Chʼol 29
Laj Alma nak’utuk chirix li paab’aal ut li raatin li Dios
Laj Alma kixtzoleb’ laj Tzoramita chirix li paab’aal. A’an kixye naq eb’ li neke’xpatz’ jun eetalil re naq te’ruuq chi paab’ank moko wan ta xpaab’aaleb’.
Laj Alma kixye naq li paab’aal a’an xpaab’ankil li k’a’ru yaal us ta moko ilb’il ta ru.
A’an kixch’olob’ naq li paab’aal naniman naq junaq naraj paab’ank ut narab’i li raatin li Dios. Li aatin na’awman sa’ lix ch’ool junaq, ut jo’ jun iyaj, na’ok chi nimank.
Naq junaq kristiaan natzolok chirix li evangelio, li iyaj namoq ut na’ok chi nimank. Jo’kan naq li kristiaan a’an naxnaw naq chaab’il li iyaj, ut lix paab’aal naxkawob’resi rib’.
Laj Alma kixye naq jo’ chanru naq jun chaab’il iyaj chaab’il na’uuchin, li raatin li Dios narosob’tesiheb’ li ani wankeb’ xpaab’aal.