li tzolom ke’xb’aanu naab’al li sachb’a-ch’oolej sa’ xk’ab’a’ li Jesukristo. Ke’xk’irtesiheb’ li yaj ut ke’xwaklesiheb’ li kamenaq.
Eb’ li tenamit ke’xkab’laheb’ li ak’ tenamit b’ar wi’ ke’sache’ chaq jalaneb’ chik tenamit.
Ke’ab’in chiruheb’ lix taqlahom li Dios. Ke’kuyuk sa’ ut ke’tijok, ut ke’xch’utub’ rib’ chi kok’ aj xsa’ re rab’inkil li raatin li Dios.
Sa xch’ooleb’ li tenamit.
Maak’a’eb’ aj elq’, chi moko aj tik’ti’, chi moko aj kamsinel. Ink’a’ chik jachb’ileb’ ru jo’ aj Nefita ut aj Lamanita; junajeb’ b’an ru, a’aneb’ ralal li Kristo.
Li Qaawa’ kirosob’tesiheb’ sa’ chixjunil li ke’xb’aanu.
Ke’wan sa’ tuqtuukilal chiru wiib’ cient chihab’. Ke’b’ihomo’ chi numtajenaq.